Ex 18:11 - Kaqchiquel Bible

¹¹ Wakami jebel k'a xq'alajin chinuwech chi ja ri Jehová jari' ri más nim chikiwech ri ch'aqa' chik dios, roma xuya' rutojbalil pa kiwi' ri winaqi' ri nim xkina-ki', roma xekiya' pa tijoj-poqonal ri israelita, xcha'.

Ex 18:11 ပူးပေါင်းရင်းမြစ်များ

1 Rey 17:24

K'ari' ri ixoq xubij chire ri Elías: Wakami niq'ax chinuwech chi rat kan at jun achin richin ri Dios, y kan ja ri qitzij ruch'abel ri Jehová ri nanataj, xcha'.

2 Rey 5:15

Chirij ri' ri Naamán y konojel ri e beneq rik'in xetzolin chik rik'in ri Eliseo. Y ri Naamán xbepa'e' chuwech, y xubij chire: Wakami xq'ax chinuwech chi kan xaxe ri a-Dios rat ri k'o wawe' pan Israel, ri Dios richin chijun ri ruwach'ulew. Wakami k'a nink'utuj utzil chawe chi tak'ulu' kan re jun sipanik ri nuk'amon-pe chawe, xcha' chire.

1 Crón 16:25

Roma ri Jehová kan k'o nim ruq'ij-ruk'ojlen, y kan xaxe rija' ruk'amon chi niqaya' ruq'ij. Rija' kan man junan ta k'a kik'in ch'aqa' chik dios, roma rija' kan k'o rukiy.

2 Crón 2:5

Y ri jay richin ri Dios ri xtinpaba-q'anej kan janila nim, roma ri qa-Dios kan janila nim ruq'ij chikiwech ch'aqa' chik dios.

Wuj Richin ri Nehemías 9:16

Jak'a ri qate-qatata' xa xkinimirisaj-ki' y kan xkikowirisaj ri kánima richin man xeniman ta chire ri apixa'.

Wuj Richin ri Nehemías 9:29

Rat xabij k'a chike richin tikitaqej jun bey chik ri apixa'. Jak'a rije' xa janila k'a xkinimirisaj-ki' y man xeniman ta. Y xkiq'ej k'a ruwi' ri ruchojmilal ri nuya' k'aslen, chike ri yetaqen. Y rije' xa xatkimalij kan, xkikowirisaj-ki' y man xeniman ta chawe.

Wuj Richin Bix Chire ri Dios 119:21

Rat Jehová kan ye'ach'olij k'a ri nikinimirisaj-ki'. K'o k'a etzelanik pa kiwi' ri winaqi' ri xa xtikich'er kan ki' chire ri apixa'.

Wuj Richin Bix Chire ri Dios 135:5

Kan wetaman k'a chi ri Jehová kan janila nim. Ri qajaw roj kan más nim chikiwech ri ch'aqa' chik dios.

Wuj Richin Bix Chire ri Dios 31:23

Ri nikitzeqelibej ri Jehová, ruk'amon chi nikiben ri nrajo' rija'. Roma rija' kan yeruchajij k'a ri choj e beneq chuwech. Jak'a ri man nuqasaj ta ri' chuwech, kan pa ruk'iyal k'a ri rutojbalil ri nuya' pa ruwi'.

Wuj Richin Bix Chire ri Dios 95:3

Roma ri Jehová jari' ri nimalej Dios. Kan xaxe k'a rija' ri rey pa kiwi' ri ch'aqa' chik dios.

Wuj Richin Bix Chire ri Dios 97:9

roma rat Jehová kan at nim pa ruwi' chijun ruwach'ulew. Kan xaxe k'a rat ri ninimirisex aq'ij chikiwech ri ch'aqa' chik dios.

Ex 1:10

Wakami k'a qojok aj-na'oj y tiqanojij k'a achike niqaben chike. Richin man tiqaya' q'ij chi yek'iyer más, man xa titz'ukutej jun labal y nikitun-ki' kik'in ri e etzelanel qichin y yeyakatej chiqij y ye'animej-el chupan re qaruwach'ulew, xcha' ri rey.

Ex 1:16

Toq yixbe kik'in ri ixoqi' israelita toq ye'alan, kan titz'eta' chi'anin ri achike ri nalex, wi ti ala' ri nalex, tikamisaj y wi ti xten, tik'asba' kan, xcha' chike.

Ex 1:22

Y toq ri rey xutz'et chi xa man nitikir ta yerukamisaj, jari' toq xubij chike ri ruwinaq chi toq ye'alex ri ak'uala' taq alaboni' chikikojol ri winaqi' israelita, kan ketorix-el pa raqen-ya', y wi taq xtani' ri ye'alex, kekik'asba' kan.

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Ex 14:8

Y ri Jehová kan xukowirisaj k'a ri ránima ri rey richin Egipto y xyakatej-el chikij richin chi yerutzolij ta pe ri israelita, jak'a rije' man jun xibinri'il chikiwech ri e beneq, roma ri Jehová kan beneq-wi kik'in.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Ex 5:2

Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

Ex 5:7

Wakami k'a man niya' ta chik ri páxa chike ri winaqi', richin nikiya' chupan ri ch'abeq achi'el ri banon-pe chike. Wakami xa kan ja rije' xkebekanon.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Wuj Richin ri Q'axanri'il 33:4

rokik rije' yekimuq ri nabey taq kik'ajol, roma ja ri Jehová ri xbanon richin xeken toq xuq'et-tzij pa kiwi' ri ki-dios.

San Lucas 1:51

Rik'in k'a ri ruchuq'a', kan k'iy k'a rubanalon. Xuyoj ri kich'obonik ri nima'q nikina-ki'.

Santiago 4:6

Y kan janila rutzil nuya' pa qawi'. Achi'el nubij chupan ri ruch'abel ri tz'ibatel kan, chi ri Dios yeretzelaj y man nuk'en ta kiwech ri nikinimirisaj-ki'. Jak'a ri kiqasan-ki' rija' nuya' ri rutzil pa kiwi'.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

1 Sam 2:3

Man ke'ibij k'a ch'abel rik'in nimirisanen, ni man tel pa taq ichi' ch'abel rik'in nimirisanen, roma ri Dios, ja rija' ri Jehová ri retaman ronojel, y nutz'et ri achike niqaben.