Ex 19:12 - Kaqchiquel Bible

¹² Rat taya' k'a retal k'a akuchi utz chi yejel-apo ri winaqi' y man keq'ax-apo chire ri retal ri' y tabij chike: Tichajij-iwi' chi man yixjote-q'anej pa ruwi' ri juyu', ni man tineq chuqa'. Roma ri wineq ri xa man niniman ta tzij, xa xtiken y man jun ri xtitikir xtikolon richin.

Ex 19:12 ပူးပေါင်းရင်းမြစ်များ

Wuj Richin ri Josúe 3:4

richin chi niwetamaj ri bey ri akuchi xkixbe-wi, roma rix kan man jun bey ix q'axineq chupan re jun bey re'. Jak'a k'o chi nej ri ikojol xtiben kik'in ri e uk'uayon ri káxa, man yixjel ta apo rik'in y 600 jaj ikojol niben rik'in ri káxa, xecha'.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 2:4

Kere' tabij chire ri tinamit: Rix kan yixbeq'ax yan k'a pa kitinamit ri edomita ri ek'o chiri' pa Seír, y ri winaqi' ri' kan e iwach'alal-wi. Rije' kan xtikixibij k'a ki' chiwech, jak'a rix kan utz tibana' kik'in.

Ex 34:12

Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

Ex 19:23

Ri Moisés xubij chik k'a chire ri Jehová: Ri winaqi' kan man xketikir ta k'a xkejote-pe pa ruwi' re juyu' re', roma kan atk'o rat wawe' y chuqa' xabij chi tinya' k'ulba't richin man yeq'ax ta pe, xcha' ri Moisés.

Ex 19:21

Y xubij chire ri Moisés: Kaqaqa-el y tabebij chike ri winaqi' chi man keq'ax-pe ri akuchi k'o-wi ri retal ri ruchi' ri juyu', richin chi nikajo' yinkitz'et yin. Roma wi xa man xtikinimaj ta tzij, kan xkeken k'a janila chi winaqi'.

Ex 10:28

Chuqa' ri rey xubij chire ri Moisés: Katel-el chinuwech, roma man ninrayij ta chik yatintzu'. Ri q'ij toq xkatoqaqa chik wawe' chinuwech xkaken, xcha' ri rey chire.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Ex 34:3

Kan man jun k'a wineq tibe awik'in, ni kan man jun chik tijote-el chawij. Chuqa' kan man jun k'a karne'l, ni bóyix keyuq'ux chuxe-apo ri juyu', xcha' ri Jehová.

Ex 24:2

Y xaxe k'a rat Moisés ri xkajel-pe k'a wik'in. Ri ch'aqa' chik man kejel-pe, ni ta ri winaqi' richin ri tinamit man kejote-pe, xcha' chire.