Ex 19:16 - Kaqchiquel Bible

¹⁶ Y xk'uluwachitej k'a chi toq xapon ri rox q'ij nimaq'a' yan, xpe k'a koqolajay y koyopa' y xqaqa k'a jun pimilej-sutz' pa ruwi' ri juyu'. Y xebeq'ajan k'a pe rik'in janila uchuq'a' ri xupubel ri e banon rik'in uk'a'. Y ri winaqi' ri ek'o pa taq kachoch ri banon rik'in tzieq kan janila k'a xkik'en rukiy.

Ex 19:16 ပူးပေါင်းရင်းမြစ်များ

Apocalipsis 4:1

Y k'ari' yin Juan, chupan ri achi'el achik', xintz'et chi ri chikaj jaqel jun achi'el ruchi-jay. Y xinwak'axaj chik ri ch'abel ri kan achi'el niq'ajan trompeta ri xinwak'axaj pa nabey y xubij k'a pe chuwe: Kajote-pe y xtink'ut k'a chawech ri xkebebanatej ri xtibe-apo, xcha'.

Hebreos 12:21

Ri xtz'etetej k'a pa ruwi' ri juyu', kan nuya-wi xibinri'il. Roma ri' ri Moisés xubij: Yibaybot roma xibinri'il, xcha'.

Apocalipsis 11:19

Y jari' k'a toq ri rachoch ri Dios ri k'o chila' chikaj, xjaqatej ri ruchi'. Y kan xtz'etetej ri káxa richin ri rujikibel-tzij ri Dios. Y kan xpe k'a koyopa', y xinwak'axaj koqolajay. Ri ruwach'ulew xsilon, y xeqaqa nimalej taq saqboch.

Apocalipsis 8:5

Chirij ri' ri ángel xberuk'ama-pe ri porobel-pom y xunojisaj chi racheq-q'aq' ri k'o pa ruwi' ri porobel, k'ari' xuk'eq ri q'aq' ri pa ruwi' ri ruwach'ulew. Y jari' toq xepe koqolajay, koyopa' y silonel.

Apocalipsis 4:5

Jak'a ri pa nik'aj akuchi k'o-wi ri nabey tz'uyubel, yebek'ulun k'a pe koyopa', koqolajay y ch'abel. Y ri chuwech-apo yek'at wuqu' antorcha ri nuk'exewachuj ri wuqu' espíritu richin ri Dios.

Wuj Richin Bix Chire ri Dios 77:18

Chupan ri kaq'iq'-job kan xak'axatej k'a chuqa' ri koqolajay; y ri koyopa' kan xusaqirisaj k'a chijun ri ruwach'ulew; roma ri' kan xbaybot k'a y xsilon ri ruwach'ulew.

Wuj Richin ri Achin Job 38:25

¿Awetaman rat achike ri nijaqon-pe ri job richin chi niqaqa-pe, y achike nibanon ri rubey ri koqolajay?

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

Ex 19:9

Y ri Jehová xubij chik k'a chire ri Moisés: Yin kan xkipe k'a pa jun pimilej-sutz' richin yich'on awik'in y ri awinaq kan xtikak'axaj k'a y kan xtikikuquba' kik'u'x awik'in richin jantape'. Y jari' toq ri Moisés xutzijoj-el chire ri Dios ri ch'abel ri xkibij ri winaqi'.

Ex 9:23

Ri Moisés kan xutzeqej k'a ri ruch'ame'y chikaj y jari' toq ri Jehová xuben chi xpe koqolajay, koyopa' y saqboch y xuben chi chijun Egipto xqaqa ri saqboch y q'aq' pa ruwi'.

Apocalipsis 1:10

Y chupan jun chike ri q'ij toq niqaya' ruq'ij ri Dios, ri Loq'olej Espíritu xirunojisaj rik'in uchuq'a'. Y xinwak'axaj k'a chi k'o jun ri nich'on-pe chuwij ri ruch'abel kan achi'el niq'ajan jun trompeta.

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Wuj Richin Bix Chire ri Dios 97:4

Ri koyopa' kan nusaqirisaj k'a ri ruwach'ulew. Y ri winaqi' kan nikitz'et k'a y nikik'en rukiy.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

2 Crón 5:14

y ri e sacerdote man xetikir ta chik xek'oje' chiri' richin xesamej, roma ri sutz' ri'. Ri ruq'ij-ruk'ojlen ri Jehová xunojisaj chijun ri k'ak'a' rachoch.

Ex 40:34

Y toq xk'achoj ronojel re', jari' toq ri sutz' xumatzej rij ri rachoch ri Dios y ri ruk'ojlemal ri Dios kan xunojisaj ri rachoch.

San Mateo 24:31

Y jak'a chuqa' ri' toq ri trompeta xtiq'ajan, y yin xkenteq k'a ri nu-ángel chikimolik ri e nucha'on chik. Kan xkekimol-wi k'a pe re kere' pa relebel-q'ij y pa qajibel-q'ij, pa xokon y pa xaman. Kan xkekimol-wi k'a pe ri akuchi nitiker-pe ri jun rutza'n re kaj, k'a la jun chik rutza'n.

Ex 19:11

Roma chupan-apo ri rox q'ij, konojel ta winaqi' kichojmirisan ta chik ki', roma jari' toq ri Jehová xtiqaqa-pe pa ruwi' re juyu' re' y konojel ri awinaq kan kitzuliben k'a toq xtiqaqa-pe.

Ex 19:15

K'ari' rija' xubij chike: Kan tichojmirisala' k'a apo iwi' richin ri pa rox apo q'ij. Man kixk'oje' kik'in ri iwixjayilal, xcha'.

Ex 19:17

Y ri Moisés xeberoyoj k'a pe konojel ri ruwinaq ri ek'o chiri', ri akuchi ek'o-wi-qa, richin chi nibekik'ulu' ri Dios. Y rije' xebepa'e-apo chuxe' ri juyu'.

Ex 20:21

Y rokik ri winaqi' k'a nej xek'oje-wi-el chire ri juyu', ri Moisés xok-apo chupan ri pimilej-sutz' ri', ri akuchi k'o-wi ri Dios.

Deut 5:5

Y roma ri qate-qatata' xa xkixibij-ki' chuwech ri q'aq', xa man xejote' ta el pa ruwi' ri juyu'. Xa ja chik yin ri xik'oje' chikikojol richin chi xinq'axaj ri ruch'abel ri Jehová chike rije'. Y ri Jehová xubij k'a:

2 Sam 22:10

Xujeq k'a ri kaj, y xqaqa k'a pe, y xpa'e' k'a pa ruwi' ri q'equ'm sutz'.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

Wuj Richin Bix Chire ri Dios 81:8

Tiwak'axaj k'a nutinamit yin, y xtink'ut chiwech ri utz chi niben. K'ate' ta, kan niwak'axaj ri nuch'abel.