Ex 22:25 - Kaqchiquel Bible

²⁵ Toq niya' méro pa qajik chire jun iwinaq, ri kan man jun k'o rik'in, man tik'utuj ral chire.

Ex 22:25 ပူးပေါင်းရင်းမြစ်များ

2 Rey 4:1

K'o k'a jun q'ij jun ixoq rixjayil kan jun chike ri q'alajirisey ruch'abel ri Dios, xapon rik'in ri Eliseo y xubij chire: Ri wachijil xken yan; y rat awetaman chi rija' kan xutzeqelibej ri Jehová. Y wakami ri achin ri akuchi k'o-wi kan ri ruk'as peteneq richin yeruk'uaj-el re e ka'i' wal richin yeyuqe' pa samaj rik'in, xcha'.

2 Rey 4:7

Ri ixoq xberutzijoj k'a chire ri Eliseo, y ri Eliseo xubij chire: Kabiyin y tak'ayij ri aceite richin natoj ri k'as. Rat y ri e ka'i' awal xtiq'axaj iwi' rik'in ri aceite ri xkolotej kan, xcha'.

Wuj Richin ri Nehemías 5:7

Y xinch'ob na k'a jebel y k'ari' xench'olij ri e tata'al y ri aj-raqen, roma ri nikiben kik'in ri qawinaq chi janila k'iy ral ri méro ri nikik'utuj chike. Roma ri' xenwoyoj pa jun nimalej molojri'il richin yojch'on pa ruwi' re ruk'ayewal re'.

Wuj Richin Bix Chire ri Dios 15:5

ri man nuk'utuj ta ral ri méro toq nuya' pa qajik, ri man niqa' ta chuwech nipuaqix richin nich'on itzel chirij jun ri xa maneq rumak. Ri kere' ruk'aslen man jun bey k'a xtibe pa xulan.

Wuj Richin Etamabel-Tzij 28:8

Ri kan nuben-q'anej rubeyomel, roma ri ral ri ruméro y roma ri nik'o ruwi' nuk'utuj chike ri yeqajo rik'in; rija' kan man retaman ta chi ri beyomel ri' xa pa ruq'a' jun chik ri kan nujoyowaj kiwech ri meba'i' ri nibek'oje-wi kan.

Wuj Richin ri Jeremías 15:10

Yin xinbij k'a qa: Toq'ex nuwech yin, roma ri nte' xiralaj chuwech re ruwach'ulew, xaxe richin konojel winaqi' nikiben oyowal wik'in. Man jun k'a achoq chire nuqajon-wi méro, ni man ya'on ta méro pa qajik chuwe yin. Man rik'in ri' konojel nikirayij chi niqaqa ta itzel pa nuwi'.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Ez 18:17

Chuqa' man xtuben ta itzel. Y toq xtuya' méro pa qajik chire jun ruwinaq xa man xtuk'utuj ta ral y toq xtuya' pa qajik chire jun ri man ruwinaq ta man xtuk'utuj ta k'iy ral. Rija' kan xtuben k'a ri nubij chupan ronojel ri nupixa' y man xtuch'er ta ri' chire. Re alk'ualaxel re' kan man xtiken ta k'a roma ri rumak ri rutata', xa kan xtik'ase' k'a.

Ez 18:7

Ri wineq ri man xkeruya' ta pa tijoj-poqonal ri ch'aqa' chik y toq nuya' méro pa qajik xa kan nutzolij ri retal ri xya'ox chire roma ri qajonel. Rija' man neleq' ta y kan nuya' k'a kiway ri yewayjan y nuya' kitziaq ri maneq kitziaq.

Ez 18:8

Toq nuya' méro chire jun ruwinaq pa qajik man xtuk'utuj ta ral y toq nuya' méro chire jun ri man ruwinaq ta, man nuk'utuj ta k'iy ral. Rija' man xtuben ta itzel y toq nuq'et-tzij pa kiwi' e ka'i' winaqi' kan nuben pa ruchojmilal.

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Am 2:8

Richin qajbel ri kiméro xkik'ul tzieq chuwi-kiq'a' ri kiwinaq. Y kikusan k'a ri tzieq ri' yekotz'e' chunaqaj ri porobel. Yekiloq' jebelej taq vino rik'in ri méro ri puaqin chike. Ri vino ri' nikiqum pa wachoch.

San Mateo 25:27

Wi awetaman chi yin in k'a'el, más utz xaya' ta pa qajik, y toq xinoqaqa yin, xink'ul ta k'a ri q'anapueq ri kan wichin yin y xink'ul ta chuqa' ri ral.

San Lucas 19:23

Wi keri' awetaman, ¿achike k'a roma toq man xaya' ta ri numéro pa qajik? Richin keri' nink'ul ta k'a ri méro ri kan wichin yin, y k'o ta chuqa' ral nink'ul re wakami toq xitzolin-pe, xcha'.

Deut 15:7

Wi k'o ta jun chike ri iwinaq ri kan man jun k'o rik'in, ri k'o chupan ri tinamit ri xtuya' ri Jehová ri qa-Dios chiwe, rix kan man tikowirisaj ri iwánima richin nito'. Xa kan tiya' k'a ri k'atzinel chire;

Deut 24:13

K'o chi nitzolij-el chire toq niqaqa yan qa ri q'ij, richin keri' k'o nuq'uj-qa toq niwer-qa. Keri' rija' xtroyoj urtisanik pan iwi' y kan xtiben jun utzilej banobel chuwech ri Jehová ri qa-Dios.