Ex 20:5 - Kaqchiquel Bible

⁵ Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Ex 20:5 ပူးပေါင်းရင်းမြစ်များ

2 Sam 21:1

Rokik ri David niq'aton-tzij, xpe k'a jun wayjal ri xuben oxi' juna'. Y toq ri David xuk'ulubej ri Jehová, ri Jehová xubij chi re wayjal re' xpe pa kiwi' rije' roma ri Saúl y ri e rijatzul e kamisanela'. Roma rije' xa xekikamisaj ri gabaonita.

2 Sam 21:6

Jak'a re wakami wi rat qitzij chi nawajo' yojato', ke'ajacha' k'a pe chiqe e wuqu' chike ri e rijatzul kan ri Saúl, ri xcha'ox roma ri Jehová, richin xkeqatzeqeba' chuwech ri Jehová chiri' pa Guibeá ri rutinamit ri Saúl, xecha'. Y ri David xubij chi kan xkerujech k'a chike.

1 Rey 19:10

Y ri Elías xubij chire: Jehová Dios k'iytisanel richin ronojel: Yin kan at nutzeqeliben k'a pe y man jun bey at nuya'on kan. Jak'a ri nuwinaq israelita xa xkich'er kan ki' chire ri ajikibel-tzij. Xekiwulaj-el ri porobel akuchi niya'ox-wi aq'ij rat, y rik'in espada xekikamisaj ri e q'alajirisey ach'abel. Xaxe chik k'a yin ri xikolotej kan, y wakami yinkikanoj richin nikelesaj chuqa' ri nuk'aslen yin, xcha'.

1 Rey 21:29

¿Atz'eton chi ri Acab janila xuqasaj-ri' chinuwech yin? Y roma k'a janila xuqasaj-ri' chinuwech, man xtinya' ta ri ruk'ayewal pa ruwi' re q'ij re'; k'a toq xtiq'aton na kan tzij ri ruk'ajol, k'ari' xtinya-pe ri ruk'ayewal pa ruwi' ri rachoch, xcha' ri Jehová.

2 Rey 17:35

Ojer kan ri Jehová xuben jun jikibel-tzij kik'in ri winaqi' aj-Israel y xubij chike: Man ke'iwilij y man tiya' kiq'ij ch'aqa' chik dios, ni man ke'isuj kamelabel chikiwech.

2 Rey 17:41

Keri' chuqa' xkiben ri winaqi' ri e k'amon-pe; xa man xkiya' ta ruq'ij ri Jehová, chuqa' xa kan xekisamajij ri ch'aqa' chik dios. Y chuqa' ri kalk'ual y ri kiy-kimam, keri' xkiben achi'el xkiben ri kite-kitata'; y kan keri' nikiben k'a re wakami.

2 Rey 23:26

Man rik'in ri', ri Jehová man xqaqa ta ruwi' ri royowal, roma kan k'a royowal na chike ri aj-Judá roma ronojel itzel ri xuben ri Manasés ri xuben chi xuyek royowal ri Jehová.

2 Rey 5:18

Ninwoyobej k'a chi ri Jehová xtukuy ta k'a ri numak yin toq ri wajaw xkiruk'uaj-el pa rachoch ri ru-dios rubini'an Rimón, richin niberuya' ruq'ij. Y xkirujik'-qa chi nuq'a', y roma ri' yin chuqa' xkixuke-qa. Toq xtinben keri', ri Jehová kan ta k'a xtukuy ri numak ri', xcha'.

2 Rey 5:27

Roma kere' xaben, ri ruyabil ri Naamán xtiq'ax chawij rat y chikij ri awijatzul richin q'asen, xcha' ri Eliseo. Keri' ri Guehazí xel-el chiri' rik'in ri Eliseo, y kan nojineq ri ruch'akul rik'in ri yabil, y kan seq-seq rubanon achi'el ri chuma-tew.

2 Crón 25:14

Toq ri Amasías xtzolin-pe chikikamisaxik ri aj-Seir, xeruk'en-pe ri ki-dios ri winaqi' ri', y xe'ok-qa richin rija'. Kan xuya' k'a kiq'ij y xuporoj pom chikiwech.

2 Crón 7:19

Jak'a wi rix y ri iwijatzul xtijech'ej kan iwi' wik'in yin, y wi man xtitaqej ta ronojel ri nupixa' ri nuya'on chiwe, y xa xke'isamajij ri ch'aqa' chik dios y kan xtiya' kiq'ij,

Wuj Richin ri Achin Job 21:19

Rix kan niq'ax k'a chiwech chi ri rutojbalil ri kimak rije', yakon-apo roma ri Dios chi pa kiwi' ri ralk'ual niqaqa-wi. Man keri' ta. Ri Dios xa kan pa kiwi' ri aj-maki' xtuya-wi ri rutojbalil, richin chi kan tiketamaj na.

Wuj Richin ri Achin Job 5:4

Roma ri' ri ralk'ual kan man jun xtito'on kichin; kan xkeya'ox k'a pa tijoj-poqonal ri chiri' chuchi' ri tinamit, y kan man jun k'a xtikolon kichin.

Wuj Richin Bix Chire ri Dios 109:14

Ri itzel taq kibanobal ri kite-kitata', xtoqaqa ta k'a chuk'u'x ri Jehová. Ri kimak man ta k'a xtikuyutej.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Wuj Richin Bix Chire ri Dios 79:8

Man tanataj pa qawi' roj ri itzel taq kibanobal ri qati't-qamama'. Tabana' utzil taya-pe chi'anin ri ajoyowanik pa qawi', roma roj kan man niqakoch' ta chik re niqak'owisaj.

Wuj Richin Bix Chire ri Dios 81:15

Keri', ri winaqi' ri yinketzelaj yin Jehová, kan ta xkiqasaj-ki' chikiwech rije'; ri rutojbalil-mak pa kiwi' ri winaqi' ri' kan ta richin q'asen.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Ex 34:14

Man tiya' ruq'ij jun chik dios, roma yin Jehová kan man niqa' ta chinuwech chi niya' ruq'ij jun chik dios chinuwech yin.

Wuj Richin Etamabel-Tzij 8:36

Jak'a ri wineq ri xa man yirukanoj ta y xa yirujech'ej kan, nroyoj k'a ruk'ayewal pa ruwi', roma ri wineq ri man najowan ta wichin, xa kan nrajo' wi ri kamik, keri' k'a ri ch'abel ri nubij ri na'oj.

Wuj Richin ri Isaías 44:15

K'ari' rija' xa nukusaj richin rusi' richin nuben ruq'aq' chire. Xa kan nik'atzin chire richin nimeq'e' chuwech. Chuqa' nik'atzin chire richin nuben ruway y ruq'utun. Y rik'in ri juba' che' ri k'o kan, xa nuben jun wachibel richin nuya' ruq'ij. Nuben jun dios rik'in ri che' ri' richin nixuke' chuwech.

Wuj Richin ri Isaías 44:19

Man nuch'ob ta qa y nubij ta: Ri nik'aj chire re che' re' xa xinya' pa q'aq', y pa ruwi' ri racheq-q'aq', xinchaq'irisaj-wi nuway, xinsa' ti'ij y xintej. Y ri juba' chik che' ri xk'oje' kan chire ri che' ri', xinben jun relik wachibel chire. Y re ninya' ruq'ij xa jun ti juba' che', man nicha' ta.

Wuj Richin ri Jeremías 2:9

Roma ri' kan ninch'ojij chiwe rix y chike ri iwiy-imam. Yin Jehová ri yibin.

Wuj Richin ri Jeremías 32:18

¡Rat kan nak'ut k'a ri awajowabal pa kiwi' janila chi winaqi'. Jak'a chuqa' naya' rutojbalil pa kiwi' ri winaqi' roma ri kimak ri kite-kitata'! ¡Jehová kan janila nim ak'ojlen y ri abi' ja ri Jehová k'iytisanel richin ronojel!

Ez 18:19

Rik'in juba' rix xtik'utula' chiwech ri achike roma man nrejqalej ta ri alk'ualaxel ri rumak ri rutata'. Roma ri alk'ualaxel ri' kan xuben pa ruchojmilal y choj xbiyin y kan xutaqej ronojel ri nubij ri nupixa'. Roma ri' kan qitzij ninbij chi re alk'ualaxel re' kan xtik'ase' kan.

Ez 18:2

¿Achike roma iwik'in rix israelita jantape' nibix ri jun k'ambel-tzij ri nubij: Ri te'ej-tata'aj nikitej ri uva ch'om y ja ri alk'ualaxela' ri nijuch'uch' key roma ri ruch'amil ri uva ri'?

Ez 20:7

Jari' toq yin xinbij k'a chike chi chikijujunal k'a rije' k'o chi nikelesaj-el ri ch'aqa' chik dios richin Egipto ri ek'o kik'in, roma rik'in ri' xe'ok man e ch'ajch'oj ta, roma xaxe yin Jehová ri in ki-Dios.

Ez 39:25

Man rik'in ri' yin Jehová ninbij chi xtinjoyowaj kiwech ri awinaq israelita y kan xkenk'en k'a pe akuchi e nutalun-wi-el roma rije' e rijatzul kan ri Jacob. Xtinben ronojel re' richin ninimirisaj ri loq'olej nubi'.

Ez 8:3

Y ri wineq ri' xuya' k'a pe ri ruq'a' chuwe y xirujik'-el chirusumal-nuwi' y rik'in uchuq'a' xirutzeqej-el chikaj. Y pa jun achi'el achik' xiruk'uaj k'a pa rachoch ri Jehová ri k'o k'a pa Jerusalem, ri akuchi k'o-wi ri okibel ri k'o pa xaman chire ri ruwa-jay ri k'o-apo. Y chiri' k'o jun ruwachibel jun dios ri kibanon ri winaqi', ri niyako royowal ri Jehová.

Dn 1:2

Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

Dn 3:18

Jak'a wi yojrukol o man yojrukol ta, kan tawetamaj k'a rat rey chi kan man xtiqasamajij ta ri a-dios, y kan man xqojxuke' ta chuwech ri wachibel ri k'ari' xaben-q'anej, xecha'.

Wuj Richin ri Chojmirisabelri'il 20:5

yin kan xkiyakatej k'a chirij rija', chikij ri aj pa rachoch y chuqa' chikij ri e rachibil ri nikiya' ruq'ij ri dios Moloc, y kan xkenwelesaj k'a el chuwech re ruwach'ulew.

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

Wuj Richin ri Chojmirisabelri'il 26:29

K'ari' k'a xke'itej-qa ri imi'al-ik'ajol roma wayjal.

Wuj Richin ri Nahum 1:2

Ri Jehová kan jun Dios ri kan man niqa' ta chuwech chi niban itzel chike ri ruwinaq. Kan nuya' k'a rutojbalil-mak pa kiwi' rije'. Rija' kan nuya' k'a ruk'exel chike ri nikipaba-ki' chuwech. Kan noyower k'a kik'in ri e itzel taq winaqi'.

Wuj Richin ri Q'axanri'il 14:18

roma rat kan man chi'anin ta nipe awoyowal, k'o janila joyowan-wech awik'in. Nakuy kimak ri itzel taq kibanobal y nakuy kimak ri nikipaba-ki' chawech, stape' kan naya' rutojbalil pa kiwi' ri kan e banoy richin ri etzelal y kan k'a niqaqa na pa kiwi' ri kalk'ual, ri kiy-kimam y numej k'a pa rukaj sol winaqi'.

Wuj Richin ri Q'axanri'il 14:33

Jak'a ri iwalk'ual kan xkek'ase' kan, y kawineq juna' k'a ri xkebiyin chupan ri tz'iran ruwach'ulew. Xkebe-kela' xkebe-kela' xtikiben achi'el nikiben ri yuq'unela'. Ja ri iwalk'ual ri xkeq'axan ri tijoj-poqonal, roma rix man xiben ta ri ibin chi niben; y keri' xtikiben k'a toq chi'iwonojel na rix xkixken kan ri pa tz'iran ruwach'ulew.

Wuj Richin ri Q'axanri'il 25:11

Ri Finees ri ruk'ajol ri Eleazar, ri rumam kan ri nimalej sacerdote Aarón, kan xuben k'a chuwe chi xqaqa ruwi' ri woyowal chikij ri awinaq israelita. Rija' chuqa' kan xyakatej royowal achi'el yin, roma ri mak ri', y roma ri' yin man xink'is ta re tinamit.

San Mateo 4:9

Y k'ari' xubij chire: Kan ronojel k'a re xink'ut chawech xtinya' chawe, wi yaxuke' chinuwech y naya' nuq'ij, xcha' ri Itzel-Wineq.

San Juan 15:18

Wi yixetzelex koma ri winaqi' ri k'a kikuquban na kik'u'x rik'in re ruwach'ulew, toqaqa k'a chi'ik'u'x chi man xaxe ta chiwe rix keri' nikiben, xa kan nabey keri' xkiben chuwe yin.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

San Juan 9:2

Y ri tijoxela' xkik'utuj k'a chire ri Jesús: Tijonel, ¿achike k'a xmakun richin kere' xalex re achin re'? ¿Ja ri rute-rutata' o ja rija'?, xecha'.

Romanos 1:30

xaxe tzij nikiben, niketzelaj ri Dios, kinimirisan-ki' roma k'o kiq'ij, beneq-ruwech nikich'ob achike rubanikil ri etzelal ri nikajo' nikiben, y man nikinimaj ta kitzij ri kite-kitata'.

Romanos 8:7

Ri e uk'uan roma ri itzel taq rayibel kan e etzelanel richin ri Dios. Kan man nikinimaj ta ri nubij ri rupixa', y kan man yetikir ta nikinimaj.

1 Corintios 10:22

¿Niwajo' rix richin niyek royowal ri Dios? ¿Kan yixtikir kami rix nipaba-iwi' chuwech rija' rik'in ri ibanobal?

Deut 32:21

Xiben chuwe richin itzel xinna' chiwe, roma rix xiyala' kiq'ij ch'aqa' chik dios. Y chuqa' xiyek woyowal, roma kan xe'itzeqelibej ch'aqa' chik dios ri xa man jun yetikir nikiben. Wakami kan xtinben k'a chiwe richin itzel xtina' chuwe. Y xtinyek iwoyowal, roma rix ix jun tinamit nakanik.

Deut 32:41

Toq yin xtinben rey ri nu-espada ri janila nirepelun, y toq xtinchop ri nuq'atoj-tzij; jari' toq xtinya' ruk'exel chike ri e etzelanel iwichin, y kan xtinya' k'a rutojbalil chike ri ye'etzelan wichin.

Deut 4:24

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

Deut 5:10

Jak'a ri ye'ajowan wichin y nikitaqej ri nupixa' kan xtinjoyowaj k'a kiwech y chuqa' konojel ri kijatzul.

Deut 5:9

Man k'a kixxuke' chikiwech rije', ni man tiya' kiq'ij, roma ja yin Jehová ri i-Dios ri kan man niqa' ta chinuwech richin niya' ruq'ij jun chik. Y wi k'o ta jun ri nibanon keri' xtinwetzelaj y xtiqaqa ri woyowal pa ruwi', y pa kiwi' ri rijatzul k'a pa rukaj sol.

Deut 6:15

roma ri Jehová ri qa-Dios ri k'o iwik'in rix, kan jun Dios ri kan man jun chik achi'el rija' y kan k'o chi'ikojol. Roma ri' man tiyek royowal, roma wi xtiyek royowal, kan xkixruk'is chuwech re ruwach'ulew.

Deut 7:10

Y nuya' rutojbalil chike ri winaqi' ri ye'etzelan richin y chi'anin k'a xkeruk'is.

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

Wuj Richin ri Josúe 23:7

richin man nixol ta iwi' kik'in ri winaqi' richin ri tinamit ri k'a ek'o na kan chupan re ruwach'ulew re'. Man tiya' itzij pa kibi' ri ki-dios, ni man ke'isamajij, ni man tiya' kiq'ij y man ke'inataj.

Wuj Richin ri Josúe 24:19

K'ari' ri Josué xubij chike ri ruwinaq: Rix kan man xkixtikir ta xtisamajij ri Jehová, roma rija' kan jun Dios loq'olej, y kan man niqa' ta chuwech richin niya' ruq'ij jun chik dios. Chuqa' kan man xtukoch' ta ri yakatajinenri'il y xabachike mak niban chuwech.

Wuj Kichin ri To'onela' 2:19

Jak'a toq yekamiyaj-el ri to'onela', jari' toq yebe chik kan chupan ri itzel k'aslen y más k'a xemakun rije' chikiwech ri kite-kitata'; kan xekisamajij y xexuke' chikiwech jujun chik dios; y man xetane' ta chubanik ri itzel taq banobel, ni chire ri rukowirinen ri kánima.