Ex 20:16 - Kaqchiquel Bible

¹⁶ Man tiyek tzij chirij jun chik iwinaq.

Ex 20:16 ပူးပေါင်းရင်းမြစ်များ

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

San Mateo 19:18

Ri ala' ri' xuk'utuj k'a chire ri Jesús achike chi pixa' ri'. Y ri Jesús xubij: Man kakamisan; wi k'o awixjayil, man takanoj jun chik ixoq; man kateleq'; man tatz'uk-tzij.

Wuj Richin Bix Chire ri Dios 15:3

ri kan man nitz'ukun ta tzij, ni man jun itzel nuben chire ri rachpochel, ri jantape' utz kik'in ri rachk'uljay;

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

Wuj Richin Etamabel-Tzij 10:18

Ri nrewaj chi itzel nuna' chire jun chik wineq, xa ka'i' rupalej, ri kan chi'anin nuq'alajirisaj-apo ri nuna', xa maneq runa'oj.

Santiago 4:11

Wach'alal, man kixch'on itzel chirij jun qach'alal. Roma wi keri' niben, kan chirij ri pixa' richin ri Dios yixch'on-wi, y niben k'a chire ri pixa' chi man utz ta. Y rik'in ri' niq'et-tzij pa ruwi', y man niben ta ri nubij.

1 Timoteo 1:10

pa kiwi' ri achi'a' y ri ixoqi' e k'ulan chik, y nikikanola-ki' richin yemakun, ri achi'a' ri man chik yekajo' ta ixoqi' y xa kik'in chik achi'a' yek'oje-wi, ri ye'eleq'an winaqi', ri e tz'ukuy taq tzij stape' kijikiban chi qitzij, y pa kiwi' ri winaqi' ri ye'etzelan ri utz taq tijonik,

Efesios 4:31

Tik'is ronojel ri itzel nina' pa taq iwánima, ri ruk'ayewal, ri oyowal y ri yoq'onik. Man kixsik'in chirij jun wineq, y tiya' kan rubanik ronojel ruwech etzelal.

Hechos 6:13

Xekik'uaj k'a achi'a' richin chi nikitz'uk-tzij chirij ri Esteban. Ri achi'a' ri' nikibij k'a: Re jun achin re' man nitane' ta k'a richin nubij itzel chirij re rachoch ri Dios y chirij ri pixa' richin ri Moisés.

2 Timoteo 3:3

man xtikijoyowaj ta kiwech ri ch'aqa' chik winaqi', ni man xkekuyun ta, xketz'uku tzij, xtik'o ruwi' ri itzel ri xtikiben chire xabachike wineq, jantape' xke'oyower, kan xtiketzelaj ri utz

Wuj Richin Etamabel-Tzij 11:13

Ri wineq ri xaxe tzij nuben, kan man jun ri xtipa'e' chuwa ri raq', jak'a ri wineq ri kan choj ránima, kan yeruyek ri pa ránima ri yebix chire.

Wuj Richin ri Chojmirisabelri'il 19:11

Man k'a kixeleq'; man tiq'ol jun chik; y man titz'uk-tzij chiwech rix.

Wuj Richin ri Chojmirisabelri'il 19:16

Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.

San Lucas 3:14

Chuqa' ek'o ka'i-oxi' aj-labal, xkik'utuj-apo chire: Roj, ¿achike ruk'amon chi niqaben?, xecha'. Ri Juan xubij chike: Man jun tiwelesaj chuwi kiq'a' ri winaqi', xaxe roma k'o q'atbel-tzij pan iq'a'. Ni man jun achike ke'iq'abala' chikij winaqi'; xa kan kixkikot rik'in ri nich'ek, xcha' chike.

Wuj Richin ri Chojmirisabelri'il 19:18

Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.

Deut 5:20

Man tibananej chi kan ja ri qitzij niq'alajirisaj chirij ri iwachpochel y xa man keri' ta.

Wuj Richin Etamabel-Tzij 25:18

Ri wineq xa nok k'a achi'el jun nimalej bajibel, y achi'el espada y achi'el ch'ab, toq xa tz'ukun taq tzij ri yeruyek-q'anej chirij ri rachpochel.