Ex 20:13 - Kaqchiquel Bible

¹³ Man tiben k'a kamik.

Ex 20:13 ပူးပေါင်းရင်းမြစ်များ

Romanos 13:9

Ri pixa' ri' nubij chi ri k'ulan taq winaqi' man tikikanoj-ki' richin yemakun, man k'a kixkamisan, man kixeleq', man titz'uk-tzij, man tirayij chi iwik'in ta rix k'o-wi ri k'o rik'in jun chik. Y k'o ch'aqa' chik chuqa' ri nubij.*f48* Jak'a k'o jun chik tzij ri numej ronojel re'. Y ri tzij ri' nubij:*f49* Kan tiwajo' ri iwachpochel, achi'el niwajo-qa-iwi' rix, xcha'.

Deut 5:17

Man tiben k'a kamik.

Ex 21:14

Wi k'o jun wineq nukamisaj jun rachpochel roma keri' xpe pa ránima roma kan janila royowal chirij y k'ari' niberewaj-ri' chirij ri nuporobal, kan tibewelesaj-pe ri chiri' y tikamisaj.

Santiago 2:11

Roma toq ri Dios xuya' ri pixa', xubij chi ri e k'ulan taq winaqi' man tikikanoj jun chik richin yemakun. Y ja chuqa' rija' xbin chi man jun tibanon kamik. Y stape' jun ri k'ulan man nukanoj ta jun chik richin nimakun rik'in, jak'a xa nukamisaj jun wineq, niq'alajin chi kan nuq'ej ruwi' chijun ri rupixa' ri Moisés.

San Mateo 19:18

Ri ala' ri' xuk'utuj k'a chire ri Jesús achike chi pixa' ri'. Y ri Jesús xubij: Man kakamisan; wi k'o awixjayil, man takanoj jun chik ixoq; man kateleq'; man tatz'uk-tzij.

Wuj Richin ri Chojmirisabelri'il 24:21

Achike xtikamisan jun chikop xtuya' ruk'exel; jak'a wi xtukamisaj jun wineq kan xtikamisex chuqa' rija'.

Ex 21:20

Y wi k'o ta jun achin nuch'ey chi che' jun rusamajel, stape' ixoq o achin y niken chuwech, kan xtiqaqa ri rutojbalil pa ruwi'.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

1 Timoteo 1:9

Y qetaman chi ri pixa' man k'o ta pa kiwi' ri winaqi' ri choj kik'aslen. Jak'a xa pa kiwi' ri winaqi' ri man nikiben ta ri nubij: Pa kiwi' ri man yeniman ta tzij, ri man utz ta kik'aslen chuwech ri Dios, ri aj-maki', ri k'o itzel pa taq kánima, ri nikixolq'otij ri rubi' ri Dios, ri yekikamisala' kite-kitata' y ri yekikamisala' xabachike winaqi',

Wuj Richin ri Isaías 26:21

Roma ri Jehová kan xtel-pe chiri' ri akuchi k'o-wi, richin chi nuya' ri ruk'ayewal pa kiwi' ri winaqi', roma ri kimak ri xkiben chuwech rija'. Y ri ruwach'ulew kan man xtrewaj ta chik jun kamik, jak'a xa kan xtuk'ut ronojel kamik ri e banon chuwech rija'.

Gálatas 5:21

nich'upu kik'u'x, yeq'aber, xaxe wa'in nikich'ob y yekibanala' chuqa' ch'aqa' chik kiwech etzelal. Y kan nubin chik k'a chiwe jun bey, y ninkamuluj rubixik chiwe, chi ri winaqi' ri', man xke'ichinan ta kik'in ri ek'o pa rajawaren ri Dios.

Wuj Richin Etamabel-Tzij 1:18

Y man ketaman ta chi xa ja rije' xkeqaqa chupan ri pikbel. Xa kan ja ri kik'aslen rije' ri xtapon ri pa kamik.

Wuj Richin Etamabel-Tzij 1:11

Rik'in juba' nikibij chiwe: Kixanpe qik'in, tiqabana' jun pikbel y achike na k'a wineq xtiqaqa chupan, y ri nakanik ri xtiqaqa chupan, xtiqakamisaj.

Hechos 28:4

Toq ri winaqi' ri aj chiri' xkitz'et chi ri kumetz tzeqel chirij ruq'a' ri Pablo, nikibila' k'a chikiwech: La' kan niq'alajin chi jun kamisanel achin, roma stape' xkolotej chuwech ri ya', ja la kumetz k'a xtikamisan-el richin wakami. Kan k'o k'a chi nutoj ri etzelal rubanon, yecha' k'a ri winaqi' ri'.

Wuj Richin ri Jeremías 26:15

Jak'a rix tiwetamaj re': Wi yinikamisaj, ja rix xkixejqalen. Roma kan yinikamisaj y xa maneq numak, roma kan ja ri Jehová ri xitaqon-pe richin xinya' re jun rutzijol re' chiwe, xicha' chike.

2 Crón 24:22

Y keri' ri rey Joás xa kan xumestaj yan ri joyowanik ri xuk'ut kan ri Joiadá chuwech, y roma ri' xukamisaj ri Zacarías, ri ruk'ajol. Y toq ri Zacarías niken yan qa, xubij: Kan ja ri Jehová xtitz'eton ronojel re', y kan ja rija' xtiq'aton-tzij pan iwi', xcha'.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

Ex 21:29

Jak'a wi ri bóyix kan nitoq'on y ri rajaw kan retaman y man rik'in ri' kan risq'open y nukamisaj ta jun achin o jun ixoq, k'o k'a chi yekamisex chi abej chi e ka'i', ri bóyix y ri rajaw.

Marcos 10:19

Yin ninbij chi rat jebel awetaman ri lajuj pixa' ri xuya' ri Dios chire ri Moisés ojer kan, chi man tiben kamik, chi ri e k'ulan man tikikanoj jun chik, chi man kixeleq', chi man tiyek-tzij chirij jun chik wineq, man tiq'ol jun wineq y tiya' kiq'ij ri ite-itata', xcha'.

San Lucas 18:20

Yin ninbij chi rat jebel awetaman ri lajuj pixa' ri xuya' ri Dios chire ri Moisés ojer kan, chi rix ri ix k'ulan man tikanoj jun chik, man tiben kamik, man kixeleq', man tiyek-tzij chirij jun chik wineq y chuqa' tiya' kiq'ij ri ite-itata', xcha'.

Ex 21:12

Wi k'o ta jun wineq nuch'ey jun chik wineq y ri xch'ay xa niken, ri xbanon, xtikamisex chuqa'.

Ex 23:7

Man tiju-iwi' chupan tz'ukuj taq tzij, ni man tiben chi nikamisex jun wineq ri xa man jun rumak o choj ruk'aslen. Roma ri wineq ri nibanon keri' chirij jun chik, xa kan aj-mak-wi.

Wuj Richin ri Chojmirisabelri'il 24:17

Keri' chuqa' wi k'o ta jun wineq ri xtikamisan jun chik wineq, chuqa' rija' kan xtikamisex.

Hechos 16:28

Jak'a ri Pablo rik'in ruchuq'a' xch'on-apo chire, y xubij: Man takamisaj-awi'; xa jare' ojk'o qonojel, xcha'.