Ex 19:11 - Kaqchiquel Bible

¹¹ Roma chupan-apo ri rox q'ij, konojel ta winaqi' kichojmirisan ta chik ki', roma jari' toq ri Jehová xtiqaqa-pe pa ruwi' re juyu' re' y konojel ri awinaq kan kitzuliben k'a toq xtiqaqa-pe.

Ex 19:11 ပူးပေါင်းရင်းမြစ်များ

Wuj Richin ri Rutikeribel 11:5

Jak'a ri Jehová xqaqa-pe richin xorutz'eta-qa ri tinamit ri yetajin chubanik ri winaqi' y chuqa' ri torre ri xkik'is yan rubanik.

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Wuj Richin Bix Chire ri Dios 144:5

Nimalej Jehová, tajaqa' k'a ri kaj y kaqaqa-pe. Ke'achapa' ri juyu' richin ye'el-pe sib chupan.

Wuj Richin Bix Chire ri Dios 18:9

Xujeq k'a ri kaj, y xqaqa k'a pe, y xpa'e' k'a pa ruwi' ri q'eqel-sutz'.

Ex 19:16

Y xk'uluwachitej k'a chi toq xapon ri rox q'ij nimaq'a' yan, xpe k'a koqolajay y koyopa' y xqaqa k'a jun pimilej-sutz' pa ruwi' ri juyu'. Y xebeq'ajan k'a pe rik'in janila uchuq'a' ri xupubel ri e banon rik'in uk'a'. Y ri winaqi' ri ek'o pa taq kachoch ri banon rik'in tzieq kan janila k'a xkik'en rukiy.

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Ex 19:20

Ri Jehová xqaqa k'a pe pa rutum ri juyu' Sinaí, y k'a chiri' xroyoj-wi-pe ri Moisés, y ri Moisés xjote-q'anej k'a rik'in.

Ex 24:16

Y ri ruk'ojlen ri Jehová xok'oje' k'a qa pa ruwi' ri juyu' Sinaí. Y ri sutz' ri k'o chiri', waqi' k'a q'ij xutz'apej rij ri juyu'. Y chupan ri ruwuq q'ij, ri Jehová xroyoj k'a ri Moisés ri k'o chiri' pa runik'ajal ri sutz'.

Ex 24:17

Chikiwech ri winaqi' israelita, xq'alajin chi ri rubanik ri ruk'ojlen ri Jehová, achi'el jun nimalej q'aq' ri nitikir nuk'is ronojel. Keri' ri rubanik ri xq'alajin ri pa rutza'n-q'anej ri juyu'.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Ex 34:2

Tachojmirisaj k'a awi' richin chi chua'q nimaq'a' yan, xkajote' k'a el pa ruwi' ri juyu' Sinaí, richin yatapon-q'anej chinuwech.

Ex 34:5

Y ri Jehová kan xqaqa k'a pe chupan ri sutz' y xk'oje' junan rik'in ri Moisés y xuq'alajirisaj ri rubi' chuwech.

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

San Juan 3:13

Man jun k'a ri apowineq ta ri chila' chikaj, xa kan xaxe k'a ri jun qajineq-pe. Kan xaxe ri jun ri xqaqa-pe achi'el wineq chiqakojol, ri chila' chikaj rik'in ri Dios k'o-wi rachoch.

San Juan 6:38

Roma yin, ri xiqaqa-pe chila' chikaj, man nusamaj ta k'a yin ri nuk'amon-pe. Yin xipe chubanik ri samaj ri kan rurayibel-wi ri taqayon-pe wichin.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Deut 4:10

Toqaqa k'a chi'ik'u'x toq xqamol-apo-qi' chuwech ri Jehová ri qa-Dios, chuxe-apo ri juyu' Horeb, toq rija' xubij chuwe: Ke'amolo' k'a ri awinaq, richin chi nikak'axaj ri nuch'abel richin niketamaj nikiya' nuq'ij chijun ri kik'aslen chuwech re ruwach'ulew, y xtikik'ut chikiwech ri kalk'ual, xcha' chuwe.

Wuj Richin ri Josúe 3:5

K'ari' ri Josué xubij chire ri tinamit: Tich'ajch'ojirisaj-iwi', roma chua'q ri Jehová xtuben meyel taq banobel chiqakojol roj, xcha'.