Ex 18:26 - Kaqchiquel Bible

²⁶ Rije' kan xeq'aton k'a tzij pa kiwi' ri ch'ojinik ri nikiben ri winaqi' ronojel q'ij. Rije' k'a xechojmirisan ri kokoj taq ch'ojinik, y ri nima'q taq ch'ojinik xekik'en-pe chire ri Moisés.

Ex 18:26 ပူးပေါင်းရင်းမြစ်များ

Ex 18:22

Y rat taya' k'a q'ij chi ja ri achi'a' ri' ri keq'aton-tzij pa kiwi' ri ch'ojinik ri nikiben ri winaqi' ronojel q'ij. Je rije' k'a ri xkechojmirisan ri kokoj taq ch'ojinik y xaxe ri nima'q taq ch'ojinik xtikik'en-pe chawe rat. Keri' rat xtawelesaj k'iy ralal ri samaj chawij, roma rije' kan xkatkito' chuk'utuxik.

Wuj Richin ri Achin Job 29:16

Kan xinok k'a achi'el jun tata'aj pa kiwi' ri winaqi' ri man jun k'o kik'in. Kan xinok k'a chojmirisey richin ri k'o nikik'uluwachij ri winaqi' ri xa man e nuwinaq ta.

1 Rey 10:1

Y toq ri rutzijol ri retamabal ri Salomón, ri ya'on chire roma ri Jehová xapon k'a pa ruwach'ulew Sabá, jari' toq ri reina richin chiri' kan xbe k'a chutz'etik ri Salomón, y richin nutejtobej ri retamabal, kan xuch'ob k'a el k'iy na'oj ri kan e k'ayew-wi ri niberuk'utuj chire.

Deut 17:8

Wi k'o k'a jujun banobel ri janila k'ayew nuben chiwech toq niq'et-tzij, achi'el pa ruwi' jun kamik, oyowal, sokotajik o xabachike ta ri nibanatej chupan ri tinamit, kan jari' k'a kixbiyin pa rachoch ri Jehová ri qa-Dios.

Deut 1:17

Man tiben rukojolil kik'in ri winaqi' chupan jun q'atoj-tzij, xa junan tibana' kik'in, chi k'o kiq'ij chi maneq kiq'ij. Man jun achoq chuwech tixibij-iwi', roma re q'atoj-tzij re' kan richin ri Dios. Wi k'o jun k'ayew nuben chiwech, tik'ama-pe wik'in yin, richin chi ja yin ri yichojmirisan, xicha' chike.