Ex 19:14 - Kaqchiquel Bible

¹⁴ K'ari' ri Moisés xqaqa k'a pe pa ruwi' ri juyu' y kan xuben chike ri winaqi' chi tikijacha-ki' chire ri Dios y tikich'aja' ri kitziaq.

Ex 19:14 ပူးပေါင်းရင်းမြစ်များ

Ex 19:10

Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

Wuj Richin ri Rutikeribel 35:2

Y roma ri' ri Jacob xubij chike ri rixjayilal, ri ruk'ajol y chike konojel ri ek'o pa rachoch: Ke'iwelesaj-el jumul chi'ikojol ri kiwachibel ri i-dios. Tich'ajch'ojirisaj-iwi' y tijala' ri itziaq.

Ex 19:13

Kan man jun k'a xtijelun ruq'a' chirij ri juyu', roma ri xtibanon keri' xtikamisex chi abej o chi ch'ab; ri' wi wineq o chikop: Y k'a toq xtiq'ajan na k'a pe ri xupubel banon rik'in uk'a', k'ari' utz richin xkejote-pe, xcha' ri Dios, chire ri Moisés.

Ex 19:15

K'ari' rija' xubij chike: Kan tichojmirisala' k'a apo iwi' richin ri pa rox apo q'ij. Man kixk'oje' kik'in ri iwixjayilal, xcha'.

1 Sam 21:5

K'ari' ri David xubij chire ri sacerdote: Roj toq yojel-el pa taq oyowal, ri qixjayilal ek'o kan nej chiqe roj. Y stape' xa jun relik taqikil, roma ri' ri achi'a' kan e ch'ajch'oj-wi-pe, k'a ta la' chik re wakami kan nibeqabana' jun taqikil ri kan k'o janila rejqalen, xcha'.

1 Crón 15:12

y xubij chike: Rix ri aj-raqen pa kiwi' ri e aj pa kachoch ri e levita; tich'ajch'ojirisaj-iwi', y keri' chuqa' ri iwach'alal, richin niq'axaj ri káxa chupan ri rachoch ri xinben.

Wuj Richin ri Q'axanri'il 31:23

y ronojel ri nukoch' niq'ax pa q'aq', k'o chi nik'owisaj pa q'aq' y k'ari' nich'ej rik'in chik ya'. Jak'a ri ch'aqa' chik ri xa man yekoch'on ta ri yeq'ax pa q'aq', xaxe k'a rik'in ya' xtich'ajch'ojirisaj-wi.