Ex 18:25 - Kaqchiquel Bible

²⁵ Ri Moisés xerucha' k'a chikikojol ri israelita, achi'a' ri kan k'o samaj ri yetikir nikiben y xeruya' k'a richin xe'ok aj-raqen pa kiwi' 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Ex 18:25 ပူးပေါင်းရင်းမြစ်များ

Wuj Richin ri Rutikeribel 47:6

wakami k'a tikicha' rije' ri ulew ri niqa' chikiwech, roma ri ruwach'ulew Egipto pan aq'a' rat k'o-wi; y akuchi nikajo' yek'oje-wi, chiri' ke'aya-wi. Y wi ek'o chikikojol rije' e nowineq taq achi'a', ke'aya' pa kiwi' ri tzobaj ri wawej yin, xcha'.

2 Sam 18:1

Ri David xeruch'er k'a pa taq tzobaj ri aj-labal, y xeruya' k'a aj-raqen pa kiwi'.

Ex 18:21

Chuqa' rat ke'acha' chikikojol ri winaqi' richin ri tinamit, achi'a' ri kan k'o samaj ri yetikir nikiben, achi'a' ri kan k'o rukiy ri Dios chikiwech, achi'a' ri kan nakuquba' ak'u'x kik'in y kan niketzelaj richin yepuaqix. Y jeri' ri ke'aya' richin ye'ok aj-raqen pa kiwi' tzobaj richin 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Ex 18:24

Y ri Moisés kan xunimaj k'a rutzij ri rujinan y xuben ronojel ri xubij chire.

Wuj Richin ri Q'axanri'il 1:4

Chuqa' xkixkito' jujun aj-raqen chikikojol chikijujunal ri tzobaj richin ri tinamit.

Wuj Richin ri Q'axanri'il 11:16

Y ri Jehová xuk'uluba' k'a pe ri ruch'abel ri Moisés y xubij k'a chire: Ke'amolo-pe e oxk'al lajuj achi'a' chike ri aj-raqen richin ri tinamit ri kan k'o kiq'ij y kan e samajela' richin ri tinamit. Ke'ak'ama-pe chuchi' ri wachoch richin molojri'il.

Hechos 6:5

Kan konojel xqa' chikiwech ri xbix chike, y xekicha' k'a ri e wuqu' achi'a'. Ri jun k'a ri xkicha' rubini'an Esteban, y re' jun achin ri kan jebel wi kuqul ruk'u'x rik'in ri Dios, y nojineq ránima rik'in ri Loq'olej Espíritu. Xekicha' chuqa' ri Felipe, ri Prócoro, ri Nicanor, ri Timón, ri Parmenas y ri Nicolás ri aj pa tinamit Antioquía; rija' man judío ta, jak'a kan nunimaj k'a ri nubij ri kipixa', y kan kik'in k'a rije' k'o-wi toq k'a man jani runiman ta ri Jesús chiri'.

Deut 1:15

Y keri' k'a toq yin xencha' ri achi'a' ri', y ja rije' ri xenya' pan iwi': Pa kiwi' 1,000 winaqi', pa kiwi' wok'al, pa kiwi' kawineq lajuj y pa kiwi' lajujteq winaqi' y ja rije' ri yeyuqen iwichin.