Ex 20:4 - Kaqchiquel Bible

⁴ Man jun wachibel tiben richin niya' kiq'ij: Man tiben kiwachibel ri ek'o chuwech ri kaj, ni ri ek'o chuwach'ulew, ni ri ek'o chupan ri ya'.

Ex 20:4 ပူးပေါင်းရင်းမြစ်များ

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

2 Rey 17:12

Kan xekisamajij k'a ri wachibel, ri kan rubin ri Jehová chi man tikiben keri'.

2 Crón 33:7

Ri Manasés chuqa' xuben jun wachibel y xuya-apo pa rachoch ri Jehová, stape' ri Jehová kan xubij chike ri David y ri Salomón chi ri rachoch ri niban-q'anej pa Jerusalem, kan xucha' chikikojol ri tzobaj richin Israel, richin chi kan xaxe rija' niya'ox ruq'ij chiri'.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Wuj Richin Bix Chire ri Dios 97:7

Chi'iwonojel rix ri ye'isamajij ri wachibel e toch'on, kan kixk'ixbitej k'a; keri' chuqa' rix ri yixkikot kik'in ri wachibel. Rix dios kichin ri ch'aqa' chik ruwach'ulew, kixxuke' richin niya' ruq'ij ri Jehová.

Ex 20:23

Roma ri' man utz ta chi rix xke'ibanala' ta pe chinuwech yin, ch'aqa' chik dios ri e banon rik'in saqipueq o ri e banon rik'in q'anapueq, richin chi niya' kiq'ij.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 32:23

Rije' kere' k'a xkibij chuwe: Tabana' jun qa-dios richin chi jari' ri niyuqen qichin, roma ri Moisés ri xojelesan-pe pan Egipto, kan man jun qetaman ri achike xuk'uluwachij, xecha' chuwe.

Ex 32:4

Y ri Aarón kan xuk'ul k'a kan chuwi-kiq'a', ri kik'uan-apo chire. Xpe rija' xutzek k'a ronojel ri ruwi' taq ixkinaj ri', richin xya'er y k'ari' xuq'ej pa jun k'ojelibel ri xuben rija'. Y k'ari' xuchop ri rusamajibal y xel ruwachibel jun nima-alaj achij wákix chuwech. Y k'ari' ri winaqi' xkibij: ¡Qawinaq! Ja k'a qa-dios re' ri xojelesan-pe pa ruwach'ulew Egipto, xecha'.

Ex 32:8

Rije' xa kan chi'anin k'a xkich'er kan ki' chire ri bey ri xink'ut chiwech, rije' xa xkiben jun ruwachibel nima-alaj achij wákix rik'in q'anapueq ya'erisan pa q'aq' y jari' ri nikiya' ruq'ij y nikisujula' kamelabel chuwech y nikibij chi jari' ri ki-dios ri xe'elesan-pe pan Egipto.

Ex 34:17

Man k'a ke'iben ch'aqa' chik dios ri e banon rik'in ch'ich' ya'erisan pa q'aq'.

Wuj Richin ri Isaías 42:17

Jak'a xkek'ixbitej konojel winaqi' ri kikuquban kik'u'x kik'in wachibel, y nikiya' kiq'ij ch'aqa' chik dios.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 45:16

Kan xkek'ixbitej konojel ri yebanon kiwachibel ch'aqa' chik Dios. Rije' xke'uk'uex-el pa ximonri'il rik'in k'ixbilal.

Ez 20:7

Jari' toq yin xinbij k'a chike chi chikijujunal k'a rije' k'o chi nikelesaj-el ri ch'aqa' chik dios richin Egipto ri ek'o kik'in, roma rik'in ri' xe'ok man e ch'ajch'oj ta, roma xaxe yin Jehová ri in ki-Dios.

Ez 8:10

Xinok k'a apo y xintz'et k'a ri tz'aq ri k'o chupan, nojineq ruwech rik'in wachibel kichin chikopi' ri e jepejeq y wachibel kichin chikopi' ri man e ch'ajch'oj ta y ronojel ruwech wachibel ri nikiya' kiq'ij ri nuwinaq.

Ez 8:3

Y ri wineq ri' xuya' k'a pe ri ruq'a' chuwe y xirujik'-el chirusumal-nuwi' y rik'in uchuq'a' xirutzeqej-el chikaj. Y pa jun achi'el achik' xiruk'uaj k'a pa rachoch ri Jehová ri k'o k'a pa Jerusalem, ri akuchi k'o-wi ri okibel ri k'o pa xaman chire ri ruwa-jay ri k'o-apo. Y chiri' k'o jun ruwachibel jun dios ri kibanon ri winaqi', ri niyako royowal ri Jehová.

Wuj Richin ri Chojmirisabelri'il 19:4

Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

Wuj Richin ri Chojmirisabelri'il 26:1

Ja yin Jehová ri i-Dios, roma ri' ninbij chiwe chi man ke'iben wachibel richin niya' kiq'ij y yixxuke' chikiwech, wachibel ri e paban, ri paban taq abej y ri abej ri ek'o wachibel chuwech.

Wuj Richin ri Q'axanri'il 12:8

Roma ri', rik'in rija' kan yojtzijon-wi chiqawech y niqatzu-qi'; y richin chi niq'ax chuwech ri ninbij chire, yin ninkusaj ri ch'abel ri niq'ax chuwech rija'. Y wi ri nusamajel Moisés kan in rutz'eton toq in tzijowineq rik'in, ¿achike k'a roma man jun rukiy chiwech y janila itzel yixch'on chirij rija'?, xcha'.

Hechos 17:29

Wi kan oj ralk'ual k'a ri Dios, man xqojtikir ta xtiqabij Dios chire jun wachibel ri xa winaqi' e banayon. Y ri' stape' ta rik'in q'anapueq o saqipueq o rik'in abej banon-wi, roma xa ruch'obonik jun wineq.

Romanos 1:23

Pa ruk'exel chi nikiya' ta ruq'ij-ruk'ojlen ri k'aslik Dios, xa nikiya' kiq'ij ri kiwachibel winaqi' ri xa yeken, kiwachibel ri aj-xik' taq chikopi', y ri chikopi' e jepejeq.

Deut 16:22

Man jun wachibel paban tiben rik'in abej richin niya' ruq'ij, roma re' kan nretzelaj ri Jehová ri qa-Dios.

Deut 5:8

Man tiben kiwachibel ri ek'o chuwech ri kaj, ni ri ek'o chuwech re ruwach'ulew, ni ri ek'o chupan ri palou. Man jun k'a wachibel tiben richin niya' kiq'ij.

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Apocalipsis 9:20

Jak'a ri winaqi' ri k'a xek'ase' na kan man xtzolin ta pe kik'u'x. Xa xkiyala' na kiq'ij ri itzel taq espíritu y ri wachibel ri e kibanon rik'in q'anapueq, saqipueq, abej, che' y ri q'enq'oj-pueq. Jari' ri xkiya' kiq'ij ri winaqi' ri'; xa dios ri man yetzu'un ta, ni man ye'ak'ex ta y ni man yebiyin ta.

Wuj Kichin ri To'onela' 17:3

Y toq rija' xutzolij kan ri juwineq lajuj libra saqipueq chire ri rute', ri rute' xa xubij chire: Re saqipueq re' xa xtinjech k'a chire ri Jehová pan abi' rat, richin chi rik'in re' niban ka'i' wachibel: Ri jun niya'ox saqipueq chirij y ri jun chik niban rik'in ya'erisan saqipueq, xcha'.