Ex 20:24 - Kaqchiquel Bible

²⁴ Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

Ex 20:24 ပူးပေါင်းရင်းမြစ်များ

Wuj Richin ri Rutikeribel 12:2

Y xkebek'oje' awijatzul y rik'in jun chike rije' xtinben jun nimalej tzobaj winaqi'. Xkatinwurtisaj y xtinben chawe chi xkatok jun nimalej achin chuwech re ruwach'ulew. Y keri' xkatok jun urtisanik chike ch'aqa' chik.

2 Sam 6:12

Y k'o k'a jun q'ij xapon rutzijol rik'in ri David, chi ri Jehová janila rurtisan ri Obed-edom y konojel ri ek'o rik'in, roma ri káxa k'o pa rachoch. Roma ri' xberelesaj-pe ri káxa chiri' rik'in janila kikoten, richin nuk'uaj chupan ri rutinamit.

1 Rey 8:29

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

1 Rey 8:43

wi keri', rat xtawak'axaj k'a ri chila' chikaj ri akuchi atk'o-wi y xtaben k'a ronojel ri nuk'utuj chawe ri wineq ri' ri man qawinaq ta. Richin keri' konojel ta k'a ri winaqi' richin ri ch'aqa' chik tinamit xtiketamaj ta ri abi' y xtikiya' ta aq'ij y xtikinimaj ta ri atzij, achi'el nuben ri atinamit Israel. Y keri' xtiq'ax k'a chikiwech re xinpaba-q'anej yin, ri niban-wi ronojel k'utunik chawe rat.

1 Rey 9:3

Y xuk'uluba-pe ri ruch'abel ri Salomón y xubij chire: Yin kan xinwak'axaj ri ach'owen y ri utzil ri xak'utuj chuwe. Kan xinben yan k'a wichin chire re jay re xapaba-q'anej rat richin chi wawe' niya'ox-wi nuq'ij. Kan jantape' k'a xtik'oje' chinuk'u'x y kan xtinchajij ronojel q'ij.

2 Rey 5:17

K'ari' ri Naamán xubij chire ri Eliseo: Xaxe k'a nink'utuj utzil chawe chi taya' q'ij chuwe richin nink'uaj-el juba' ulew ri janipe' yetikir nikik'uaj e ka'i' kowilej taq kiej. Roma re chiqawech-apo, yin man xtinsuj ta chik poron chikop, ni man xtinsuj ta chik kamelabel chikiwech ri ch'aqa' chik dios; xa kan xaxe chire ri Jehová xtinsuj-wi.

2 Crón 12:13

Ri Roboam kan xk'oje' k'a ruchuq'a' chupan ri ruq'atbal-tzij pa Jerusalem. K'o k'a kawineq jun rujuna' toq xuchop nuq'et-tzij y wuqlajuj juna' xq'aton-tzij chiri' pa Jerusalem; tinamit ri kan rucha'on ri Jehová chikikojol ri tzobaj richin ri Israel richin nik'oje' chiri' y niya'ox ruq'ij. Y ri rute' aj-Amón, y rubini'an Naamá.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.

2 Crón 7:16

Y chuqa' xincha' y xinwurtisaj re wachoch re akuchi ink'o-wi, y ri akuchi ninatex ri nubi' richin q'asen, kan xtinchajij y xtik'oje' pa wánima.

Wuj Richin ri Esdras 6:12

Y ri ki-Dios ri nikiya' ruq'ij; kan xtrelesaj kik'aslen xabachike wineq, stape' jun rey, y kan xtuk'is ri tinamit wi xtuyoj ri rachoch ri Dios ri k'o chiri' pa Jerusalem. Keri' chuqa' xtiban kik'in ri winaqi' ri xtiya'on ruwi' ri pixa'. Yin ri Darío, xiya'on re pixa' re'. Kan tiban chi'anin ronojel re', xcha-el.

Wuj Richin ri Nehemías 1:9

Jak'a wi rik'in ronojel iwánima nitzolej-pe ik'u'x wik'in, y nitaqej ri nupixa' y kan niben, stape' ta k'a pa ruk'isibel chire ri ruwach'ulew ix nutalun-wi-el, k'a chiri' xkixinwelesaj-wi-pe richin yixink'uaj chupan ri ruwach'ulew ri nucha'on, ri akuchi utz chi niya'ox-wi nuq'ij, keri' ri abin kan chire rija'.

Wuj Richin Bix Chire ri Dios 101:2

Ninrayibej chi choj ta ri nuk'aslen. Keri' toq rat xkape wik'in richin yinato'. Yin kan rik'in ruch'ajch'ojil wánima xtinq'et-tzij chupan ri wachoch.

Wuj Richin Bix Chire ri Dios 122:2

Roj kan ojk'o chik chupan ri okibel richin ri Jerusalem.

Wuj Richin Bix Chire ri Dios 128:5

Kan xkarurtisaj ta pe ri Jehová k'a chupan ri tinamit Sión. Ronojel ta q'ij chire ri ak'aslen xtitz'etetej ta ri rutzil pan awi'.

Wuj Richin Bix Chire ri Dios 134:3

Tik'utuj chire ri Jehová, ri xbanon ri kaj y ri ruwach'ulew, chi xkixrurtisaj k'a pe chupan ri juyu' Sión.

Wuj Richin Bix Chire ri Dios 74:7

Kan xkiya' k'a ruq'aq'al ri awachoch; xkiqasaj ruq'ij ri awachoch ri akuchi ninimirisex-wi ri abi', y xkiben chire chi man jun rejqalen.

Wuj Richin Bix Chire ri Dios 76:2

Ri rachoch, kan pa Jerusalem k'o-wi, rija' kan chiri' pa juyu' Sión k'es-wi.

Wuj Richin Bix Chire ri Dios 78:68

Kan jak'a ri tzobaj richin ri Judá ri xucha'; kan ja ri juyu' Sión ri janila xrajo'.

Ex 10:25

Jak'a ri Moisés xubij chire ri rey: Wi keri', ja rat ri k'o chi yaya'on chiqe ri chikopi' richin kamelabel, richin chi jari' ri niqaporoj chuwech ri Jehová ri qa-Dios.

Ex 18:12

Y k'ari' ri Jetro xusuj jun poron kamelabel y ch'aqa' chik kiwech kamelabel chire ri Jehová. Y ri Aarón y konojel ri rijita'q taq achi'a' ri kan k'o kiq'ij chikikojol ri israelita, xe'apon richin xbekitija' kiway rik'in ri Jetro, ri chiri' chuwech ri Jehová.

Ex 20:25

Y wi xtiben porobel rik'in abej, man ke'itoch' richin niben kichojmil, roma wi keri' xtiben, xa kan xtiben chire ri porobel chi nisach ruch'ajch'ojil richin nikusaj chuwe yin.

Ex 24:4

Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.

Ex 24:5

Y ri Moisés xeruteq k'a e ka'i-oxi' alaboni' israelita, richin kekikamisaj nima-achija' taq wákix, richin yekiporoj chuwech ri Jehová y richin yekisuj chuqa' chire rija' richin chi niq'alajin chi kan junan kiwech rik'in.

Ex 27:1

Chuqa' tikibana' jun porobel richin nisuj kamelabel, rik'in ri che' acacia. Ri raqen ri porobel jun jaj rik'in ka'i' q'a'aj y kan keri' chuqa' ri ruwech, jak'a ri rujotolen xaxe nik'aj jaj.

Wuj Richin ri Isaías 64:5

Rat kan ye'ak'ul chi utzil ri kan rik'in kikoten nikiben ri ruchojmilal, y ri noqaqa chikik'u'x ri bey ri ak'utun kan rat chikiwech. Rat kan janila awoyowal roma xojmakun roj; kan ojer chik ri' qaya'on q'axo'n chawe.

Wuj Richin ri Chojmirisabelri'il 17:9

y man nuk'uaj ta chuchi' ri wachoch richin chiri' nukamisaj-wi, ri xtibanon keri' kan xtelesex k'a el chi'ikojol.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

San Mateo 18:20

Roma xabakuchi k'a ri kimolon-ki' ka'i-oxi', wi kan pa nubi' yin kimolon-wi-ki', kan ink'o k'a pa kinik'ajal, xcha' ri Jesús.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 12:21

Y wi ri akuchi xucha-wi ri Jehová richin ninatex ri rubi', nej nik'oje' kan chire ri akuchi ixk'o-wi rix, kan utz k'a nikamisaj ri iwákix y ri ikarne'l ri rusipan rija' chiwe, achi'el ri nubin chiwe richin nitej xa janipe' yixtikir, chiri' akuchi ixk'o-wi.

Deut 12:5

Xtiya' k'a ruq'ij xa kan xaxe k'a ri akuchi xtucha-wi rija', richin chi chiri' ninatex-wi ri rubi' rija'.

Deut 14:23

Ri jun lajuj chire ri jalajoj ruwech ixin, ri vino, ri aceite, ri nabey taq kal ri iwákix y ri ikarne'l; kan xkixwa-xkixuk'ya' k'a chuwech ri Jehová ri qa-Dios chunaqaj ri rachoch ri chiri' ri akuchi rucha'on-wi rija', richin chi chiri' ninatex-wi ri rubi', richin chi niwetamaj ninimirisaj ruq'ij ri Jehová ri qa-Dios ronojel q'ij chire ri ik'aslen.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Deut 26:2

Jari' k'a xtik'uaj ri nabey ruwech ronojel ri itiko'n ri xtiben-qa chuwech ri ruwach'ulew y niya-el chupan jun chakech. Y yixbe ri akuchi k'o-wi ri rachoch ri Jehová richin xtinatex ri rubi' chiri'.

Deut 7:13

Kan xkixrajo' y kan xtuya' urtisanik pan iwi' y kan xkixruwinaqirisaj y chuqa' kan xtuya' ruq'a' pa kiwi' ri iwalk'ual y pa ruwi' ri jalajoj ruwech ixin, ri vino, ri aceite, pa kiwi' ri kal ri wákix y ri karne'l, ri xkek'oje' iwik'in chiri' chupan ri ruwach'ulew ri sujun kan chike ri qati't-qamama'.

1 Timoteo 2:8

Ninwajo' k'a chi ri achi'a' kech'on rik'in ri Dios xabakuchi ek'o-wi, tikitzeqej ri loq'olej kiq'a' chikaj, y man ta jun oyowal ri niq'aton ri kich'owen.