Ex 20:7 - Kaqchiquel Bible

⁷ Man chaq tinatala' ri nubi' yin Jehová ri i-Dios chaq keri'. Yin kan man xtinben ta chiwe chi maneq imak wi chaq ninatala' ri nubi' y man niya' ta wejqalen.

Ex 20:7 ပူးပေါင်းရင်းမြစ်များ

Wuj Richin ri Rutikeribel 27:20

K'ari' ri Isaac xubij chire ri ruk'ajol: ¿Achi'el toq xawil yan pe chi'anin?, xcha'. Y rija' xubij: Roma ri Jehová ri qa-Dios xuben chuwe richin chi'anin xinwil-pe, xcha'.

1 Rey 2:9

Jak'a wakami, rat man takuy rumak. Roma rat kan k'o-wi ana'oj, takanoj k'a achike naben rik'in richin nakamisaj, xcha' ri David chire ri Salomón.

2 Rey 5:20

Rokik ri Naamán kichapon-el bey, ri Guehazí, ri rusamajel ri Eliseo, xubij-qa pa ránima: Ri wajaw xuya-el q'ij chire ri Naamán richin xbe. Rija' kan janila k'a chi sipanik ri ruk'amon-pe; jak'a ri wajaw kan man jun rajel xuk'ul kan. Wakami yin kan pa rubi' ri Jehová xtintzeqelibej-el, y xtinbenq'i', y xtink'en kan juba' chire ri sipanik, xcha-qa.

Wuj Richin Bix Chire ri Dios 139:20

roma rije' xa kan yech'on itzel chawij, y kan yeyakatej k'a richin nikiben itzel chawe.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.

Wuj Richin ri Jeremías 34:16

Jak'a rix xa xitzolij chik iwi' chiwij y man xiya' ta rejqalen ri nubi'. Chi'ijujunal rix xa xe'ik'en chik qa jun bey ri isamajela', ri xiya' yan el q'ij chike richin xetotej-el.

Wuj Richin ri Jeremías 4:2

Y wi rix niya' itzij pa nubi' yin rik'in qitzijri'il y ruchojmilal. Jari' toq yin xtinya' urtisanik y ruwaq'ijaj pa kiwi' ch'aqa' chik ruwach'ulew iwoma rix.

Ez 39:7

Yin xtinben chi konojel ri winaqi' israelita xtiketamaj nuwech, roma man ninwajo' ta chi man jun rejqalen xtiban chire ri nubi'. Chuqa' xtiketamaj ri ch'aqa' chik ruwach'ulew chi ja yin in ki-Dios ri israelita ri kan k'o nuq'ij-nuk'ojlen. Ja yin Jehová ri yibin.

Wuj Richin ri Chojmirisabelri'il 19:12

Man k'a tijikiba-itzij pa nubi' ri xa man qitzij ta, roma kan nuben richin niyoq'otej ri nubi' yin, ri i-Dios. Yin Jehová ri yibin.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

2 Corintios 1:23

Ninwajo' chi rix niwetamaj achike roma man in apowineq ta iwik'in. Xa roma k'a man xinwajo' ta chi xibech'on kow iwik'in. Ri Dios retaman chi kan qitzij ri ninbij chiwe.

Deut 10:20

Kan chuwech k'a ri Jehová ri qa-Dios tiqaxibij-qi' y kan xaxe rija' tiqaya' ruq'ij y tiqasamajij. Y pa rubi' k'a rija' xtiqaya' ri qatzij.

Deut 5:11

Man chaq tinatala' ri nubi' yin Jehová ri i-Dios ri man jun achike ta roma, roma wi keri' xtiben kan xtinya' rutojbalil-mak pan iwi'.

Deut 6:13

Kan tiya' k'a ruq'ij ri Jehová ri qa-Dios y kan tisamajij xaxe rija'. Toq rix niya' itzij, tibana' kan xaxe pa rubi' rija'.

Santiago 5:12

Wach'alal, ninbij chiwe wakami chi toq rix k'o jun ri niwajo' nibij, choj tibij; wi qitzij, kan tibana' k'a ri xibij; y wi nibij chi ni, man tiben. Keri' man nik'atzin ta chi niben jun ya'on tzij. Man tikusaj ri kaj, re ruwach'ulew y ch'aqa' chik richin chi niya' itzij. Richin keri' man jun ruk'ayewal xtiqaqa pan iwi' toq xtapon ri q'ij toq ri Dios xtuq'et-tzij.

Wuj Richin ri Josúe 2:12

Wakami k'a nink'utuj k'a jun nimalej utzil chiwe, richin chi niya' itzij chuwe, pa rubi' ri Jehová ri i-Dios richin achi'el k'a yin xinjoyowaj iwech, keri' chuqa' xtiben pa kiwi' konojel ri aj pa wachoch y kan xtiya' jun retal chuwe chi kan jujik chi xtiben.

Wuj Richin ri Josúe 2:17

Y rije' xkibij k'a chire ri Rahab: Roj kan xtiqataqej ri ya'on-tzij y xtiqaben ri xak'utuj chiqe.

Wuj Richin ri Josúe 9:20

Jare' k'a ri xtiqaben kik'in: Xtiqaya' k'a q'ij chike richin yek'ase', richin chi man nipe ta k'a ruk'ayewal pa qawi' roj roma ri ya'on-tzij ri xqaben, xecha'.