Ex 22:26 - Kaqchiquel Bible

²⁶ Wi nik'en kan ri tzieq ri nuq'uj ri iwachpochel, richin qajbel richin ri méro, kan titzolij k'a chire toq niqaqa ri q'ij,

Ex 22:26 ပူးပေါင်းရင်းမြစ်များ

Wuj Richin Etamabel-Tzij 20:16

Rat kan tak'ama' k'a kan ri rutziaq ri wineq, ri xupaba' kan ri' chuwech ruk'as jun chik; tabana' chi k'o tuyuquba' kan ri wineq, ri xupaba' kan ri' chuwech ri ruk'as jun chik wineq.

Am 2:8

Richin qajbel ri kiméro xkik'ul tzieq chuwi-kiq'a' ri kiwinaq. Y kikusan k'a ri tzieq ri' yekotz'e' chunaqaj ri porobel. Yekiloq' jebelej taq vino rik'in ri méro ri puaqin chike. Ri vino ri' nikiqum pa wachoch.

Deut 24:6

Wi k'o jun wineq k'o nuqej iwik'in man tik'utuj kan ri ruka' o ri ruq'a' ruka' chire richin jun retal chi nutzolij ri ruk'as chiwe, roma re' xa kan achi'el ja ta ri ruk'aslen ri nik'utuj kan.

Ez 18:16

Man xkeruya' ta pa tijoj-poqonal ri ch'aqa' chik, toq xtuya' méro pa qajik man xtuk'utuj ta retal chire ri qajonel. Man xteleq' ta; pa ruk'exel ri' xa kan xtuya' kiway ri yewayjan y xtuya' kitziaq ri maneq kitziaq.

Ez 18:7

Ri wineq ri man xkeruya' ta pa tijoj-poqonal ri ch'aqa' chik y toq nuya' méro pa qajik xa kan nutzolij ri retal ri xya'ox chire roma ri qajonel. Rija' man neleq' ta y kan nuya' k'a kiway ri yewayjan y nuya' kitziaq ri maneq kitziaq.

Wuj Richin Etamabel-Tzij 22:27

Roma wi xa man jun k'o awik'in richin chi natoj ri jun k'as ri', xa kan xtelesex-el chi'axe' ri ch'at ri akuchi yawer-wi, richin nok chuwech ri k'as.

Wuj Richin ri Achin Job 24:3

Yekeleq'aj-el ri taq kibur ri meba'i', y kan yekimej ri kibóyix ri malkani', ri e yuqul kan roma k'as.

Deut 24:17

Kan tibana' pa ruchojmilal kik'in ri man e iwinaq ta y ri meba'i'. Y chuqa' man tik'utuj jun rutziaq ri malka'n richin qajbel richin ri ruk'as.

Ez 33:15

re wineq re' kan xtik'ase'. Nel chi tzij chi wi rija' xuya' méro pa qajik y xuk'ul jun retal, k'o chi nutzolij ri retal ri'. Wi rija' k'o releq'an, k'o chi nutzolij ri releq'. Chuqa' k'o chi nuben achi'el nubij chupan ri pixa' y man nuben ta chik itzel taq banobel.

Wuj Richin ri Achin Job 24:9

Y kan ek'o k'a chike ri itzel taq achi'a' ri kan yekimajila-el ri taq ak'uala' maneq chik kitata', chikiwech ri teja', stape' k'a yetz'uman na. kan ja ri ak'uala' yekik'en chuwech ri kik'as ri winaqi' ri man jun k'o kik'in.

Wuj Richin ri Achin Job 22:6

Roma toq ri awach'alal xkiben jun kiqajo'n awik'in, kan k'o na chi k'o xkiyuquba' kan awik'in y xa maneq achike roma xaben keri', kan xawelesaj kan ri kitziaq ri nikiq'uj, kan xaben k'a chike chi tew xkina'.

Wuj Richin ri Achin Job 24:7

Rije' kan man nikik'uaj ta kiq'u' y keri' yeq'ax ri junaq'a', kan man jun ri nikikusaj richin nikikuch-ki' chuwech ri tew.

Wuj Richin ri Achin Job 34:28

Rije' kan man xekito' ta ri winaqi' ri man jun k'o kik'in y roma ri' ri koq'ej ri winaqi' ri' xapon k'a rik'in ri Dios; y rija' kan xrak'axaj k'a ri koq'ej ri kan k'o nik'atzin chike.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Wuj Richin Bix Chire ri Dios 34:7

Ri ángel richin ri Jehová, kan e ruchajin ri k'o rukiy ri Dios chikiwech, y kan yeruto'.