Ex 23:13 - Kaqchiquel Bible

¹³ Kan titaqej k'a ronojel re xinbij chiwe yin. Kan man jun bey k'a tik'utuj to'onik chike ch'aqa' chik dios, ni man tinataj ri kibi'.

Ex 23:13 ပူးပေါင်းရင်းမြစ်များ

Wuj Richin Bix Chire ri Dios 16:4

Jak'a ri yetzeqeliben ch'aqa' chik dios, kan xtipe k'a nim ruk'ayewal pa kiwi'. Yin kan man xtinyoj ta wi' kik'in toq rije' yekamela'an rik'in kik' chuwech ri ki-dios, ni ri kibi' kan man jun bey k'a xtinnataj.

Wuj Richin Bix Chire ri Dios 39:1

Yin kan nubin k'a chi xtinchajij ri nubanobal, y man xkimakun ta rik'in ri waq'. Xinch'ob chi xtinq'et ri nuch'abel, rokik ri e banoy etzelal ek'o pe naqaj chuwe.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Ex 23:32

Man tiben chi nijunamatej-iwech kik'in ri winaqi', rik'in jikibel-tzij y man tik'en kiwech ri ki-dios.

Wuj Richin ri Jeremías 10:11

Ja rat xabin chuwe chi ninbij chike ri nuwinaq chi ri wachibel ri' man ja ta rije' xebanon ri kaj, ni ri ruwach'ulew. Y rije' kan xkek'is k'a el chuwech re ruwach'ulew y man jun k'a chike rije' xtik'oje' kan.

Os 2:17

Xtinwelesaj k'a pa ruchi' ri kibi' ri ch'aqa' chik dios. Kan man jun bey chik k'a xtunataj ri kibi'.

Wuj Richin ri Zacarías 13:2

Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu.

Wuj Richin ri Q'axanri'il 32:38

ri Sibmá. Chuqa' xkichojmirisaj chik q'anej ri Nebo y ri Baal-meón y xkijel ri kibi' re tinamit re'.

Efesios 5:12

roma ri banobel ri', yekibanala' pa taq ewel, y kan xaxe ninatex nik'ixbisan.

Efesios 5:15

Tichajij k'a ri ik'aslen. Man k'a tiben achi'el nikiben ri winaqi' ri xa e nakaneq rik'in ri kich'obonik. Jak'a kan tikusaj ri etamabel ri k'o iwik'in.

Deut 12:3

Kan tiyojo' k'a el ri kiporobal y ke'ipaxila' ri kiwachibel ki-dios ri e banon rik'in abej. Ke'iporoj k'a ri kiwachibel ri ki-dios Asera y ronojel ri wachibel ri e paban akuchi nikiya-wi kiq'ij ri ch'aqa' chik dios. Tibana' ronojel re' richin man jun chik xtinatan kichin.

Deut 4:15

Toq ri Jehová xch'on qik'in pa runik'ajal ri q'aq' ri chiri' pan Horeb, stape' man xqatz'et ta ri achike rubanik, man rik'in ri' kan tichajij jebel iwi',

Deut 4:23

Xaxe k'a ninchilabej chiwe chi man timestaj ri jikibel-tzij ri xuben ri Jehová ri qa-Dios qik'in roj. Man jun wachibel ri tipaba-q'anej, ni man jun chuqa' ruwachibel ri xabachike xke'ipaba-q'anej, roma ri Jehová ri qa-Dios rubin chi man tiban.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

1 Timoteo 4:16

Tachajij k'a jebel ri ak'aslen y keri' chuqa' ri tijonik ri naya' chike ri ch'aqa' chik. Y man taya' kan rubanik, richin keri' xtakol-awi' rat y xke'akol chuqa' ri ye'atijoj.

Hebreos 12:15

Titz'eta' jebel chi man jun ta ri man ta nuqi' ri rutzil ri Dios. Richin chi man jun tok achi'el jun q'ayis ri k'ey-k'ey ruxe', ri xa nuben ch'aoj y nusech kik'u'x e k'iy.

Wuj Richin ri Josúe 22:5

Xaxe k'a ninchilabej chiwe chi kan tibana' ri nubij ri pixa' ri xuya' kan ri Moisés ri rusamajel ri Jehová. Tiwajo' k'a ri Jehová ri qa-Dios, y kan kixbiyin chupan ri ruchojmilal. Tiyaka' ronojel ri nubij chupan ri pixa': Kan titzeqelibej rija'. Kan tiya' k'a ruq'ij rik'in ronojel iwánima y tisamajij rik'in ronojel ik'u'x, xcha-el chike.

Wuj Richin ri Josúe 23:11

Xaxe k'a ninwajo' ninbij chiwe, chi kan titija' iq'ij richin nichajij-iwi', y kan rik'in k'a ronojel iwánima tiwajo' ri Jehová ri qa-Dios,

Wuj Richin ri Josúe 23:7

richin man nixol ta iwi' kik'in ri winaqi' richin ri tinamit ri k'a ek'o na kan chupan re ruwach'ulew re'. Man tiya' itzij pa kibi' ri ki-dios, ni man ke'isamajij, ni man tiya' kiq'ij y man ke'inataj.