Ex 22:17 - Kaqchiquel Bible

¹⁷ Jak'a wi ri rutata' ri xten man nrajo' ta nuya-el chire ri xbanon keri', kan k'o chi xtutoj janipe' ri méro ri niya'ox chire ri tata'aj, toq keri' niban chire jun xten.

Ex 22:17 ပူးပေါင်းရင်းမြစ်များ

Wuj Richin ri Rutikeribel 34:12

Man jun rubanon wi xtik'utuj k'iy sipanik chuwe. Yin xtinya' chiwe janipe' niwajo' rix, xaxe tiya' q'ij chi ri iwana' nok wixjayil, xcha'.

1 Sam 18:25

Y ri Saúl xubij chik: Kere' tibebij chire ri David: Ri rey man nrajo' ta jun sipanik. Rija' nrajo' wok'al rutz'umal ri rutza'n ri kikowil ri aj-Filistea, richin nuben ruk'exel chike ri e etzelanel richin, kixcha' chire, xcha' ri rey. Ri ruch'obonik ri Saúl chi ri David nitzaq ta kan pa kiq'a' ri aj-Filistea.

Deut 22:29

ri achin ri xk'oje' rik'in ri xten, xtuya' más juba' jun libra saqipueq chire ri rutata' ri xten. Y ri xten ri' xtok rixjayil ri achin ri' roma xuqasaj ruq'ij; y kan man xtujech ta k'a ri' rik'in chijun ruk'aslen.

Wuj Richin ri Rutikeribel 23:16

Y ri Abraham xqa' chuwech ri rajel y xupej k'a ri lajuj libra saqipueq y xujech chire ri Efrón chikiwech konojel. Y kan tz'aqet k'a ri xuya' chire. Kan achi'el yepajon ri k'ayinela' y ri loq'onela'.

Wuj Richin ri Rutikeribel 30:20

y chuqa' xubij: Re ak'ual re' xtubini'aj Zabulón. Y re bi'aj re' nel chi tzij yirupoqonaj. Y chuqa' xubij: Ri Dios xuya' jun nimalej sipanik chuwe. Wakami ri wachijil xkirupoqonaj más, roma xek'oje' e waqi' wal, xcha'.

Wuj Richin ri Chojmirisabelri'il 20:6

Wi k'o ta jun wineq ri xtibe rik'in ri yeruk'ulubej ri kaminaqi' y kik'in ri nikibananej chi ketaman ri peteneq chiqawech-apo y kan yerutzeqelibej, yin kan xkiyakatej chirij ri wineq ri' y kan xtinwelesaj ri ruk'aslen.

Deut 18:10

Man jun chiwe ri xtusuj ri ralk'ual richin kamelabel y nuq'axaj pa q'aq'. Man ye'ik'ulubej k'a ri yech'on kik'in ri espíritu, richin niwetamaj ri peteneq chiwech, ni man yixch'on kik'in ri kaminaqi'. Man niya' q'ij chi yek'oje' aj-itza' chi'ikojol. Ni man kixq'olon rik'in meyel taq banobel.

1 Sam 28:3

Ri Samuel xken yan el y chijun tinamit Israel kan janila xkibisoj. Xkimuq k'a pa rutinamit chiri' pa Ramá. Y ri rey Saúl e relesan chik k'a el chupan ri kiruwach'ulew konojel ri yek'uluben kaminaqi' y ri nikibananej chi ketaman ri peteneq chikiwech.