Ex 18:23 - Kaqchiquel Bible

²³ Wi rat kere' xtaben y jare' ri niqa' chuwech ri Dios, rat kan xkatikir k'a xtaben chi utzil ri samaj y ri winaqi' kan rik'in k'a uxlanibel-k'u'x xketzolin pa taq kachoch, xcha' ri Jetro.

Ex 18:23 ပူးပေါင်းရင်းမြစ်များ

Wuj Richin ri Rutikeribel 18:33

Toq ri Jehová xtane' kan richin nitzijon rik'in ri Abraham, rija' xbe, y ri Abraham xtzolin-el pa rachoch.

Wuj Richin ri Rutikeribel 30:25

Toq ri Raquel xalex yan re ti ral re', jari' toq ri Jacob xch'on rik'in ri Labán y xubij chire: Taya' q'ij chuwe richin yitzolin akuchi xinalex-wi pa nuruwach'ulew.

2 Sam 18:3

Jak'a ri aj-labal xkibij chire chi más utz nik'oje' kan chiri' pa Mahanaim, roma wi rije' k'o chi ye'animej, ri e etzelanel kichin man xkekitzeqelibej ta. Chuqa' chike ri e etzelanel kichin xa man jun, stape' ta wi yeken nik'aj chike rije', roma ri David xa kan rejqalen jun e 10,000 aj-labal. Roma ri' xkibij chik chi más utz tik'oje' kan pa tinamit, y kan k'a chiri' yeruto-wi-el.

2 Sam 19:39

Y konojel k'a ri e beneq rik'in ri David xkiq'axaj k'a apo ri raqen-ya' Jordán nabey chuwech rija'. Y toq xeq'ax rija' y ri Barzilai, jari' toq xutz'ubaj kan y chuqa' xrurtisaj kan richin xkijech kan ki'. Y ri Barzilai xk'oje' k'a kan, y xtzolin-el pa rachoch.

2 Sam 21:17

Jak'a ri Abisai ral ri Seruiá xberuto' ri David, y xukamisaj ri achin aj-Filistea. Roma ri' ri aj-labal richin ri David xkibij k'a chire chi man jun bey chik xtibe chikij pa labal richin man nichup ta ri saqil richin Israel.

Ex 16:29

Toqaqa k'a chi'ik'u'x chi yin Jehová xinya' chiwe ri q'ij richin uxlanen, y roma ri' pa ruwaq q'ij ninya' ri iway richin ka'i' q'ij. Xa roma ri' kan kixk'oje' k'a ri akuchi ixk'o-wi y kan man jun tibe juk'an chik chupan ri ruwuq q'ij, xcha' ri Jehová.

Ex 18:18

Roma rat y ri awinaq xkixbekos, roma ri samaj kan janila ralal chawe rat. Ayon xa man xkatikir ta xtaben.

Ex 18:22

Y rat taya' k'a q'ij chi ja ri achi'a' ri' ri keq'aton-tzij pa kiwi' ri ch'ojinik ri nikiben ri winaqi' ronojel q'ij. Je rije' k'a ri xkechojmirisan ri kokoj taq ch'ojinik y xaxe ri nima'q taq ch'ojinik xtikik'en-pe chawe rat. Keri' rat xtawelesaj k'iy ralal ri samaj chawij, roma rije' kan xkatkito' chuk'utuxik.

Ex 18:24

Y ri Moisés kan xunimaj k'a rutzij ri rujinan y xuben ronojel ri xubij chire.

Hechos 15:2

Ri Pablo y ri Bernabé kan janila xkich'ojij chike. Roma ri', ri qach'alal ri ek'o chiri' xekicha' k'a el ri Pablo y ri Bernabé y chuqa' ch'aqa' chik qach'alal, richin yebe k'a pa Jerusalem kik'in ri e taqon roma ri Cristo ri ek'o chiri' y kik'in ri uk'uey kichin ri qach'alal, richin xebech'on pa ruwi' re'.

Gálatas 2:2

Y yin xibe roma kan ja ri Dios ri xq'alajirisan chinuwech. Toq xinapon, xaxe ri achi'a' ri k'o kiq'ij chikikojol ri qach'alal y yin ri xqamol-qi'. Y xintzijoj k'a chike ri achike rubanik ri utzilej ch'abel richin kolotajik ri nintzijola' chike ri man e qawinaq ta, richin keri' tiketamaj chi ri samaj ri ninben yin kan k'o-wi rejqalen.

1 Sam 8:22

Jak'a ri Jehová xubij chik chire ri Samuel: Tanimaj kitzij y taya' jun ki-rey richin nuq'et-tzij pa kiwi', xcha'. K'ari' ri Samuel xubij chike ri achi'a' ri k'o kiq'ij chikikojol ri e rijatzul kan ri Israel chi kebiyin chi taq kachoch.