Ex 18:14 - Kaqchiquel Bible

¹⁴ Y toq ri rujinan xutz'et chi ruyon ri Moisés nuq'et-tzij pa kiwi' ri ruwinaq, jari' toq xubij chire: ¿Achike k'a re naben rat kik'in ri awinaq? ¿Achike k'a roma ayon ok yaq'aton-tzij pa kiwi' rije'? Roma kan ek'o-pe chawech kan xaxe toq xseqer-pe k'a toq xqaq'ij na qa, xcha'.

Ex 18:14 ပူးပေါင်းရင်းမြစ်များ

Ex 18:13

Y chupan k'a ri ruka'n q'ij chi tapon ri Jetro, ri Moisés xtz'uye' k'a richin xuchop nuq'et-tzij pa kiwi' ri winaqi' y rije' kan xkimol k'a apo ki' chirij kan xaxe toq xseqer-pe y xetane' k'a toq xqaqa na qa ri q'ij.

Ex 18:15

Y ri Moisés xubij chire ri rujinan: Kere' ninben, roma ri winaqi' yepe wik'in roma nikajo' niketamaj ri achike k'a ri rurayibel ri Dios, richin chi jari' ri nikiben rije'.

Ex 18:26

Rije' kan xeq'aton k'a tzij pa kiwi' ri ch'ojinik ri nikiben ri winaqi' ronojel q'ij. Rije' k'a xechojmirisan ri kokoj taq ch'ojinik, y ri nima'q taq ch'ojinik xekik'en-pe chire ri Moisés.

Wuj Richin ri Q'axanri'il 15:34

Y ri xek'amon-pe ri achin ri' kan ek'o k'a achi'a' ri xekiya' kan richin xkichajij, roma man jani q'alaj ta achike ri xtiban rik'in.

Wuj Kichin ri To'onela' 1:16

Ri e rijatzul ri Jetro, rujinan ri Moisés, xe'el-el chupan ri Tinamit Richin Palmera ri chuqa' nibix Jericó chire, y xebe chikij ri e rijatzul ri Judá pa tz'iran ruwach'ulew ri k'o pa xokon, ri k'o chunaqaj ri tinamit Arad, y xebek'oje' k'a chiri' pan Arad, chikikojol ri aj chiri'.

2 Sam 15:2

Y rija' ronojel k'a q'ij nimaq'a' yan niyakatej, y nik'oje' chuxikin ri bey ri nok-apo pa tinamit Jerusalem. Y nuk'utuj k'a chike ri winaqi' ri yeq'ax wi ye'apon rik'in ri rey richin jun ch'ojikil, o richin nuq'et-tzij pa kiwi'. Y nuk'utuj k'a chike akuchi kepe-wi. Y wi nubij chi chupan jun chike ri tzobaj richin ri Israel ri k'o pa xaman,