Ex 22:29 - Kaqchiquel Bible

²⁹ Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

Ex 22:29 ပူးပေါင်းရင်းမြစ်များ

2 Rey 4:42

K'o k'a jun q'ij xapon rik'in ri Eliseo jun achin aj-Baal-salisá; y re achin re' ruk'uan-apo chire ri Eliseo juwineq kaxlan-wey ri banon rik'in ri nabey taq ruwech cebada, y chuqa' kan ruk'uan k'a apo juba' trigo ri k'a k'o pa rij. Y ri Eliseo xubij chire ri rusamajel chi tuya' ri kaxlan-wey ri' chikiwech ri winaqi' richin yewa'.

2 Crón 31:5

Y toq ri israelita xkak'axaj re', kan rik'in k'a ronojel kánima xkiya-apo ri nabey taq ruwech kitiko'n, ri jalajoj ruwech taq ixin, ri k'ak'a' ruya'al uva, ri aceite richin olivo, ri kab ri nikiya' taq chikopi' y ronojel k'a ri yetik pa juyu'. Chuqa' xkiya-apo ri jun chire ri lajuj chire ri kitiko'n; y pa ruk'iyal k'a ri xkiya'.

Ex 13:12

jari' toq xkeqaya' chire ri Jehová ri e nabey taq qak'ajol y chuqa' ri e nabey taq kal ri qawej, ri e achija'.

Ex 13:2

Kan ke'ich'ara' k'a chuwe yin konojel ri e nabey taq al alaboni' ri ye'alex chikikojol ri awinaq y kan keri' chuqa' ri nabey taq achija' ri ye'alex chikikojol ri awej, roma re' kan e wichin yin, xcha' ri Jehová.

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 23:16

Chuqa' xtiben ri nimaq'ij richin ri nabey ruwech ri itiko'n, ri niwelesaj chuwech ri iwulew. Y pa ruk'isibel, toq nik'is ri juna', xtiben chuqa' ri jun nimaq'ij richin toq nik'ol ronojel ruwech ri itiko'n ri xiben.

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Ex 34:19

Konojel ri nabey taq al alaboni', e wichin yin y keri' chuqa' ri e nabey taq kal ri iwawej, ri e achija' chike ri wákix y ri karne'l.

Ex 34:20

Jak'a ri nabey kal ri taq bur k'o chi nikol y niya' jun alaj achij karne'l chuwech y wi man xtikol ta, kan xtiq'upij k'a ri ruqul. Kan xke'ikol k'a konojel ri nabey taq al alaboni'. Kan man jun k'a xtapon chinuwech yin, wi man jun ruk'uan-apo chuwe.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Wuj Richin ri Chojmirisabelri'il 22:27

Toq nalex jun ti iwákix, jun ti ikarne'l, o jun ti itzuntzun, k'o chi nik'oje' rik'in ri rute' wuqu' q'ij richin nitz'uman. Jak'a toq nuchop-el ruwaqxaq q'ij kan utz chik richin niporoj chinuwech.

Wuj Richin ri Miqueas 7:1

Kan maneq chik winaqi' chuwach'ulew ri kan choj ta kik'aslen; maneq chik ri kuqul ta kik'u'x rik'in ri Dios. Kan toq'ex k'a nuwech yin roma yenkanoj y man yenwil ta. Yin in achi'el jun ri nukanoj uva toq xa xk'ol yan el ronojel. Yin kan xinrayij ta k'a xintej ri nabey taq ruwech ri wíkix, jak'a xa maneq. Konojel k'a ri winaqi' xa kan xaxe ri kamik nikajo' nikiben. Chi kach'alal-ki' nikiyala' tzaqibel pa taq kibey.

Wuj Richin ri Q'axanri'il 18:13

Ronojel ri nabey taq ruwech ri tiko'n ri nuya' ri kulew ri awinaq, ri nikisuj chuwe yin, re' kan xtok-wi awichin rat; y konojel k'a ri ek'o pan awachoch ri kan e ch'ajch'oj utz chuqa' nikitej.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Romanos 8:23

Y kan keri' chuqa' roj. Ri qánima niq'axo, nijilo k'a re q'ij chuqa' re'. Kan janila k'a niqajo' chi napon yan ta ri q'ij toq xtiq'alajin chi xojok ralk'ual ri Dios, y xtijalatej ri qach'akul. Qetaman chi keri' xtiban chiqe, roma ya'on chik ri Loq'olej Espíritu pa taq qánima.

Deut 15:19

Kan xke'ich'er k'a chire ri Jehová ri qa-Dios, ri nabey taq achija' kal ri iwawej. Man tikusaj chupan ri isamaj rix ri chikop ri', ni man tisokaj ri rusumal richin nikusaj rix.

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.