Ex 23:27 - Kaqchiquel Bible

²⁷ Yin kan xtinben richin xtikixibij-ki' chiwech, y xtinya' ri nimalej nuxibinri'il pa kiwi' konojel ri tinamit ri akuchi xkixq'ax-wi y xa xtusech kik'u'x y xke'animej k'a el chiwech ri e etzelanel iwichin.

Ex 23:27 ပူးပေါင်းရင်းမြစ်များ

Deut 2:25

Y ri Jehová xubij chi xtuben chike konojel winaqi' richin ri ruwach'ulew chi xtikik'en qakiy y xtikixibij-ki' toq xtikak'axaj ri qatzijol, y roma ri' rije' kan xkebaybot y xtipe bis kik'in.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

Deut 7:23

Ri Jehová ri qa-Dios kan xkeruliba' k'a apo chiwech ri winaqi' ri', xtuben chike richin tikitej poqon y xkeruk'is jumul.

Deut 11:25

Man jun k'a ri xtupaba' ta ri' chiwech, roma ri Jehová ri qa-Dios xtuben chike chi xtikik'en ikiy, y xtipe jun nimalej xibinri'il pa kiwi' ri winaqi' ri ek'o pa nima'q taq ruwach'ulew ri akuchi xkixq'ax-wi, achi'el ri rubin rija' chiwe.

Wuj Richin Bix Chire ri Dios 18:40

Xuben k'a chi ri e etzelanel wichin xa xe'animej-el chinuwech. Keri' kan xich'akon k'a chikij.

2 Crón 14:14

Chuqa' xekich'ek kan ri ch'aqa' chik tinamit ri ek'o chunaqaj ri Guerar, roma ri nimalej xibinri'il richin ri Jehová xqaqa pa kiwi'. Ri aj-Judá xekik'is k'a kan konojel winaqi' kichin ri tinamit ri', y xkik'en-pe ronojel ri k'o rejqalen ri k'o kik'in, roma chiri' janila beyomel k'o.

2 Rey 7:6

roma ri Jehová xuben chike ri aj-Siria chi xkak'axaj chi kan janila carruaje yeq'ajan; keri' chuqa' kaqen ri kiej, y janila aj-labal. Y xkibij k'a qa chikiwech: Wakami ri rey richin Israel xeberuk'ama-pe ri aj-labal hitita y ri aj-Egipto, richin nokibana' oyowal qik'in, xecha-qa.

1 Sam 14:15

Y xpe k'a jun nimalej xibinri'il chike konojel ri achi'a' aj-Filistea ri ek'o chiri', ri ek'o pa juyu', ri chajinela' y konojel ri e beneq pan eleq'. Chuqa' kan xuben k'a jun nimalej silonel chiri'. Y ronojel re' kan ja ri Dios ri xtaqon-pe pa kiwi' rije'.

Deut 11:23

ri Jehová kan xkerujech pan iq'a' ri etzelanel iwichin. Xkerelesaj k'a el ri winaqi' ri' stape' kan e k'iy y kan más kuchuq'a' chiwech rix. Chupan k'a ri kiruwach'ulew rije' xkixk'oje-wi kan rix.

Ex 33:2

Yin kan xtinteq k'a el ri nu-ángel chiwech rix richin yixruyuqej y xkenwelesaj k'a el chiwech ri winaqi' ri ek'o chiri': Ri cananeo, ri amorreo, ri heteo, ri ferezeo, ri heveo y ri jebuseo.

2 Sam 22:41

Xuben k'a chi ri e etzelanel wichin xa xe'animej-el chinuwech. Y keri' kan xich'akon k'a chikij.

Wuj Richin Bix Chire ri Dios 21:12

Rat kan xtaben k'a chike chi xke'animej, toq ye'aq'ijuj rije' rik'in ri ch'ab.

Ex 34:24

Roma yin kan xkenwelesaj k'a el ri e etzelanel iwichin y kan xtinnimirisaj k'a ri iruwach'ulew, roma ri' kan maneq chik k'a winaqi' ri xkerayin ri iruwach'ulew. Y rik'in ri keri', rix kan yixtikir yixapon-q'anej chinuwech yin Jehová, chupan chi oxi' nimaq'ij ri niban pa jun juna'.

Wuj Richin ri Q'axanri'il 22:3

jari' toq rija' y konojel ri winaqi' aj-Moab janila xkik'en kikiy ri israelita roma kan janila e k'iy.

Deut 6:19

Y keri' xkerelesaj-el chiwech ri e etzelanel iwichin achi'el ri rubin kan.