Ex 23:21 - Kaqchiquel Bible

²¹ Rix, kan tichajij k'a iwi' rik'in ri ibanobal chuwech rija' y tiwak'axaj ri rutzij. Man kixyakatej chirij, roma rija' maneq kuyubel-mak chuwech, roma kan pan nubi' yin beneq-wi.

Ex 23:21 ပူးပေါင်းရင်းမြစ်များ

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Wuj Richin Bix Chire ri Dios 72:19

¡Kan tinimirisex k'a ri nimalej rubi' jantape'! Kan chijun ta ri ruwach'ulew xtinoj rik'in ri ruk'ojlemal, ¡Kan keri' ta k'a xtibanatej, ja' kan keri'!

Wuj Richin Bix Chire ri Dios 78:40

¡Kan janipe' na k'a mul xeyakatej chirij chiri' pa tz'iran ruwach'ulew! Kan xkiya' k'a q'axo'n rik'in chupan ri ruwach'ulew ri'.

Wuj Richin Bix Chire ri Dios 78:56

Jak'a rije' xa jantape' xkitejtobej y xkiyek royowal ri nimalej Dios, y man xkiben ta ri nubij ri rupixa' ri ruya'on chike.

Wuj Richin Bix Chire ri Dios 83:18

Tabana' ronojel re' richin niketamaj, chi ri abi' rat, Jehová, y chi kan xaxe rat yaq'aton-tzij pa ruwi' ri ruwach'ulew.

Ex 3:14

K'ari' ri Dios xubij chire ri Moisés: JA YIN RI' RI KAN JANTAPE' INK'O. Y xubij chuqa': Keri' xtabij chike ri awinaq: RI JANTAPE' INK'O, jari' ri in taqayon-pe iwik'in rix, xtabij, xcha' ri Dios chire ri Moisés.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Ex 6:3

Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 45:6

Xtinben ronojel re' richin chi chijun ri ruwach'ulew tiketamaj chi kan xaxe yin ri in Dios, y maneq chik jun achi'el yin.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Wuj Richin ri Isaías 9:5

Ronojel k'a ri kixajab ri e etzelanel qichin xkek'aq pa q'aq', chuqa' kan keri' xtiban rik'in ri kitziaq ri k'isineq chupan ri kik'.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Wuj Richin ri Jeremías 23:6

Y k'ari' xtik'oje' uxlanenri'il chupan ri ruwach'ulew Judá y chuqa' chupan ri ruwach'ulew Israel. K'ari' ri winaqi' xkejike' jebel. Kere' k'a ri rubi' ri xtikiya' ri ki-rey: Ja ri Dios ri Qach'akonik.

Wuj Richin ri Jeremías 5:7

Roma ri' yin kere' ninbij: Yin kan man xtinkuy ta ri imak. Chuqa' ri iwalk'ual xinkimalij kan y kan xkiya' kitzij pa kibi' dios ri xa man e qitzij ta. Xinya' kiway pa ruk'iyal, jak'a rije' xa man xkinimaj ta nutzij y rije' xa xekitzeqelibej ch'aqa' chik dios.

Wuj Richin ri Malaquías 3:1

Rix kan nikanoj ri Jehová ri k'iytisanel richin ronojel, y rija' nuya' rutzijol chi xtuteq-pe jun taqonel, richin nujeq ri bey chuwech. Y xeri' ri Jehová xtipe chupan ri rachoch. Ri rutaqonel richin ri jikibel-tzij ri iwoyoben rix peteneq chik pa bey.

Wuj Richin ri Q'axanri'il 14:11

Ri Jehová xubij chire ri Moisés: ¿K'a jampe' k'a xketane' re winaqi' richin yinketzelaj? ¿K'a jampe' xtapon ri q'ij richin chi rije' nikikuquba' ta kik'u'x wik'in, stape' rije' kan kitz'eton ri meyel taq banobel ri nubanon chikiwech?

Wuj Richin ri Q'axanri'il 14:35

Yin, Jehová, kan nubin wi k'a, chi kan keri' ri xtinben kik'in konojel ri winaqi' ri e banoy etzelal; rije' kan xeyakatej chuwij re wawe' chupan re tz'iran ruwach'ulew y roma ri' kan xkek'is y xkeken kan re wawe', xcha'.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Juan 10:30

Yin y ri nata' kan jun k'a qabanon, xcha'.

San Juan 10:38

Jak'a wi kan ninben ri ruchilaben-pe ri Dios chuwe, tikuquba' ik'u'x wik'in roma ri', stape' man nikuquba' ta ik'u'x roma ri nubin chiwe; richin chi tiwetamaj chi ri nata' Dios jun rubanon wik'in yin y yin chuqa' jun nubanon rik'in rija', xcha'.

San Juan 5:23

Richin keri', yin xtink'ul k'a chuqa' nuq'ij achi'el ri nuk'ul ri nata'. Roma achike wineq ri man xtiya'on ta nuq'ij yin ri k'ajolaxel, man nuya' ta k'a chuqa' ruq'ij ri nata', ri taqayon-pe wichin.

Efesios 4:30

Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

Deut 18:19

Y xabachike wineq ri man nrak'axaj ta ri nuch'abel ri nuq'alajirisaj rija' pa nubi' yin, ri wineq ri' kan xtinq'et k'a tzij pa ruwi'.

Deut 9:7

Roma ri' toqaqa k'a chi'ik'u'x y man timestaj chi xiyek royowal ri Jehová ri qa-Dios, ichapon-pe kan ja toq xojel-pe pan Egipto, y chijun ri tz'iran ruwach'ulew y wakami re ojk'o wawe', kan man iniman ta k'a rutzij ri Jehová.

Colosenses 2:9

Ronojel ri rubanikil ri Dios, rik'in ri Cristo nilitej-wi.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

Hebreos 3:16

¿Achike ta k'a ri xebanon chi toq kan kak'axan chik ri ruch'abel ri Dios, xa xeyakatej chirij? Konojel ri xe'el-pe ri pa ruwach'ulew Egipto, ri xekol-pe roma ri Moisés.

Wuj Richin ri Josúe 24:19

K'ari' ri Josué xubij chike ri ruwinaq: Rix kan man xkixtikir ta xtisamajij ri Jehová, roma rija' kan jun Dios loq'olej, y kan man niqa' ta chuwech richin niya' ruq'ij jun chik dios. Chuqa' kan man xtukoch' ta ri yakatajinenri'il y xabachike mak niban chuwech.

1 Juan 5:16

Wi xitz'et chi k'o jun qach'alal nimakun, y rija' man ruk'amon ta chi niken, tik'utuj k'a chire ri Dios chi nukol chuwech ri kamik. Jak'a wi nuben jun mak ri kan ruk'amon chi niken, rix man tik'utuj chire ri Dios chi man nrelesaj ta ri ruk'aslen.

Apocalipsis 1:8

Ja yin ri rutikeribel y ri ruk'isibel, nicha' ri qajaw ri k'o ronojel uchuq'a' pa ruq'a', ri kan k'o-pe pa rutikeribel, k'o chuqa' re wakami y kan xtipe chik.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

Apocalipsis 2:8

Y chuqa' xubij chuwe chi tintz'ibaj el chire ri ángel kichin ri molaj nimanela' ri chiri' pan Esmirna y tinbij-el; chi ri kan k'o pe pa rutikeribel y pa ruk'isibel, ri xkamisex y xk'oje' chik ruk'aslen kere' nubij:

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

Wuj Kichin ri To'onela' 13:18

Y ri ángel richin ri Jehová xubij: ¿Achike roma nak'utuj ri nubi' ri xa kan ewatel chikiwech ri winaqi'?, xcha'.