Ex 2:5 - Kaqchiquel Bible

⁵ Y ri rumi'al ri rey xbe-qa chuchi' ri raqen-ya' ri' richin nibe'atin, e rachibilan-el jun tzobaj xtani' ri e rusamajela'. Y rokik ri xtani' ri' yebiyajilan chuchi' ri ya', jari' toq rija' xutz'et ri jun ti chakech chukojol ri pop ri'. Y jari' xuteq jun chike ri e rusamajela' ri e beneq chirij richin xberuk'ama-pe ri ti chakech.

Ex 2:5 ပူးပေါင်းရင်းမြစ်များ

Hechos 7:21

Toq k'o chi xbemalix kan, ri rumi'al ri rey xuk'uaj-el ri ak'ual ri', y kan achi'el k'a ral xuben chire.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 9:9

Rija' kan xkeruto' k'a ri yetz'ilox, rik'in k'a rija' xtikito-wi-ki' ri ek'o pa q'axo'n.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Ex 8:20

Ri Jehová xch'on chik jun bey rik'in ri Moisés y xubij chire: Ri rey nibe pa raqen-ya' ri chua'q nimaq'a'. Roma ri' rat kan kayakatej k'a nimaq'a' yan, richin yach'on rik'in y tabij chire chi yin Jehová ninbij: Taya' q'ij chire ri nutinamit richin nel-el richin yirusamajij.

Ex 7:15

Ri chua'q nimaq'a' yan yabe k'a chuchi' ri raqen-ya' Nilo, roma ri rey napon chuqa' chiri' y kan tabana' k'a chi nabek'ulu-awi' rik'in. Y kan tak'uaj k'a el ri ch'ame'y ri xok kumetz.

Wuj Richin Etamabel-Tzij 21:1

Kan achi'el ri ya' richin jun raqen-ya', kan keri' ri rubanik ri ruk'aslen ri rey pa ruq'a' ri Jehová; roma kan akuchi nrajo-wi rija' chi niq'ax-wi, chiri' k'o chi nibe-wi.

Wuj Richin Bix Chire ri Dios 76:10

Kan qitzij wi chi chupan ri royowal ri wineq, xa kan ninimer ri utzilej atzijol rat. Kan ja rat xkaqasan ruwi' ronojel ri ch'aqa' chik oyowalen.

1 Rey 17:6

Y ri qo'ch nikik'en-pe wey y ti'ij richin nimaq'a' y chuqa' keri' nikiben ronojel tiqaq'ij; y nuk'ya' k'a chiri' chuchi' ri ch'uti'n raqen-ya'.

Wuj Richin ri Jonás 1:17

Y ri Jehová xunaba' jun nimalej ker richin xubeq' ri Jonás, y keri' ri Jonás, xk'oje' k'a oxi' q'ij y oxi' aq'a' pa rupan ri ker.

Wuj Richin ri Jonás 2:10

Y ri Jehová xuteq k'a el ri ker chi xberuxa' kan ri Jonás chuchi' ri palou.

Ex 2:6

Toq ri rumi'al ri rey xujeq ruwi' ri ti chakech, xutz'et chi k'o jun ti ak'ual chupan y re ti ak'ual re' noq'. Jari' toq re xten re' xujoyowaj ruwech y xubij: Re ak'ual re' jun chike ri ak'uala' hebreo, xcha'.