Ex 22:9 - Kaqchiquel Bible

⁹ Xabachike k'a wineq wi nibe'ilitej-pe jun bóyix rik'in, jun bur, jun karne'l, tzieq o xabachike y k'o jun ri nibin chi richin rija', re ch'ojinik re' xtuk'uex k'a chikiwech ri to'onela'. Y ri xtel aj-mak xtutzolij k'a ri rubanon-qa richin chire y xtuya' chik el jun pa ruwi' y xtuya-el chire ri rachpochel.

Ex 22:9 ပူးပေါင်းရင်းမြစ်များ

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Ex 22:4

Y wi ta ri chikop eleq'an, k'a k'es na nibe'ilitej-pe rik'in ri eleq'om, wi bóyix, wi bur o wi jun karne'l, ri eleq'om k'o chi nutzolij-el ri releq'an y nuya' chik el jun pa ruwi'.

San Mateo 18:35

Kan keri' k'a xtuben iwik'in rix ri nata' ri k'o chila' chikaj, wi man rik'in ta ronojel iwánima nikuy kimak ri iwach'alal toq k'o itzel nikiben chiwe, xcha' ri Jesús.

1 Rey 8:31

Y wi k'o ta jun ri k'o numakuj chuwech ri rachpochel, y nik'amer-pe chuwech re porobel re', chupan re awachoch richin nuya' rutzij chi wi aj-mak o man aj-mak ta,

San Mateo 18:15

Wi k'o k'a jun awach'alal nimakun chawech, kabiyin ayon rik'in y pa ruyonil tabij chire. Y wi ri awach'alal ri' nrak'axaj ri xabij chire, kan xakol k'a.

2 Crón 19:10

Chupan xabachike ch'ojinik ri nikik'en-pe chiwech ri iwinaq ri ek'o pa taq jalajoj tinamit, kan tiq'ata' k'a tzij pa ruchojmilal richin chi rije' nich'uch'u-el kánima, y keri' man yemakun ta chuwech ri Dios, ni chiwech rix, ni chikiwech rije' chi kachibil-ki'. Wi keri' xtiben, rix kan maneq k'a imak chire ri achike xtikiben rije', stape' pa ruwi' jun kamik o wi nikik'utuj chiwe chi tiq'alajirisaj chikiwech ri jalajoj ruwech pixa'.

Ex 22:28

Man jun bey tiqasaj nuq'ij yin ri Dios y man tiwoyoj itzel pa kiwi' ri e tata'al richin ri itinamit.

Ex 22:10

Wi k'o ta jun wineq nibin chire ri rachpochel, chi tubana' utzil nutzu' ta juba' ri rubur, ri rubóyix, ri rukarne'l o xabachike jun chik chikop y re chikop re' niken ta, nisokotej ta o nuk'uex ta el y man jun nitz'eton-el,

Wuj Richin ri Rutikeribel 31:39

Ronojel awawej ri yekamisex kan koma ri k'uxunela' taq chikopi', xinya-apo kik'exel, roma rat kan jantape' xe'ach'ojij chuwe, stape' xbanatej paq'ij o chaq'a'.

Wuj Richin ri Chojmirisabelri'il 6:5

Toq nretamaj chi rija' aj-mak, k'o chi nutzolij ruk'exel chire ri rajaw y pa ruwi' ri', k'o chi nuya-el jun chire ri ro' chire ri rajel ri ruk'amon-qa. Y chuqa' k'o chi nuk'en-pe rik'in ri sacerdote jun achij karne'l ri kan tz'aqet o nuk'en-pe ri rajel. Y xtusuj k'a chuqa' chuwe yin jun kamelabel, ri k'o chi nibe pa ruwi' ri nutzolij chire ri wineq ri k'uluyun ri ch'a'oj.