Ex 18:9 - Kaqchiquel Bible

⁹ Ri Jetro toq xrak'axaj ronojel re', kan janila k'a xkikot, roma ronojel ri utzil ri rubanon ri Jehová kik'in ri israelita, toq xerelesaj-pe pa kiq'a' ri aj-Egipto.

Ex 18:9 ပူးပေါင်းရင်းမြစ်များ

Wuj Richin ri Isaías 44:22

Yin kan xinyoj yan k'a ronojel imak, kan xinben yan chire achi'el toq nik'is-el ri sutz' richin nimaq'a'. Roma ri' kan titzolin k'a pe ik'u'x wik'in, roma yin kan xixinkol yan.

Wuj Richin ri Isaías 44:23

Roma ri' kan jajun ri kaj tibixan richin nuya' nuq'ij, roma yin kan xinya' kolotajik. Kan jajun ri ruwach'ulew tibixan rik'in kikoten, chuqa' ri juyu', ri k'echelaj y ronojel che' ri ek'o, roma kan xixinkol rix israelita, y kan xink'ut ri nimalej wuchuq'a' pan iwi', xcha' ri Dios.

Wuj Richin ri Isaías 63:7

Yin kan ninwajo' yich'on pa ruwi' ri rajowabal ri Dios, y kan ninbixaj bix richin ninya' ruq'ij roma ri xuben pa qawi'. Roma ri nimalej rajowabal pa ruwi' ri tinamit Israel, kan xuk'ut chi kan xojrupoqonaj y kan janila k'iy ri xuben pa qawi'.

Wuj Richin ri Isaías 66:10

Roma ri' kixkikot k'a rik'in ri tinamit Jerusalem, janipe' chiwe rix yixajowan yixkikot rik'in. Kan kixnimaq'ijun k'a rix iwonojel ri ixk'o pa bis roma rija'.

Romanos 12:10

Kan tiwajowala-iwi' rik'in ronojel iwánima achi'el xa ta iwach'alal-iwi'. Y tich'obo' chi ri ch'aqa' chik qach'alal k'o más kiq'ij chiwech rix.

Romanos 12:15

Kixkikot kik'in ri yekikot, y kixoq' kik'in ri ye'oq'.

1 Corintios 12:26

Roma ri' wi k'o jun ri niq'axo, yixq'axon chi'iwonojel; y wi k'o jun ri ninimirisex ruq'ij, yixkikot chi'iwonojel.

1 Sam 15:6

Y ri Saúl xuteq rubixik chike ri winaqi' quenita chi tikijech'ej-ki' kik'in ri amalecita richin chi man yek'is ta junan kik'in rije', roma ri quenita xkijoyowaj kiwech ri israelita toq e jotol-pe pan Egipto. Y ri winaqi' quenita xe'el k'a pe chikikojol ri amalecita.