Ex 19:18 - Kaqchiquel Bible

¹⁸ Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Ex 19:18 ပူးပေါင်းရင်းမြစ်များ

Wuj Richin ri Rutikeribel 11:5

Jak'a ri Jehová xqaqa-pe richin xorutz'eta-qa ri tinamit ri yetajin chubanik ri winaqi' y chuqa' ri torre ri xkik'is yan rubanik.

Wuj Richin ri Rutikeribel 15:17

Jak'a toq qajineq chik ri q'ij y chaq'a' chik, ri Abram xutz'et k'a jun achi'el bojo'y, ri nel-pe sib y ruxaq q'aq' chupan y niq'axyaj k'a chikikojol ri chikopi' ri e elesan pa taq nik'ajta'q.

Wuj Richin ri Rutikeribel 19:28

Jari' toq xerutz'et-qa ri Sodoma y ri Gomorra y xutz'et chi chijun ri pa taq'aj-qa, nibuqulin sib achi'el nibuqulin jun nimalej horno.

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Wuj Richin Bix Chire ri Dios 104:32

Rija' xaxe nutzu' ri ruwach'ulew y ri ruwach'ulew kan nik'ark'ot. Xaxe nuneq juba' kiwi' ri juyu' y ri juyu' ri' kan yebuqulin-pe sib chupan.

Wuj Richin Bix Chire ri Dios 114:4

Ri nima'q taq juyu' kan xesilon, achi'el yetzopiyaj ri achija' taq tzuntzun. Ri ruwa taq juyu' kan xesilon k'a achi'el nikiben ri alaji' taq karne'l.

Wuj Richin Bix Chire ri Dios 114:7

Kan xaxe k'a chuwech ri Jehová nisilon chijun ruwach'ulew; kan xaxe k'a chuwech ri ru-Dios ri Jacob.

Wuj Richin Bix Chire ri Dios 144:5

Nimalej Jehová, tajaqa' k'a ri kaj y kaqaqa-pe. Ke'achapa' ri juyu' richin ye'el-pe sib chupan.

Wuj Richin Bix Chire ri Dios 18:9

Xujeq k'a ri kaj, y xqaqa k'a pe, y xpa'e' k'a pa ruwi' ri q'eqel-sutz'.

Wuj Richin Bix Chire ri Dios 68:9

Nimalej Dios, rat xaben chi xpe janila chi job; ri atinamit ri nimayamo' yan qa xaben chire chi xk'oje' chik el ruchuq'a'.

Wuj Richin Bix Chire ri Dios 77:18

Chupan ri kaq'iq'-job kan xak'axatej k'a chuqa' ri koqolajay; y ri koyopa' kan xusaqirisaj k'a chijun ri ruwach'ulew; roma ri' kan xbaybot k'a y xsilon ri ruwach'ulew.

Wuj Richin Bix Chire ri Dios 77:19

Chupan k'a ri palou xaq'ax-wi chupan k'a ri janila chi ya' xaben-wi ri abey; jak'a ri retal ri akuchi xaq'ax-wi man jun bey xtz'etetej.

Ex 19:13

Kan man jun k'a xtijelun ruq'a' chirij ri juyu', roma ri xtibanon keri' xtikamisex chi abej o chi ch'ab; ri' wi wineq o chikop: Y k'a toq xtiq'ajan na k'a pe ri xupubel banon rik'in uk'a', k'ari' utz richin xkejote-pe, xcha' ri Dios, chire ri Moisés.

Ex 19:17

Y ri Moisés xeberoyoj k'a pe konojel ri ruwinaq ri ek'o chiri', ri akuchi ek'o-wi-qa, richin chi nibekik'ulu' ri Dios. Y rije' xebepa'e-apo chuxe' ri juyu'.

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

Ex 24:17

Chikiwech ri winaqi' israelita, xq'alajin chi ri rubanik ri ruk'ojlen ri Jehová, achi'el jun nimalej q'aq' ri nitikir nuk'is ronojel. Keri' ri rubanik ri xq'alajin ri pa rutza'n-q'anej ri juyu'.

Ex 3:2

Y ri chiri' ri ángel richin ri Jehová xuk'ut k'a ri' chuwech ri Moisés, chupan jun ruxaq q'aq' ri nel-pe chupan jun q'ayis k'o ruk'ixal. Toq ri Moisés xutz'et ri' xuch'ob rij chi achike roma toq ri jun k'ix ri' man nik'is ta qa pa ruq'a' ri q'aq'.

Ex 34:2

Tachojmirisaj k'a awi' richin chi chua'q nimaq'a' yan, xkajote' k'a el pa ruwi' ri juyu' Sinaí, richin yatapon-q'anej chinuwech.

Wuj Richin ri Isaías 6:4

Toq xkibij re ch'abel re' ri ruchi' ri rachoch ri Dios kan xesilon, y ri jay ri' xnoj rik'in sib.

Wuj Richin ri Isaías 64:1

K'ate' ta nijaqatej la kaj richin yaqaqa-pe rat, y kan naben richin yesilon ri juyu'.

Wuj Richin ri Jeremías 4:24

Toq xintz'et ri nima'q taq juyu', rije' kan yebaybot y konojel ri ch'uti'n ruwi' taq juyu' kan yek'ark'ot.

Wuj Richin ri Habacuc 3:6

Toq ri Jehová nipa'e-qa juba', ri ruwach'ulew kan nisilon. Xaxe nutzu', kan nuben chike ri winaqi' chi yek'ark'ot. Ri ojer taq juyu' kan yek'is chuwech rija'. Ri ojer taq ruwi' juyu' xa kan yewuluwu' k'a qa. Jak'a ri bey richin ri Jehová, ri' kan richin q'asen.

Wuj Richin ri Zacarías 14:5

Ri aj-Jerusalem kan xke'el-el chiri' pa kitinamit, y xke'animej chupan ri taq'aj ri', y xke'apon k'a pan Asal. Kan xke'animej k'a achi'el xe'animej ri winaqi' ri ojer toq xuben ri nimalej silonel pa ruq'ijul kan ri rey Uzías. Jari' toq xtipe ri Jehová e rachibilan-pe ri choj kik'aslen.

San Mateo 24:7

Roma jun ajawaren xtiyakatej k'a el chirij jun chik ajawaren. Ek'o chuqa' rey xkeyakatej-el chikij ch'aqa' chik rey. Xkepe k'a yabilal, wayjal y chuqa' xtuben silonel xabakuchi chire re ruwach'ulew.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Deut 4:36

Ri Dios xch'on-pe qik'in chila' chikaj richin xojrupixabaj, y re wawe' chuwech re ruwach'ulew xuk'ut jun nimalej q'aq' y chupan ri' xch'on-pe qik'in.

Deut 5:22

Jare' k'a ri ruch'abel ri Jehová toq xch'on qik'in qonojel, pa ruwi' ri juyu' y pa runik'ajal ri q'aq', ri sutz' y ri nimalej q'equ'm y xak'axatej k'a ri ruch'abel y man jun ch'abel ri xuya' ta ruwi'. Y ja ch'abel re' ri xutz'ibaj-pe chuwech ka'i' tz'alem taq abej y xuya-pe chuwe yin.

Deut 5:4

Kan ja ri Jehová xch'on-pe qik'in pa runik'ajal ri q'aq' ri chiri' pa ruwi' ri juyu' ri'.

2 Tesalonicenses 1:7

Y xtuya' uxlanen chiwe rix ri itijon-pe poqon, y chuqa' chiqe roj. Re' xtibanatej ri q'ij toq xtok'ulun chila' chikaj ri ajaw Jesús e rachibilan-pe ri ángel ri k'o janila uchuq'a' kik'in,

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Hebreos 12:26

Ri ojer kan toq ri Dios xch'on pa ruwi' ri juyu', ri juyu' ri' xsilon. Jak'a re wakami nubij: Xtapon k'a jun q'ij toq man xaxe ta chik ri ruwach'ulew xtinsiloj, xa kan xtinyikiya' chuqa' ri kaj, xcha'.

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

Apocalipsis 15:8

Ri rachoch ri Dios xnoj k'a pe rik'in sib retal ruq'ij-ruk'ojlen y ri ruchuq'a'. Y kan man jun k'a nitikir nok-apo chiri' pa rachoch, k'a toq k'achojineq chik kan ruya'ik ri wuqu' ruk'ayewal koma ri ángel.

Apocalipsis 9:2

Y toq xujeq ri siwan xel-pe janila sib, achi'el xa ta jun nimalej horno, keri' ri sib ri' xuq'equmarisaj ruwech ri q'ij y ri ruwach'ulew.

Wuj Kichin ri To'onela' 5:5

Ri juyu' kan xesilon chawech rat Jehová ri at qa-Dios, Kan achi'el k'a xsilon ri juyu' Sinaí.