Ex 21:24 - Kaqchiquel Bible

²⁴ roma ri nelesan runaq'-ruwech jun wineq xtelesex chuqa' runaq'-ruwech ri xbanon, ri nelesan rey jun wineq xtelesex chuqa' rey rija', ri nelesan ruq'a' jun wineq xtelesex chuqa' ruq'a' rija', ri xtelesan raqen jun wineq xtelesex chuqa' raqen rija',

Ex 21:24 ပူးပေါင်းရင်းမြစ်များ

Deut 19:21

Man tijoyowaj kiwech ri yebanon etzelal chi'ikojol, xa kan tiya' ruk'exel chike, achi'el re': Ri xtikamisan, niken chuqa' rija'; wi ja ri runaq'-ruwech xtisokotej, wi xtel jun rey, wi ja ri ruq'a', wi ja ri raqen, keri' chuqa' xtiban chire ri xtibanon.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

San Lucas 6:38

Wi rix rik'in ronojel iwánima ye'ito' ri winaqi' rik'in ri nik'atzin, ri Dios xtuya' chuqa' ri rajel-ruk'exel chiwe, achi'el toq nanojisaj jun chakech rik'in ixin. Kan nasiloj jebel richin k'iy nibe chupan. K'ari' jebel napitz'-qa, y napulisaj. Kan achi'el ri niben rix kik'in ri winaqi', kan keri' chuqa' xtuben ri Dios iwik'in rix.

1 Sam 15:33

Y ri Samuel xubij: Rik'in ri a-espada xe'akamisaj k'iy kal ri qate'. Keri' chuqa' xtuk'uluwachij ri ate' rat, xcha'. Jari' toq ri Samuel xuqupij y xuk'ajij ri Agag chuwech ri Jehová chiri' pa Guilgal.

Ex 21:25

ri xtik'aton richin jun wineq keri' chuqa' xtiban chire rija', ri xtisokon richin jun wineq xtisok chuqa' rija' y ri xtikajin richin jun wineq kan xtikajix chuqa' rija'.