Ex 20:25 - Kaqchiquel Bible

²⁵ Y wi xtiben porobel rik'in abej, man ke'itoch' richin niben kichojmil, roma wi keri' xtiben, xa kan xtiben chire ri porobel chi nisach ruch'ajch'ojil richin nikusaj chuwe yin.

Ex 20:25 ပူးပေါင်းရင်းမြစ်များ

Wuj Richin ri Josúe 8:31

Ri porobel ri' xban rik'in abej ri man e toch'on ta ni man jun bey samajin ta, achi'el xubij kan ri Moisés ri rusamajel ri Jehová toq xtz'ibatej kan chupan ri wuj richin ri pixa'. K'ari' xkisuj chuwech ri Jehová, poron chikop y chuqa' kamelabel richin nuq'alajirisaj chi junan kiwech rik'in rija'.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

1 Rey 6:7

Ri rachoch ri Jehová xpabex k'a q'anej rik'in abej ri kichojmirisan chik pe ri achi'a', roma ri' kan man jun chik k'a bajibel, ni toch'bel abej, ni samajibel ri banon rik'in q'eqapueq ri xukusex ta chik chiri' richin xban ri jay ri'.

Ez 40:42

Ri kaji' mesa ri nik'atzin richin yequpix ri ti'ij richin yeporox jumul, e banon rik'in abej ri e chojmirisan chik y nik'aj jaj raqen, nik'aj jaj ruwech y ka'i' q'a'aj rik'in nik'aj ri rujotolen. Y chuchi' ri mesa ri' q'e'el-apo jun ti che'. Y ri che' ri' oxi' ruwi' q'a'aj ruwech y pa ruwi' ri' niya'ox-wi ri samajibel ri nik'atzin richin nikamisex ri chikop richin niporox.

Ex 24:4

Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.