Ex 19:10 - Kaqchiquel Bible

¹⁰ Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

Ex 19:10 ပူးပေါင်းရင်းမြစ်များ

Wuj Richin ri Rutikeribel 35:2

Y roma ri' ri Jacob xubij chike ri rixjayilal, ri ruk'ajol y chike konojel ri ek'o pa rachoch: Ke'iwelesaj-el jumul chi'ikojol ri kiwachibel ri i-dios. Tich'ajch'ojirisaj-iwi' y tijala' ri itziaq.

2 Sam 19:24

Chuqa' ri Mefi-bóset ri rumam kan ri rey Saúl xbe richin xberuk'ulu' ri David, y kan man atiwineq ta k'a, ni man ruchojmirisan ta ri rusumal-ruchi', ni man jalowineq ta. Kan keri' k'a xuch'ob richin nuben chupan ri q'ij toq xbe ri rey k'a toq xtzolin chik na rik'in uxlanibel-k'u'x.

2 Crón 29:34

Jak'a ri e sacerdote e juba' ok y man yeruben ta richin yekichojmirisaj konojel ri chikopi' richin yeporox. Roma ri' k'o chi xeto'ox koma ri ch'aqa' chik levita k'a toq xk'achoj na ri samaj, rokik ri ch'aqa' chik e sacerdote xkich'ajch'ojirisaj-ki'. Kere' xbanatej roma ri e levita k'o más rayibel kik'in richin xkich'ajch'ojirisaj-ki' chikiwech ri e sacerdote.

2 Crón 29:5

Y xubij chike: Rix levita kiniwak'axaj: Tich'ajch'ojirisaj k'a iwi', y tich'ajch'ojirisaj k'a ri rachoch ri Jehová, ri qa-Dios roj y ri ki-Dios kan ri qati't-qamama'. Tiwelesaj-pe chiri', ronojel ri man e ch'ajch'oj ta.

Wuj Richin ri Achin Job 1:5

Y toq chikijujunal rije' kibanon chik k'a ri kinimaq'ij, ri Job yeroyoj k'a ri ralk'ual richin nusuj kamelabel chuwech ri Dios koma chikijujunal rije', richin yech'ajch'ojir. Y kan nimaq'a' yan k'a niyakatej richin nusuj ri kamelabel ri', richin nuk'utuj rukuyubel kimak ri ralk'ual, roma rija' kan nuch'ob chi rik'in juba' xemakun rik'in ri kich'obonik o rik'in juba' e ch'owineq itzel pa taq kánima chirij ri Dios.

Wuj Richin ri Q'axanri'il 11:18

Y chike ri awinaq tabij chi tikich'ajch'ojirisaj-ki' richin chua'q, roma jari' toq xtitej ti'ij. Roma yin kan xinwak'axaj ri koq'ej y xinwak'axaj chuqa' toq xech'ojin richin chi k'o ta niya'on juba' ti'ij chike y chuqa' xkibij chi kan jebel kibanon ri pan Egipto. Wakami k'a, yin ninbenya-pe ti'ij chike richin nikitej.

Wuj Richin ri Q'axanri'il 19:19

Ri ch'ajch'oj achin xtuchikaj k'a ri ya' ri' chirij ri man ch'ajch'oj ta pa rox q'ij y pa ruwuq q'ij. Toq ruch'ajch'ojirisan chik, ri wineq ri' nuch'ej ri rutziaq, natin-el y ja ri aq'a' ri' xtich'ajch'ojir.

Wuj Richin ri Q'axanri'il 31:23

y ronojel ri nukoch' niq'ax pa q'aq', k'o chi nik'owisaj pa q'aq' y k'ari' nich'ej rik'in chik ya'. Jak'a ri ch'aqa' chik ri xa man yekoch'on ta ri yeq'ax pa q'aq', xaxe k'a rik'in ya' xtich'ajch'ojirisaj-wi.

Wuj Richin ri Q'axanri'il 31:24

Y chirij ri ruwuq q'ij, k'ari' xtich'ej ri itziaq y keri' kan ix ch'ajch'oj chik. K'ari' ruk'amon chik yixok chupan ri akuchi ojk'o-wi-qa, xubij ri Jehová, xcha' ri Eleazar.

Wuj Richin ri Q'axanri'il 8:21

Rije' xkich'ajch'ojirisaj-ki' y xkich'ej ri kitziaq; y k'ari' ri Aarón xerusuj chuwech ri Jehová achi'el toq nisuj jun sipanik silon chuwech rija', richin utz yerutz'et.

Wuj Richin ri Q'axanri'il 8:7

Nachikaj ri ya' richin kuyubel-mak pa kiwi' rije' y tabij chike chi nikisokaj ri rusumal chijun ri kich'akul y chuqa' tikich'aja' ri kitziaq.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Wuj Richin ri Josúe 3:5

K'ari' ri Josué xubij chire ri tinamit: Tich'ajch'ojirisaj-iwi', roma chua'q ri Jehová xtuben meyel taq banobel chiqakojol roj, xcha'.

Wuj Richin ri Josúe 7:13

Kayakatej k'a, y tabij chire ri atinamit: Tich'ajch'ojirisaj k'a ri ik'aslen, richin chua'q ix ch'ajch'oj chik, roma ri Jehová ri qa-Dios kere' nubij. Pa inik'ajal rix Israel k'o-wi ri mak. Man xkixtikir ta xtipaba-iwi' chikiwech ri e etzelanel iwichin, k'a toq xiwelesaj yan chi'ikojol ri nubin chi nik'is jumul.

Apocalipsis 22:14

Kan jebel ruwa-kiq'ij ri nich'ajch'ojirisex kik'aslen; richin k'o kiq'a' chire ri ruwech ri che' ri niya'on k'aslen, y richin yetikir ye'ok chupan ri okibel ri e richin ri tinamit.

Apocalipsis 7:14

Y yin xinbij k'a chire: Ja rat ri at etamayon e achike chi winaqi' la', xicha'. K'ari' rija' xubij chuwe: Jere' ri e eleneq chik pe chupan ri nimalej tijoj-poqonal, y kich'ajon chik ri kitziaq y kisaqirisan chik rik'in ri rukik'el ri Karne'l.

1 Sam 16:5

Y ri Samuel xubij: Ja', richin uxlanibel-k'u'x roma yin in peteneq richin nonsuju' sipanik chire ri Jehová. Tich'ajch'ojirisaj-iwi' y kixanpe wik'in richin niqasuj ri kamelabel, xcha'. K'ari' xroyoj ri Isaí y ri e ruk'ajol y xeruch'ajch'ojirisaj achi'el nubij ri pixa', y xek'oje' rik'in richin xusuj ri sipanik.