Ex 2:10 - Kaqchiquel Bible

¹⁰ Y toq ri ak'ual kan nim chik, jari' toq xberuya' kan chire ri rumi'al ri rey, y re xten re' kan ral xuben chire y xubij: Roma pa ruwi' ya' xinwelesaj-wi-pe, roma ri' xtubini'aj Moisés, xcha'.

Ex 2:10 ပူးပေါင်းရင်းမြစ်များ

Wuj Richin ri Rutikeribel 16:11

Chuqa' ri ángel xubij chire: Rat awoyoben jun ak'ual y ri ak'ual ri xtawalaj jun ti ala', Ismael*f12* ri rubi' ri xtaya', roma ri Jehová xrak'axaj ronojel ri aq'axo'n.

Wuj Richin ri Rutikeribel 4:25

Y ri Adán xk'oje' k'a rik'in ri Eva. Keri' ri Eva xyawej chik chirij jun ak'ual. Y xk'oje' chik k'a jun ti ral ti ala' y re' xubini'aj Set. Y xubij: Kere' xtubini'aj roma ri Dios xuya' chik pe jun wal pa ruk'exel ri Abel ri xkamisex roma ri Caín.

Wuj Richin ri Rutikeribel 48:5

Y wakami ri e ka'i' ak'ajol ri xe'alex wawe', toq kan k'a man jani qojpe roj wawe' chupan re ruwach'ulew Egipto, xke'ok nuk'ajol yin achi'el ri Rubén y ri Simeón.

2 Sam 22:17

Ri Dios kan k'a chila' chikaj k'a xuya-pe ri ruq'a' chuwe. Xirelesaj k'a chupan ri janila chi ruk'ayewal achi'el xa ta xirelesaj chupan jun palou.

Ex 2:9

Y ri rumi'al ri rey xubij chire: Tak'uaj re ak'ual re' y tak'iytisaj-pe chinuwech y yin xkatintoj, xcha'. Ri te'ej xuk'uaj k'a el ri ak'ual y xuk'iytisaj.

San Mateo 1:21

Ri ak'ual ri xtralaj, ti ala', y Jesús*f1* ri rubi' ri xtaya'. Keri' xtubini'aj roma ja rija' xtikolon kichin ri awinaq chupan ri kimak, xcha'.

Gálatas 4:5

Y rija' xpe richin xojrukol roj ri ojk'o chuxe' ri pixa' ri', y richin chuqa' xuben chi yojok ralk'ual ri Dios.

Hebreos 11:24

Roma ri kuqubabel-k'u'x, ri Moisés toq kan achin chik man xrajo' ta xubini'aj ral ri rumi'al ri rey.

1 Juan 3:1

Kan tich'obo' k'a jebel ri rubanik ri ajowabel ri k'o rik'in ri Tata'ixel, roma ri ajowabel ri' kan janila nim, roma kan xuben chiqe chi ruk'amon chi nibix ralk'ual chiqe y kan keri' wi. Y ri winaqi' ri k'a kikuquban na kik'u'x rik'in re ruwach'ulew man ketaman ta k'a qawech, roma rije' man ketaman ta ruwech ri Dios.

1 Sam 1:20

Y ri Ana kan xyawej k'a kan chirij jun ak'ual, y toq xapon ruq'ijul, ri Ana xalex jun ti ral y ri ak'ual ri' xubini'aj Samuel,*f1* keri' rubi' ri xuya' roma kan chire ri Jehová xuk'utuj-wi.