Ex 23:14 - Kaqchiquel Bible

¹⁴ Oxi' k'a mul pa jun juna' yininimaq'ijuj richin niya' nuq'ij.

Ex 23:14 ပူးပေါင်းရင်းမြစ်များ

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Wuj Richin ri Chojmirisabelri'il 23:34

tubij chike ri ruwinaq: Ri q'ij wolajuj chire ri ik' wuqu' ja q'ij ri' richin yixuxlan y niya' nuq'ij yin, y niben jun nimaq'ij kichin ri taq jay e banon rik'in ruq'a-che'. Wuqu' k'a q'ij xtinimaq'ijuj chinuwech yin.

Wuj Richin ri Chojmirisabelri'il 23:16

Toq xtz'aqet yan ri wuqu' semana chire ri q'ij domingo, k'o chi nisuj chik jun bey ri k'ak'a' jalajoj ruwech ixin richin sipanik chinuwech yin.

Wuj Richin ri Chojmirisabelri'il 23:5

Chupan ri q'ij kajlajuj chire ri nabey ik' toq niqaq'ij-qa, jari' toq nitiker-qa ri nimaq'ij richin ri Solbelri'il. Y ri nimaq'ij ri' niben richin niya' nuq'ij.

Ex 23:17

Kan konojel k'a achi'a' nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri iwajaw.

Wuj Richin ri Chojmirisabelri'il 23:4

Jare' ri rucholajen ri q'ij ri nuch'aron yin, richin yixnimaq'ijun richin niya' nuq'ij yin:

1 Sam 1:3

Y ronojel k'a juna' ri Elcaná nibe-q'anej pa tinamit Siló richin niberusuju' sipanik richin niberuya' ruq'ij ri Jehová k'iytisanel richin ronojel. Y chiri' k'o-wi ri sacerdote richin ri Jehová rubini'an Elí, chuqa' chiri' ek'o-wi ri e ruk'ajol kibini'an Hofní y Finees. Rije' chuqa' e sacerdote.

1 Rey 9:25

Y ri Salomón oxi' mul pa jun juna' xerusuj chikopi' ri yeporox jumul, pa ruwi' ri porobel, sipanik richin nuq'alajirisaj chi junan ruwech rik'in ri Jehová, y chuqa' kan xuporoj pom chuwech. Keri' toq xk'achoj rubanik ri rachoch ri Jehová.

2 Crón 8:13

chupan ri jalajoj ruwech taq nimaq'ij, achi'el ri rubin kan ri Moisés; ri q'ij richin uxlanen, ri q'ij toq nalex ri k'ak'a' ik' y ri oxi' nimaq'ij ri yeban pa jun juna': Ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin Pentecostés*f4* y ri nimaq'ij richin ri taq jay banon rik'in tzieq.

Ex 34:17

Man k'a ke'iben ch'aqa' chik dios ri e banon rik'in ch'ich' ya'erisan pa q'aq'.

Ex 34:18

Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.

Deut 16:1

Toq napon ri ik' Abib kan tibana' ri nimaq'ij richin natabel toq ri Jehová xuya' ri Solbelri'il, richin niya' ruq'ij-ruk'ojlen rija', roma chupan jun aq'a' chire ri ik' ri' jari' toq rija' xojrelesaj-pe pan Egipto.

Ez 46:9

Y ri pa taq nimaq'ij toq konojel winaqi' ye'ok-apo richin nikiya' nuq'ij, k'o chi kere' nikiben: Ri xke'ok-apo pan okibel ri k'o pa xokon, k'o chi ye'el-el pa xaman. Y ri xke'ok-apo pan okibel ri k'o pa xaman, k'o chi ye'el-el pa xokon. Man xke'el ta el chupan ri okibel ri akuchi ye'ok-wi.