Ex 20:8 - Kaqchiquel Bible

⁸ Toqaqa k'a chi'ik'u'x ri q'ij richin uxlanen, richin chi nich'er chuwe yin.

Ex 20:8 ပူးပေါင်းရင်းမြစ်များ

Wuj Richin ri Chojmirisabelri'il 26:2

Kan tichajij k'a ri q'ij richin uxlanen y kan tiya' rejqalen ri wachoch akuchi niya-wi nuq'ij. Yin Jehová ri yibin.

Wuj Richin ri Chojmirisabelri'il 19:3

Tiya' kiq'ij ri ite-itata'; kan tiya' rejqalen ri q'ij richin uxlanen. Yin Jehová ri i-Dios ri yibin.

Wuj Richin ri Rutikeribel 2:3

Ri Dios kan xrurtisaj k'a ri ruwuq q'ij y xuben chi re q'ij re' man junan ta k'a rik'in ri ch'aqa' chik q'ij; y kan xuch'er k'a richin uxlanenri'il, roma chupan ri q'ij ri' xtane' chire ri samaj ri xuben.

Wuj Richin ri Chojmirisabelri'il 23:3

Waqi' q'ij k'a xtiben isamaj rix, jak'a ri pa ruwuq q'ij kan man jun samaj ri niben, roma re' kan q'ij richin uxlanen y kan xtiben jun molojri'il richin niya' nuq'ij yin; y xabakuchi k'a ixk'o-wi kan xtichajij k'a.

Wuj Richin ri Chojmirisabelri'il 19:30

Kan tichajij k'a ri q'ij richin uxlanen, y kan tiya' k'a rejqalen ri wachoch. Yin Jehová ri yibin.

Ex 23:12

Waqi' k'a q'ij yixsamej y chupan ri ruwuq q'ij kan xkixuxlan k'a, richin chi ye'uxlan chuqa' ri ibóyix y ri ibur. Y chuqa' richin ye'uxlan ri kalk'ual ri isamajela', ri e alaxineq pan iwachoch y ri man e iwinaq ta.

Wuj Richin ri Rutikeribel 2:2

Toq xapon ri ruwuq q'ij, ri Dios k'achojineq chik k'a chubanik ronojel. Y rija' xuxlan k'a chire re samaj re'.

Deut 5:12

Kan tiya' k'a rejqalen ri q'ij richin uxlanen, y kan ruk'amon chi nich'er chuwe yin, achi'el k'a ri xinbij yin Jehová ri i-Dios.

Wuj Richin ri Nehemías 9:14

Keri' xak'ut chikiwech ri q'ij richin uxlanenri'il, y ronojel xajech pa ruq'a' ri Moisés ri asamajel.

Wuj Richin ri Nehemías 13:15

Y yin xintz'et chuqa' chi ek'o nuwinaq ri yesamej chupan ri q'ij richin uxlanenri'il. Ch'aqa' yepitz'on uva rik'in kaqen, ch'aqa' ye'eran trigo ri banon pa boraj, y ch'aqa' nikibanala' kejqa'n ri kibur rik'in tzeqaj uva, rik'in vino, rik'in wíkix. Y ronojel re' nikik'en-pe richin nikik'ayij pa Jerusalem. Y roma ri' kan janila k'a xench'olij, y xinbij chike richin man chik tikiben kere' chupan ri q'ij richin uxlanenri'il.

Wuj Richin ri Isaías 56:2

Kan utz ruwa-ruq'ij ri wineq ri nibanon ri', y kan nuchajij ri q'ij richin uxlanenri'il, y man nuben ta chire chi maneq ta rejqalen y kan nuq'et-ri' richin nuben ri etzelal.

Wuj Richin ri Jeremías 17:22

Chuqa' man tiwelesaj-pe ri iwejqa'n, ni man tiben isamaj chupan ri q'ij richin uxlanenri'il. Xa kan tiya' k'a rejqalen ri q'ij ri' achi'el xubij ri Jehová chike ri ánima qati't-qamama', xkacha' chike.

Wuj Richin ri Jeremías 17:24

Chirij ri' ri Jehová xubij: Kan tinimaj k'a nutzij y man k'a tik'uaj ejqa'n chupan ri tinamit chupan ri q'ij richin uxlanenri'il. Kan tiya' k'a nuq'ij y kan man jun k'a isamaj tiben chupan ri q'ij ri'.

Ex 31:12

Xeri' ri Jehová xch'on chik rik'in ri Moisés y xubij chire:

Ex 35:1

Ri Moisés xerumol k'a konojel ri ruwinaq y xubij chike: Jare' ri xuq'et pan iwi' ri Jehová ri k'o chi niben rix:

Wuj Richin ri Q'axanri'il 15:32

Toq ri winaqi' israelita ek'o k'a chiri' pa tz'iran ruwach'ulew, xbekila' k'a pe jun achin ri kiwinaq rije' ri nuben rusi' chupan ri q'ij richin uxlanen.

Wuj Richin ri Isaías 58:13

Kan tiya' rejqalen ri q'ij richin uxlanen, y man tiben ri niqa' chiwech rix roma ri q'ij ri' ch'aron chuwe yin. Kan tibana' chire chi q'ij richin kikoten, roma q'ij ri kan ch'aron chuwe yin Jehová, y kan k'o ruq'ij. Man kixel-el richin yixbe pa taq k'ayij ó pa taq loq'oj. Kan tiya' rejqalen, y man tiben ri nik'atzin-qa chiwe rix. Chuqa' man chaq ke'ibila' ch'abel ri man e ruk'amon ta.

Wuj Richin ri Jeremías 17:21

Nubij ri Jehová chi man tik'uaj ejqa'n ri q'ij richin uxlanenri'il y man tikusaj-apo chupan ri tinamit chupan ri q'ij ri'.

Ez 20:20

Chuqa' kan tikichajij ri q'ij richin uxlanen, roma re' kan jun retal chiqakojol, chi ja yin Jehová ri in ki-Dios.