Ex 18:8 - Kaqchiquel Bible

⁸ Y jari' toq ri Moisés xuchop rutzijoxik chire ri rujinan ronojel ri xuben ri Jehová rik'in ri rey y kik'in ri winaqi' aj-Egipto, roma ri rajowabal pa kiwi' ri israelita. Chuqa' xutzijoj chire ronojel ri ruk'ayewal ri xkil pa bey y ri rubanik ri xuben ri Jehová richin xerukol.

Ex 18:8 ပူးပေါင်းရင်းမြစ်များ

Wuj Richin Bix Chire ri Dios 107:2

Tibij re', iwonojel rix ri ix kolotajineq chik; ri ix rukolon chik pa kiq'a' ri e etzelanel iwichin;

Wuj Richin Bix Chire ri Dios 106:10

Ri chiri' xerukol k'a pa kiq'a' ri e etzelanel kichin. Xerelesaj k'a el chikiwech ri e yakatajineq chikij.

Wuj Richin Bix Chire ri Dios 81:7

Chupan ri tijoj-poqonal xiniwoyoj, y yin kan xixinto'; Xink'uluba' k'a ri ich'abel rik'in koqolajay; K'ari' xixintejtobej k'a chunaqaj ri ya' richin Meribá.

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin ri Q'axanri'il 20:14

Toq ri Moisés y ri ruwinaq ek'o k'a chiri' pa tinamit Cadés, rija' xeruteq k'a uk'uey rutzijol k'a rik'in ri rey richin ri ruwach'ulew Edom, y kere' k'a ri xuteq-el rubixik chire: Roj ri awach'alal, ri oj rijatzul kan ri Israel, niqabij k'a chawe: Kan awetaman k'a chi roj ronojel ruwech ruk'ayewal ri qaq'axan-pe re xojoqaqa k'a re wawe'.

Wuj Richin Bix Chire ri Dios 66:16

Kixanpe k'a, tiwak'axaj rix ri k'o rukiy ri Dios chiwech, y xtintzijoj chiwe ronojel ri rubanon pa nuk'aslen.

Ex 18:1

Ri Jetro ri rujinan ri Moisés, ri sacerdote richin ri Madián xapon k'a rutzijol rik'in ronojel ri rubanon ri Dios rik'in ri Moisés, y kik'in konojel ri israelita y achike rubanik toq xerelesaj-pe pan Egipto.

Ex 16:3

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.

Ex 15:16

Xtiqaqa nimalej xibinri'il pa kiwi', roma ri ruchuq'a' ri aq'a', Roma ri' xkememur, achi'el jun abej, ri man jun nitikir nubij. k'a toq q'axineq chik na ri atinamit rat Jehová. K'a toq q'axineq chik na re tinamit re xakol-pe.

Ex 15:6

Ri awijkiq'a' rat Jehová Dios, nim rik'in uchuq'a'; ri awijkiq'a' rat Jehová Dios, xeruwulaj ri e etzelanel awichin.

Wuj Richin ri Rutikeribel 44:34

Roma ¿Achi'el ta k'a toq xkinapon chuwech ri nata' wi xa nuyon chik yin y man beneq ta ri qachaq'? Man ninwajo' ta nintz'et ri tijoj-poqonal ri xtuq'axaj ri nata', xcha' ri Judá.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Ex 7:4

Ri rey kan man xkixrak'axaj ta k'a. Jak'a yin kan xtink'ut k'a ri nimalej wuchuq'a' pa ruwi' ri Egipto rik'in nima'q taq ruk'ayewal. Y pa taq tzobaj k'a xkixinnuk' richin xkixinwelesaj-el rix ri ix nutinamit.

Ex 7:5

Y ri aj-Egipto kan xtiketamaj k'a in achike yin Jehová, toq xtink'ut ri nimalej wuchuq'a' chikiwech y xkenwelesaj-el ri israelita chikikojol rije', xcha' ri Dios chike.

Ex 2:25

Ri Dios kan xerutzu-pe ri winaqi' israelita y rija' kan xujoyowaj k'a kiwech.

Ex 23:23

Roma ri' ri nu-ángel xtinabeyej-el chiwech y xkixruk'uaj chupan ri kiruwach'ulew ri amorreo, ri heteo, ri ferezeo, ri cananeo, ri heveo y ri jebuseo; konojel re winaqi' re' xkenk'is yin.

Wuj Richin Bix Chire ri Dios 106:8

Man rik'in ri' ri Jehová kan xerukol roma ri rajowabal richin chi xtitz'etetej ri ruchuq'a' rija'.