Ex 19:6 - Kaqchiquel Bible

⁶ Chuqa' kan xkixok jun ajawaren kichin sacerdote richin yinisamajij y rix kan xkixok xaxe wichin yin, xkacha' chike, xcha' ri Jehová chire ri Moisés.

Ex 19:6 ပူးပေါင်းရင်းမြစ်များ

1 Rey 3:8

Y wakami, ja yin ri xik'oje' kan chuwech ri nimalej tinamit ri acha'on rat, jun nimalej tinamit ri kan man e ajlatel ta.

1 Rey 8:53

roma rat kan xojacha' richin xojok awichin richin q'asen, y xojacha' chikikojol konojel tinamit chuwech re ruwach'ulew achi'el xabij chire ri asamajel Moisés toq xe'awelesaj-pe ri qati't-qamama' pan Egipto, rat nimalej qajaw Jehová, xcha' ri Salomón.

1 Crón 17:22

Y xaben chiqe chi roj xojok atinamit richin q'asen, y ja rat Jehová, xatok qa-Dios.

Wuj Richin Bix Chire ri Dios 114:2

jari' toq ri rijatzul ri Judá xecha'ox richin xe'ok richin ri Jehová. Jari' toq ri Israel xok rajawaren.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Ex 22:31

Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.

Ex 28:36

Chuqa' tibana' jun ti tz'ajtz'ik q'anapueq, ri kan jebel ch'ajch'oj. Y chuwech ri' tibana-wi ri tzij ri nubij: RI KAN RICHIN RI JEHOVÁ.

Wuj Richin ri Isaías 43:4

Roma chinuwech yin kan janila iwejqalen, kan janila iruwaq'ijaj, y yin kan janila yixinwajo'. Roma ri' kan xkenjech k'a achi'a' pa kamik richin yixinkol rix, y xkenya' ch'aqa' chik ruwach'ulew pa ruk'exel ri ik'aslen rix.

Wuj Richin ri Isaías 61:6

Ri aj-Sión kan xtikibini'aj k'a samajel y sacerdote richin ri Jehová. Kan xkewa' k'a rik'in ri jebelej taq wey kichin ri ch'aqa' chik ruwach'ulew, y rik'in k'a ri kibeyomel rije' xtikilij-wi-ki'.

Wuj Richin ri Isaías 62:12

Chike rije' xtibix; ri xecha'ox roma ri Jehová, y kan xeloq' roma rija'. Tinamit ri xtibix rayixel chire, y jun tinamit ri kan man xmalix ta kan.

Wuj Richin ri Isaías 66:21

Y chikikojol ri xketzolin-pe, yin xkencha' jujun sacerdote y jujun levita. Y rije' xkebanon nusamaj yin. Yin Jehová ri yibin.

Wuj Richin ri Jeremías 13:11

Yin kan xenxim ri tinamit Israel y ri Judá, achi'el toq jun achin nuxim-ok kow ri ximibel-rupan. Keri' xinben kik'in richin yek'oje-pe naqaj wik'in, richin chi ye'ok nutinamit y nikiq'alajirisaj ta ri nubi'. Y kan ja ta rije' ri e nuruwaq'ijaj y e nuk'ojlemal. Jak'a xa man xinkinimaj ta.

Wuj Richin ri Jeremías 2:3

Chupan k'a ri q'ij ri', rije' e nutinamit, ri kan e nuch'aron xaxe wichin yin; kan e achi'el ri nabey taq ruwech nutiko'n nubanon chike. Jak'a ri xek'ison kichin, yin kan xinya' ri ruk'ayewal pa kiwi'. Yin Jehová ri yibin.

Wuj Richin ri Jeremías 7:23

Xaxe xinbij chike chi wi nikak'axaj ri nuch'abel, yin xkinok ki-Dios y rije' xke'ok nutinamit. Chuqa' wi xkebe chupan ri nubey, kan utz k'a xkebe ri'.

Wuj Richin ri Chojmirisabelri'il 19:2

tubij chike ri winaqi': Kan tich'ajch'ojirisaj k'a iwi' richin niben ri utz chire ri ik'aslen roma yin Jehová ri i-Dios kan in loq'olej-wi.

Wuj Richin ri Chojmirisabelri'il 20:24

Yin kan nujikiban nutzij chiwe richin kan xtok kan iwichin ri kiruwach'ulew rije'. Kan ja yin ri xkiya'on chiwe ri ruwach'ulew ri akuchi niwachin ronojel ruwech tiko'n, richin xtok iwichin. Ja yin Jehová ri i-Dios ri yibin, y ri xcha'on iwichin chikikojol konojel ruwach'ulew.

Wuj Richin ri Chojmirisabelri'il 20:26

Yin Jehová kan in ch'ajch'oj-wi, y roma ri' rix k'o chi yixok ch'ajch'oj chuqa' y kan xixincha' k'a chikikojol konojel ri ruwach'ulew richin xixok wichin yin.

Wuj Richin ri Chojmirisabelri'il 21:23

Jak'a chirij-apo ri tzieq ri nich'aron rupan ri jay kan man ke'ok-apo, ni man kejel-apo rik'in ri porobel, richin keri' man nikiben ta chire ri wachoch chi maneq rejqalen, roma ja yin Jehová ri in ch'arayon richin ri sacerdote, xcha' ri Dios chire ri Moisés.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Wuj Richin ri Hageo 2:5

Y re' xusuj chuqa' chike ri qati't-qamama', toq xe'el-pe pan Egipto. Ri Dios nubij chuqa' chi rija' kan k'o pan inik'ajal rix. Roma ri' man nixibij-iwi'.

Wuj Richin ri Q'axanri'il 16:3

Y xbekimolo' k'a ki' kik'in, y xkibij chike: ¿Achike roma toq rix janila nim iq'ij ibanon-q'anej, toq xa konojel ri winaqi' man yixkikoch' ta chik? Qonojel roj kan oj ch'aron richin ri Jehová y rija' kan k'o chuqa' qik'in roj y man nik'atzin ta richin nik'oje' ta chik jun pa qawi', xecha'.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

1 Corintios 3:17

Wi k'o ta jun ri nitorin ri rachoch ri Dios, ri Dios xtutorij chuqa' el ri nibanon keri', roma ri rachoch ri Dios kan k'o-wi rejqalen, y ri jay ri' ja rix.

Deut 14:21

Ri chikopi' ri kiyon yeken, man ke'itej, roma rix ix jun tinamit ri ix rucha'on ri Jehová ri qa-Dios. Xa kan utz k'a niya' chike ri man e iwinaq ta, richin nikitej rije' o nikik'ayij-el chike ri winaqi' ri choj yeq'ax-el iwik'in. Man tichaq'arisaj ri ti alaj tzuntzun chupan ri tz'umaj richin ri te'ej.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

Deut 28:9

Wi xtitaqej ri pixa' ri xuya' chiqe ri Jehová, y xkixbiyin chupan ri bey richin rija', kan xtuben k'a chiwe chi rix kan ix jun tinamit ri ruch'aron richin rija', achi'el ri rujikiban chiwe.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

1 Tesalonicenses 5:27

Y pa rubi' ri ajaw ninbij k'a chiwe, chi tisik'ij re wuj re' chikiwech konojel ri qach'alal.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Apocalipsis 1:6

Y xuben chiqe qonojel roj ri qakuquban qak'u'x rik'in, chi xojok jun ajawaren kichin sacerdote richin niqasuj sipanik chire ri Dios ri rutata'. Roma ri' ri Jesucristo xtuk'ul ta ruq'ij-ruk'ojlen y ri q'atbel-tzij richin jantape'. Keri' ta k'a.

Apocalipsis 20:6

Kan jebel ruwa-kiq'ij y e loq'olej ri janipe' xkek'astej chupan ri nabey k'astajibel, y ri ruka'n kamik man xtitikir ta chikij. Pa ruwi' ri' kan xke'ok sacerdote richin ri Dios y ri Cristo. Y junan xkeq'aton-tzij rik'in ri Cristo chupan ri 1,000 juna'.

Apocalipsis 5:10

Xaben chiqe chi xojok jun tzobaj winaqi' richin ri rajawaren ri Dios, chi xojok sacerdote richin niqasuj sipanik chuwech kan xtiqaq'et k'a tzij pa ruwi' ri ruwach'ulew, yecha'.