13 Y wi k'o ta jun k'uxunel chikop ri xkamisan chuwech, kan xtiberuk'utu' k'a ri ruchubal ri chikop richin chi nitz'et y keri' kan man jun k'a ri xtutoj.
Rix aj-Nínive, ri kan ix achi'el koj ri ojer kan; ri kan ye'ikamisaj ch'aqa' chik chikopi' richin ye'iya' chike ri alaji', richin ye'iya' chike ri ixoqi' taq koj. Y ri isok kan inojisan chi chikopi' ri e kaminaqi' chik.
Keri' chuqa' ri xkekolotej kan chire ri qawinaq, ri kitalun-ki', xkeyakatej chikij ri e etzelanel kichin achi'el jun koj ri niyakatej chikij ri chikopi' ri ek'o pa k'echelaj. Xkekik'is achi'el jun koj ri yeruwech' ri q'ataj karne'l, y kan yeruk'is konojel. Y kan man jun xtitikir xtuto-ri' chuwech.
Yin Jehová kere' ninbij: Kan xaxe ok juba' winaqi' aj-Samaria ri xkekolotej kan. Achi'el jun koj toq nuchop jun karne'l y ri yuq'unel xaxe chik juba' ruxikin o ka'i' taq baq richin ri raqen ri nitikir nukol kan. Keri' chuqa' ri winaqi' aj-Samaria. Ri kibeyomel man xkeruto' ta.
Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.
Wi ta k'o jun wineq ri ruqajon ta el jun chikop chire ri rachpochel y re chikop re' nisokotej o niken ta y maneq apo ri rajaw, kan k'o k'a chi xtutoj ri chikop ri'.