Ex 21:20 - Kaqchiquel Bible

²⁰ Y wi k'o ta jun achin nuch'ey chi che' jun rusamajel, stape' ixoq o achin y niken chuwech, kan xtiqaqa ri rutojbalil pa ruwi'.

Ex 21:20 ပူးပေါင်းရင်းမြစ်များ

Romanos 13:4

Roma rije' kan ja ri Dios ri e yoyon, richin yojkisamajij roj. Jak'a wi niqaben ri man utz ta, tiqaxibij-qi' chikiwech, roma ja rije' xkeya'on ruk'ayewal pa qawi'. Kan e ya'on-wi roma ri Dios richin nikiya' ruk'ayewal pa kiwi' ri e banoy taq etzelal.

Wuj Richin Etamabel-Tzij 29:19

Ri loq'on samajel, richin chi niniman tzij, man xaxe ta ch'abel ri nik'atzin chi nibix chire, roma stape' kan niq'ax chuwech, xa man xtuben ta ri nibix chire.

Deut 19:21

Man tijoyowaj kiwech ri yebanon etzelal chi'ikojol, xa kan tiya' ruk'exel chike, achi'el re': Ri xtikamisan, niken chuqa' rija'; wi ja ri runaq'-ruwech xtisokotej, wi xtel jun rey, wi ja ri ruq'a', wi ja ri raqen, keri' chuqa' xtiban chire ri xtibanon.

Wuj Richin ri Q'axanri'il 35:19

Ri rach'alal ri k'o más naqaj chire ri xkamisex, jari' ri xtiya'on ruk'exel chire ri kamisanel. Toq xtril kan xtukamisaj k'a.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

Wuj Richin ri Rutikeribel 4:24

Wi wuqu' mul xtiya'ox rutojbalil roma ri Caín, Yin ninbij chi oxk'al wuqlajuj mul xtiya'ox rutojbalil woma yin, xcha'.

Wuj Richin ri Rutikeribel 4:15

Y ri Jehová xubij chire: Kan qitzij ninbij chawe: Wi k'o ta jun ri achike xkakamisan kan, kan wuqu' k'a mul xtinya' rutojbalil pa ruwi', xcha'. K'ari' ri Jehová xuya' jun retal ri Caín richin chi achike xtik'ulun man nukamisaj ta kan.

Ex 21:19

toq re wineq re' xtiyakatej y nibiyaj-el rik'in ri ruch'ame'y, ri xsokon richin, xa man jun xtrejqalej, xaxe k'a k'o chi xtutoj ri jampe' q'ij ri man xtisamej ta. Chuqa' xtutoj ri aq'omanik ri xtiban chire.

Ex 21:21

Jak'a wi xtik'ase' na chik jun ka'i' q'ij, kan man xtiqaqa ta ri rutojbalil pa ruwi', roma kan k'o ruq'a' chire roma ruloq'on.