Ex 20:6 - Kaqchiquel Bible

⁶ Man rik'in ri', kan xtinjoyowaj k'a iwech rix y keri' chuqa' xtinben kik'in ri iwijatzul richin jantape'. Keri' xtinben kik'in ri ye'ajowan wichin y ri nikitaqej ri nupixa'.

Ex 20:6 ပူးပေါင်းရင်းမြစ်များ

Wuj Richin ri Nehemías 1:5

Y xinbij k'a chire: Nink'utuj utzil chawe Jehová, Dios ri rajaw ri kaj, ri k'o janila awuchuq'a', y naben chiqe chi niqamey ronojel ri naben y kan k'o akiy. Y chuqa' kan man namestaj ta ri atzij ri xajikiba', y najoyowaj k'a kiwech ri ye'ajowan awichin y ri nikitaqej ri apixa';

Wuj Richin Bix Chire ri Dios 103:17

Jak'a ri rujoyowanik ri Jehová, pa kiwi' ri k'o rukiy chikiwech, kan richin tibe-q'ij tibe-seq. Y ri ruchojmilal ri nuben kan niyaloj richin jantape'.

Ex 34:7

Ri nujoyowanik yin kan xtik'oje' k'a kik'in ri winaqi' ri yepe chi wiq chi tanaj, richin jantape'. Yin kan ninkuy k'a ri itzel taq kibanobal, ri kiyakatajinenri'il y ri kimak. Chinuwech yin, ri yebanon etzelal kan k'o chi nikik'ul ri rutojbalil roma ri kimak. Ri rutojbalil ri kimak ri tata'aj, kan xkerumej ri kalk'ual, ri kimam, ri xikin-kimam y ri kalk'ual ri kixikin-kimam, xcha' ri Jehová.

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,

Wuj Richin ri Jeremías 32:18

¡Rat kan nak'ut k'a ri awajowabal pa kiwi' janila chi winaqi'. Jak'a chuqa' naya' rutojbalil pa kiwi' ri winaqi' roma ri kimak ri kite-kitata'! ¡Jehová kan janila nim ak'ojlen y ri abi' ja ri Jehová k'iytisanel richin ronojel!

Dn 9:4

Y xich'on k'a rik'in rija' richin xinq'alajirisaj chuwech ri qamak. Y xinbij k'a chire: Wajaw, nimalej Dios, ri kan ruk'amon chi niqak'en akiy, rat ri kan man amestan ta ri xajikiba' chi kan najoyowaj kiwech ri ye'ajowan awichin y nikitaqej ri apixa'. Y rat kan jare' abanon-pe.

Wuj Richin ri Q'axanri'il 14:18

roma rat kan man chi'anin ta nipe awoyowal, k'o janila joyowan-wech awik'in. Nakuy kimak ri itzel taq kibanobal y nakuy kimak ri nikipaba-ki' chawech, stape' kan naya' rutojbalil pa kiwi' ri kan e banoy richin ri etzelal y kan k'a niqaqa na pa kiwi' ri kalk'ual, ri kiy-kimam y numej k'a pa rukaj sol winaqi'.

San Juan 14:15

Wi rix yiniwajo', kan ninimaj ri pixa' ri yenbij chiwe.

San Juan 14:21

Ri kan k'o ri nuch'abel pa ránima y kan yerutaqej ronojel ri pixa' ri yenbij, kan yirajo-wi. Y ri kan najowan wichin yin, kan xtajowex k'a roma ri nata', y yin chuqa' kan xtinwajo' y xtinq'alajirisaj-wi chuwech, xcha'.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

1 Juan 5:3

Y wi kan niqajo' ri Dios, k'o chi niqataqej ri nubij chiqe. Re' xa man k'ayew ta richin niqaben.

2 Juan 1:6

Wi niqajowala-qi', qetaman chi ja ri yerubij ri Dios ri yeqaben. Y rix iwetaman chi keri' nubij, roma xiwak'axaj yan pe toq xikuquba' ik'u'x rik'in ri Dios.