Ex 18:7 - Kaqchiquel Bible

⁷ Y ri Moisés xbe k'a richin xberuk'ulu' ri rujinan, y toq xapon rik'in, xuqasaj-ri' chuwech pan ulew y xutz'ubaj. K'ari' xkik'utula' k'a rutzil kiwech y xe'ok-apo pa rachoch ri Moisés, ri banon rik'in tzieq.

Ex 18:7 ပူးပေါင်းရင်းမြစ်များ

Wuj Richin ri Rutikeribel 14:17

Toq ri Abram tzolejineq-pe chubanik ri oyowal rik'in ri rey Quedorlaómer y ri ch'aqa' chik rey, jari' toq ri rey richin ri Sodoma xberuk'ulu' pa taq'aj-qa richin Savé, ri chuqa' nibix Ruwa-taq'aj richin ri Rey chire.

Wuj Richin ri Rutikeribel 18:2

Toq xuyek-q'anej ri rujolon jari' toq xerutz'et e oxi' achi'a', e pa'el-apo chunaqaj. Jari' toq xyakatej-el junanin chiri' chuchi' ri jay richin xeberuk'ulu' y xuqasaj-qa-ri' k'a pan ulew chikiwech.

Wuj Richin ri Rutikeribel 19:1

Y toq xqaq'ij yan qa ri q'ij ri', kere' k'a ri xbanatej: Ri e ka'i' ángel xe'apon k'a qa ri chiri' pa Sodoma, y ri Lot tz'uyul chiri' pan okibel richin ri tinamit Sodoma. Y toq rija' xerutz'et, xyakatej richin xeberuk'ulu' y xxuke' y xuqasaj-qa-ri' k'a pan ulew chikiwech.

Wuj Richin ri Rutikeribel 29:13

Toq ri Labán xrak'axaj chi xapon ri ruch'utik'ajol, junanin xberuk'ulu', xuq'etej y xutz'ubaj y xuk'uaj pa rachoch. Y ri Jacob xutzijoj chire ri Labán ronojel ri xuk'uluwachij.

Wuj Richin ri Rutikeribel 31:28

Ni man xaya' ta q'ij richin xentz'ubaj ta pe ri numi'al y ri taq numam; achi'el xa ta maneq ana'oj richin kere' xaben-pe.

Wuj Richin ri Rutikeribel 43:26

Y toq ri José xapon k'a pa rachoch ri paq'ij, rije' xkiya' k'a ri sipanik chire, ri e kik'amalon-pe y xkiqasaj-qa-ki' k'a pan ulew chuwech.

Wuj Richin ri Rutikeribel 45:15

K'ari' xerutz'ubaj konojel ri rach'alal, y toq xeruq'etej, janila xoq'. Chirij re', k'ari' xetikir xech'on ri rach'alal rik'in.

Wuj Richin ri Rutikeribel 46:29

Y ri José kan xuben-wi ruchojmil ri carruaje richin chi niberuk'ulu' ri rutata' ri chiri' pa Gosen. Y toq xkik'ul-ki' rik'in, xuq'etej y janila xoq' chuwa-ruk'u'x.

2 Sam 11:7

Toq ri Urías xapon, ri rey David xuk'utuj rutzil ruwech ri Joab y rutzil kiwech konojel ri aj-labal. Y xuk'utuj chuqa' achike beneq ri labal.

1 Rey 2:19

Xok k'a apo ri Betsabé rik'in ri rey, richin niberubij ri rutaqikil ri Adonías. Y ri Salomón xyakatej-q'anej richin xuk'ul ri rute', y kan xulukuba-qa-ri' chuwech y k'ari' xtz'uye' chik qa pa rutz'uyubal. K'ari' xuteq ruk'amik jun ch'aket richin ri rute', y kan pa rijkiq'a' k'a xk'oje-wi.

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Ex 18:6

Y jari' toq ri Jetro xuteq rubixik chire ri Moisés y xubij: Yin ri in ajinan, xinoqaqa k'a re wawe' chi aq'ejeloxik, nuk'amon-pe ri numi'al, ri awixjayil rat y ri e ka'i' taq ak'ajol, xcha'.

Ex 33:7

Y ri Moisés kan xuben k'a achi'el ri rubanon-pe, chi k'a nej-el juba' chire ri akuchi ek'o-wi-qa, chiri' xberupaba-wi ri jay ri banon rik'in tzieq. Y re jay re', jay richin molojri'il ri xubij chire. Y xabachike k'a ri nikanon richin ri Jehová, kan k'o k'a chi napon k'a akuchi k'o-wi ri jay ri'.

Ex 4:27

Jak'a ri chiri' pan Egipto, ri Dios xch'on k'a rik'in ri Aarón y xubij chire: Kabiyin pa tz'iran ruwach'ulew richin nabek'ulu' ri Moisés, xuche'ex. Y ri Aarón kan xbe na wi chuk'ulik ri Moisés akuchi k'o-wi ri juyu' richin ri Dios, ri nibix Horeb chire y richin xuq'ejela' xutz'ubaj rupalej ri ruchaq'.

Wuj Richin ri Q'axanri'il 22:36

Y toq ri Balac xrak'axaj chi ri Balaam beneq, xel-pe chuk'ulik k'a pa jun tinamit richin ri Moab, ri k'o chunaqaj ri ruk'ulba't ri ruwach'ulew, chiri' pan Arnón.

San Lucas 7:45

Chuqa' toq xinok-pe, man xinatz'ubaj ta richin xinaq'ejela'. Jak'a re ixoq re', ja ri waqen ri e rutz'uban re jampe' kinoqaqa.

Hechos 20:37

Ri kimolon k'a ki' ri chiri' xe'oq', xkiq'etela' y xkitz'ubaj chuqa' ri Pablo.

Hechos 28:15

Ri qach'alal ri ek'o chiri' pa Roma kak'axan chik k'a chi yojapon. Roma ri' xojokik'ulu' ri pa bey, pa tinamit Foro richin Apio, y ri chiri' chuqa' pa Tres Tabernas. Toq ri Pablo xerutz'et k'a ri qach'alal ri', xumatioxij chire ri Dios. Y re' xuya' ruchuq'a' xuna' rija'.

Wuj Kichin ri To'onela' 11:34

Y toq ri Jefté xtzolej chirachoch chiri' pa Mispá, jari' toq xbe'el-pe ri juney rumi'al richin nuk'ul-apo, y ruk'uan ri ru-pandereta pa ruq'a' y nitzopiyaj rik'in. Y kan xaxe k'a ok jun rumi'al ri k'o; kan man jun chik rumi'al ni ruk'ajol k'o.

1 Sam 17:18

Y chire ri aj-raqen pa kiwi' ri awach'alal, nak'uaj-el re lajuj queso re'. Kabiyin y ye'atz'et kan ri animal achike kibanon. Wi utz kiwech, nak'en-pe chuwe jun xabachike retal richin kan q'alaj chi kan e utz, xcha'.

1 Sam 17:22

Y jari' toq ri David xuya' kan ri taqikil pa ruq'a' ri chajinel kichin ri kikamisabal, y xbe anineq chikikojol ri aj-labal ri kinuk'un chik ki'. Y xeberuq'ejela' ri runimal.