Ex 2:23 - Kaqchiquel Bible

²³ Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Ex 2:23 ပူးပေါင်းရင်းမြစ်များ

Wuj Richin ri Rutikeribel 16:11

Chuqa' ri ángel xubij chire: Rat awoyoben jun ak'ual y ri ak'ual ri xtawalaj jun ti ala', Ismael*f12* ri rubi' ri xtaya', roma ri Jehová xrak'axaj ronojel ri aq'axo'n.

Wuj Richin ri Rutikeribel 4:10

Y ri Jehová xubij chire: ¿Achike xaben? Roma ri rukik'el ri achaq' ri xbiyin chuwech re ruwach'ulew, achi'el xa ta nich'on-pe wik'in richin nuk'utuj rutojbalil pan awi'.

Wuj Richin ri Nehemías 9:9

Y rat kan xatz'et k'a ri tijoj-poqonal ri xkiq'axaj ri qate-qatata' pan Egipto. Y xaben nima'q taq banobel richin retal y nima'q meyel taq banobel chikikojol ri rey richin ri Egipto y ri aj-raqen, y konojel ri winaqi'. Re' xaben roma kan awetaman ri kinimirisanen y ri ketzelal ri xkiben chike ri qate-qatata'. Y roma ronojel ri xaben, kan xetamatej chijun ruwach'ulew, y roma ri' niqanataj ri abi'. Chuqa' xawak'axaj ri raqoj-chi'ij ri xkiben chiri' chuchi' ri Kaqa-Palou.

Wuj Richin ri Achin Job 35:9

Ri winaqi' xaxe ok toq nipe ruk'ayewal chikij ye'oq', kan nikajo' k'a chi k'o ta jun ri yekolon pa kiq'a' ri yeya'on kichin pa ruk'ayewal.

Wuj Richin Bix Chire ri Dios 102:1

Nimalej Jehová tabana' utzil tawak'axaj ri nuch'owen. Toq yin yisik'in-q'anej awik'in kan ta xtawak'axaj.

Wuj Richin Bix Chire ri Dios 102:2

Man tawewaj-awi' chinuwech toq yin ink'o pa q'axo'n. Tabana' utzil taya' axikin chire ri nuch'abel. Kan ta chi'anin xtak'uluba-pe ri nuch'abel toq yin yich'on awik'in.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

Ex 1:14

Kan xk'ayewatej k'a ri kik'aslen roma ri ilinri'il xya'ox pa kiwi'. Xeya'ox k'a pa banoj ch'abeq richin xkiben xan chire richin nok ladrillo y ronojel ri kow taq samaj richin pa juyu', y kan xetz'ilox k'a chubanikil ri samaj ri'.

Ex 4:19

Ri Jehová kan ch'owineq chik k'a rik'in ri Moisés, toq kan k'a k'o na ri chiri' pa Madián chi k'o chi nitzolin pan Egipto, roma ri xe'ajowan ri rukamik xa xeken yan k'a, xcha'.

Ex 6:5

Keri' chuqa' yin xinwak'axaj ri kijiloj ri awinaq israelita, ri e yuqul pa samaj kik'in ri aj-Egipto y roma ri' xoqaqa chinuk'u'x ri nujikiban chike ri iwati't-imama'.

Ex 6:9

Ronojel k'a ri xubij ri Jehová, xutzijoj k'a ri Moisés chike ri ruwinaq. Jak'a rije' xa man xkak'axaj ta roma xa kimalin chik kik'u'x roma ri ilinri'il.

Ex 7:7

Ri Moisés k'o k'a jumuch' rujuna' y ri Aarón k'o k'a jumuch' oxi' rujuna', ri q'ij toq xech'on rik'in ri rey.

Wuj Richin ri Isaías 19:20

Y re' kan xtik'atzin chike ri winaqi' richin jun retal richin chi noqaqa chikik'u'x ri Jehová chiri' pan Egipto. Toq xkech'on rik'in ri Jehová richin nikik'utuj to'onik koma ri yetz'ilo kichin, rija' kan xtuteq k'a pe jun kolonel kichin richin chi yeruto'.

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

Wuj Richin ri Q'axanri'il 20:16

y roma ri' toq roj xojch'on k'a rik'in ri Jehová y rija' kan xrak'axaj ri qach'abel. Xuteq k'a jun ángel richin xojrelesaj-pe pan Egipto y wakami ojk'o wawe' pa Cadés, tinamit ri k'o chunaqaj ri k'ulba't richin ri aruwach'ulew.

Hechos 7:30

Q'axineq chik k'a kawineq juna' tik'oje' ri Moisés ri chiri' pa Madián, jari' toq xuk'ut-ri' jun ángel chuwech pa jun ruxulu' kiej, y nijino pa q'aq'. Re' xutz'et ri pa tz'iran ruwach'ulew, ri akuchi k'o-wi ri juyu' Sinaí.

Deut 24:15

Toq nuk'is ri q'ij, kan jari' titojo-el chire, y man tiben chi nik'is-qa ri q'ij y man niya' ta chire ri xuch'ek, roma rija' xa man jun k'o rik'in y xaxe rik'in ri' nuq'axibej-wi-ri'. Richin keri' man nisujun ta chuwech ri Jehová ri qa-Dios chiwij y man yixqaqa ta pa mak rix.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Wuj Kichin ri To'onela' 4:3

K'ari' ri israelita xesik'in-q'anej rik'in ri Jehová, roma ri Jabín janila yerutz'ila', y keri' rubanon-pe chike juwineq juna' y chuqa' re achin re' ek'o e 900 ru-carruaje e banon rik'in ch'ich'.

1 Sam 12:8

Toqaqa k'a chi'ik'u'x toq ri Jacob y ri rijatzul xe'ok pan Egipto, y ri aj-Egipto xekiya' pa tijoj-poqonal ri qati't-qamama'. Rije' xesujun chuwech ri Jehová chire ri tijoj-poqonal ri nikiq'axaj, y roma ri' ri Jehová xuteq ri Moisés y ri Aarón richin xerelesaj-pe pan Egipto ri qati't-qamama', y xeruya' kan re wawe'.

1 Sam 9:16

Ke taq wa' chua'q yin xtinteq-pe awik'in jun achin richin ri tzobaj richin Benjamín y rat xtaqasaj aceite pa ruwi' richin xtok rey pa ruwi' ri nutinamit Israel. Y ja rija' xtikolon ri nutinamit pa kiq'a' ri aj-Filistea, roma nutz'eton ri tijoj-poqonal ri nikik'owisaj y ri kich'abel kan oqawineq k'a wik'in yin, xcha' ri Jehová.