Ex 20:26 - Kaqchiquel Bible

²⁶ Y ri porobel ri xtiben chuwe yin, man tiben kan rujotolbal rik'in abej, richin chi man tiq'alajin ri ruch'akul ri nijote-q'anej, xcha' ri Dios.

Ex 20:26 ပူးပေါင်းရင်းမြစ်များ

Wuj Richin Bix Chire ri Dios 89:7

Rat kan k'o-wi aq'ij-ak'ojlen chikiwech ri ek'o awik'in. Konojel janila nikixibij-ki' chawech.

Ex 28:42

Tibana' chuqa' rupan kitziaq richin nutz'apej ri kich'akul, ri nel-el xekipan y napon-qa pa kich'ek y re' kan ja ri lino ri jebel batz'in ruwech ri nikusaj chike.

Ex 28:43

Ri Aarón y ri e ruk'ajol kan k'o k'a chi nikikusaj re jun rupan tzieq re' toq xke'ok chupan ri wachoch o toq ye'apon-apo rik'in ri porobel-pom richin yinkisamajij yin. Roma ri' kan tikikusaj-el ri tzieq ri' toq ye'apon pa wachoch, richin keri' man yemakun ta y man yeken ta. Y jare' ri pixa' re ninya' chire ri Aarón y chike ri e rijatzul richin jantape'.

Wuj Richin ri Molojri'il 5:1

Toq yabe pa rachoch ri Dios kan taya' k'a rejqalen ri akuchi atk'o-wi; kan kajel k'a apo richin más nawak'axaj ri tijonik richin ri ruch'abel ri Dios, roma jari' ri más rejqalen ke chuwech ri nikiben ri nakaneq taq winaqi' ri yekisujula' kamelabel y man ketaman ta chi xa itzel ri yetajin chubanik.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

1 Pedro 1:16

Kan tibana' k'a achi'el ri nubij ri ruch'abel ri Dios ri tz'ibatel kan,*f1* chi kan kixok loq'olej roma ri Dios kan loq'olej-wi.