Ex 22:11 - Kaqchiquel Bible

¹¹ ri wineq ri achoq ik'in k'o-wi kan ri chikop ri', kan xtuya' k'a rutzij chuwech ri Jehová chi man ja ta rija' ri xbanon chi keri' xuk'uluwachij ri chikop ri'; y roma ri' ri rajaw kan xtunimaj k'a y kan man jun ri xtutoj.

Ex 22:11 ပူးပေါင်းရင်းမြစ်များ

Hebreos 6:16

Ri winaqi', nikiya' kitzij pa rubi' jun ri más nim chikiwech rije' y rik'in ri' kenimex y man jun chik tibix chike.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.

Wuj Richin ri Chojmirisabelri'il 6:3

O rik'in juba' ja rija' xilo ri rusachon jun chik wineq y man rubin ta chi rik'in rija' k'o-wi. Y xabachike k'a ri xtibanon kere', kan nimakun-wi.

Wuj Richin ri Chojmirisabelri'il 5:1

Ja mak re' ri nik'atzin chi nisuj jun chikop richin nikuyutej rumak ri wineq: Wi jun ri nimakun ta roma noyox richin nubij ronojel ri xutz'et, richin nuq'alajirisaj ri achike xutz'et o xretamaj y man nrajo' ta nubij;

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

Ex 22:8

Jak'a wi man nilitej ta ri eleq'om, ri wineq ri achoq ik'in uxqanen-wi kan ri méro jari' ri xtuk'uex k'a chikiwech ri to'onela', richin nitz'et wi xa ja rija' ri xchapo-qa ri uxqanen kan rik'in.

Ex 22:10

Wi k'o ta jun wineq nibin chire ri rachpochel, chi tubana' utzil nutzu' ta juba' ri rubur, ri rubóyix, ri rukarne'l o xabachike jun chik chikop y re chikop re' niken ta, nisokotej ta o nuk'uex ta el y man jun nitz'eton-el,

Ex 22:12

Jak'a wi xeleq'ex-el rik'in, kan k'o chi xtutoj chire ri rajaw.

Wuj Richin ri Molojri'il 8:2

Kan tabana' k'a ronojel ri nubij ri rey chi k'o chi niban, roma kan aya'on chik atzij chuwech ri Dios.