Ex 16:6 - Kaqchiquel Bible

⁶ K'ari' ri Moisés y ri Aarón xkibij chike ri kiwinaq: Re xtiqaq'ij-qa re wakami, rix xtitz'et chik chi ja ri Jehová, ri xojelesan-pe pan Egipto.

Ex 16:6 ပူးပေါင်းရင်းမြစ်များ

Wuj Richin Bix Chire ri Dios 77:20

Xe'ayuqej k'a ri qawinaq achi'el jun q'ataj karne'l, ja ri Moisés y ri Aarón xe'akusaj richin xeyuqen kichin.

Wuj Richin Bix Chire ri Dios 81:11

Jak'a rije' xa man xkajo' ta xinkak'axaj, ri nutinamit Israel xa man xrajo' ta xunimaj nutzij.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

Ex 16:3

y nikibila' k'a chike: K'ate' ta xojrukamisaj kan ri Jehová pan Egipto, roma noqaqa chiqak'u'x toq oj tz'uyul richin yojwa' qasurin rij ri bojo'y ri k'o ti'ij chupan y kan jebel k'a yojwa'. Y jak'a re wakami xa xojak'en-pe wawe' pa tz'iran ruwach'ulew xaxe richin chi qonojel yojken roma wayjal, xecha'.

Ex 16:8

Re tiqaq'ij re' ri Jehová xtuya' ti'ij chiwe richin nitej, y ri nimaq'a' xtuya' ri aj-chikajil-wey chiwe richin xtinoj jebel ipan. Ri Jehová xrak'axaj ri ch'abel ri xe'ibila' chirij, roma xa kan chirij rija' xixxebexot-wi. Xa man chiqe ta roj ri xiben-wi keri', xa kan chire ri Jehová, xcha' chike.

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 32:11

Xeri' ri Moisés xch'on chik rik'in ri Jehová richin ta chi nuqasaj ruwi' ri royowal y xubij chire: Ajaw Jehová, ¿achike k'a roma kan xyakatej ri aq'aq'arinen chikij ri atinamit ri xawelesaj-pe rat pan Egipto rik'in ri nimalej awuchuq'a'?

Ex 32:7

Jari' toq ri Jehová xubij chire ri Moisés: Kabiyin-qa, roma ri atinamit ri xawelesaj-pe chila' pa ruwach'ulew Egipto, wakami xa xyojtej ri rubanik ri kibanobal.

Ex 6:6

Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Wuj Richin ri Q'axanri'il 16:28

Y xeri' ri Moisés k'a xch'on na chik kik'in ri winaqi' y xubij k'a chike: Xaxe re kere' xtiwetamaj chi kan ja ri Jehová in taqayon-pe, richin ninben ronojel ri nitz'et; y xa man nuna'oj ta yin ninkusaj richin nintz'uk richin ninben-q'anej kere'.

Wuj Richin ri Q'axanri'il 16:30

Jak'a wi ri Jehová kan xtuben jun banobel ri man jun bey k'uluwachitajineq y ri ruwach'ulew nijaqatej richin yerubeq' ri winaqi' ri xemakun kachibilan ronojel ri k'o kik'in y kan k'a e k'es na k'a toq xkebeqaqa chuxe' re ruwach'ulew, wi keri' kan xtiwetamaj k'a ri' chi re achi'a' re', jari' ri xeyako royowal ri Jehová, xcha'.