Ex 23:15 - Kaqchiquel Bible

¹⁵ Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 23:15 ပူးပေါင်းရင်းမြစ်များ

San Lucas 22:7

Toq xoqaqa ri nimaq'ij, q'ij richin nitij ri kaxlan-wey maneq ch'amilej q'or rik'in, y toq yekamisex chuqa' ri taq karne'l ri richin ri q'ij ri',

Ex 34:20

Jak'a ri nabey kal ri taq bur k'o chi nikol y niya' jun alaj achij karne'l chuwech y wi man xtikol ta, kan xtiq'upij k'a ri ruqul. Kan xke'ikol k'a konojel ri nabey taq al alaboni'. Kan man jun k'a xtapon chinuwech yin, wi man jun ruk'uan-apo chuwe.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Marcos 14:12

Xapon k'a ri nabey q'ij richin ri nimaq'ij toq nitij ri kaxlan-wey ri maneq ch'amilej-q'or rik'in. Jak'a chuqa' q'ij ri' toq yekamisex ri taq karne'l ri richin ninatex ri aq'a' toq ri Jehová xuya' ri Solbelri'il. Jari' toq ri tijoxela' xkik'utuj chire ri Jesús: ¿Akuchi k'a nawajo' naben-wi ri nima-wa'in richin re nimaq'ij re', richin yojbe chubanik rutzil ronojel ri nik'atzin?, xecha'.

Wuj Richin ri Chojmirisabelri'il 23:10

Kere' k'a tabij chike ri awinaq: Toq rix xixok yan chupan ri ruwach'ulew ri xtinya' chiwe richin niwichinaj kan, y toq xtiq'et k'a ri jalajoj ruwech ixin, k'o chi nik'en-pe ri nabey q'etaj chire ri sacerdote.

Ex 34:18

Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.

San Lucas 2:41

Ri María y ri José kan ronojel k'a juna' yebe pa tinamit Jerusalem richin nikinataj toq ri Dios xuya' ri Solbelri'il chike ri kati't-kimama'.

Hechos 12:3

Roma ri Agripa xutz'et chi ri xuben chire ri Jacobo xa kan xqa' chikiwech ri judío ri man kiniman ta ri Jesucristo, rija' xuteq k'a chuqa' ruchapik ri Pedro. Re' xbanatej chupan ri nimaq'ij toq nitij ri kaxlan-wey ri maneq ch'amilej-q'or rik'in.

Ex 12:2

Re ik' re' kan xtok ri nabey ik' chire ri juna' ri kan iwichin rix.

Ex 22:29

Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

1 Sam 6:3

Y rije' xkibij: Wi niteq-el ri káxa richin ri rujikibel-tzij ri Dios kichin ri aj-Israel, k'o chi niya' jun sipanik chire richin nitoj ri kuyubel-mak chire ri Dios. K'ari' xkixbek'achoj y xtibeq'ax chiwech achike roma ya'on re jun q'axo'n re' pan iwi', xecha'.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Wuj Richin ri Miqueas 6:6

¿Achike ta k'a xtink'uaj richin xkinapon chuwech ri Jehová? ¿Achike xtinsipaj chire toq xtinya' ruq'ij ri nimalej Dios? ¿Kan ruk'amon kami chi xkinapon chuwech rik'in poron chikop? ¿Xkenk'uaj ta k'a el alaji' wákix ri k'o jujun kijuna'?