Ex 18:24 - Kaqchiquel Bible

²⁴ Y ri Moisés kan xunimaj k'a rutzij ri rujinan y xuben ronojel ri xubij chire.

Ex 18:24 ပူးပေါင်းရင်းမြစ်များ

1 Corintios 12:21

Roma ri' ri runaq'-qawech man nitikir ta nubij chire ri qaq'a' chi man nik'atzin ta. Y keri' chuqa' ri qajolon man nitikir ta nubij chire ri qaqen chi man nik'atzin ta.

Wuj Richin Etamabel-Tzij 1:5

Ri aj-na'oj ri kan nrak'axaj re', ri retamabal nibe más pa jotol, y ri kan niq'ax chuwech, kan xtretamaj k'a ri achike ruk'amon chi nuben.

Wuj Richin ri Esdras 10:5

K'ari' xyakatej-q'anej ri Esdras y xuben chike ri ruwinaq chi xkiya' kitzij ri tata'al kichin ri e sacerdote y ri tata'al kichin ri levita, y chuqa' konojel ri ruwinaq, chi kan kere' k'a tikibana'. Y rije' kan xkiya' kitzij.

Wuj Richin ri Esdras 10:2

K'ari' ri Secanías, ruk'ajol ri Jehiel y rijatzul kan ri Elam. Xch'on k'a q'anej y xubij chire ri Esdras: Roj kan xojmakun chuwech ri qa-Dios, roma xeqak'en xtani' ri man e qawinaq ta, richin xojk'ule' kik'in. Man rik'in ri', xa kan k'a yojtikir k'a niqachojmirisaj-qi'.

Ex 18:19

Wakami kinawak'axaj k'a y xtinya' ri ruchojmilal chawech y wetaman chi ri Dios kan xkaruto-wi rik'in re'. Ja rat k'a ri katok q'axey kitzij ri e awinaq chuwech ri Dios, y ja rat ri xkaq'axan-q'anej chire rija', ronojel ri kich'ojinik.

Ex 18:23

Wi rat kere' xtaben y jare' ri niqa' chuwech ri Dios, rat kan xkatikir k'a xtaben chi utzil ri samaj y ri winaqi' kan rik'in k'a uxlanibel-k'u'x xketzolin pa taq kachoch, xcha' ri Jetro.

Ex 18:25

Ri Moisés xerucha' k'a chikikojol ri israelita, achi'a' ri kan k'o samaj ri yetikir nikiben y xeruya' k'a richin xe'ok aj-raqen pa kiwi' 1,000 winaqi', pa kiwi' e wok'al, pa kiwi' e kawineq lajuj y pa kiwi' lajujteq winaqi'.

Deut 1:9

Y ri Moisés chuqa' xubij chike ri winaqi': Chupan ri q'ij ri', toq k'a ojk'o na pan Horeb, yin xinbij chiwe chi nuyon yin man yitikir ta yixink'uaj.

Wuj Richin Bix Chire ri Dios 78:53

Xeruyuqej k'a rik'in kuqubabel-k'u'x richin chi man xkixibij ta ki'; y ri palou kan xerumuq k'a kan ri e etzelanel kichin.