Ex 16:31 - Kaqchiquel Bible

³¹ Y ri winaqi' israelita xkibij k'a maná chire ri aj-chikajil-wey, y re' kan achi'el k'a rubanik ri ruwech culantro taq seq-seq y kan achi'el k'a ruki'il ri taq wotz'otz' ri ya'on kab kichin ri taq chikopi' rik'in.

Ex 16:31 ပူးပေါင်းရင်းမြစ်များ

Ex 16:14

Y toq xk'is-qa ri raxq'ab ri', jari' toq ri winaqi' xkitz'et chi pa ruwi' ri ulew ri richin ri tz'iran ruwach'ulew, achi'el tew ri k'o y taq k'olok'eq kibanik.

Ex 16:15

Y toq rije' xkitz'et, xkibila' k'a chikiwech: ¿Achike re'?,*f6* xecha'. Roma rije' kan man jun bey k'a kitz'eton. Y k'ari' ri Moisés xubij chike: Ja ruwech wey re' ri nuchop nuya' ri Jehová chiwe, richin nitej.

Ex 16:30

Y keri' ri winaqi' xe'uxlan k'a chupan ri jun ruwuq q'ij ri'.

Ex 16:32

Y ri Moisés xubij k'a: Tiwak'axaj k'a ri ruchojmilal ri rubin ri Jehová, chi tiqak'ama' kan oxi' libra aj-chikajil-wey y tiqayaka-apo, chike ri qijatzul ri e peteneq chiqawech-apo, richin chi rije' kan tikitzu' k'a ri wey ri xuya' ri Jehová chiqe, chiri' pa tz'iran ruwach'ulew, toq xojrelesaj-pe pan Egipto, xcha'.

Wuj Richin ri Nimalej Bix 2:3

Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

Deut 8:16

Y ri chiri' xojrutzuq rik'in aj-chikajil-wey, ri man jun bey kitz'eton ta ri qati't-qamama', y chuqa' kan xojruya' pa poqon y xojrutejtobej richin utz xqaben.

Deut 8:3

Stape' xuben chiqe richin xqatej wayjal, k'ari' xuteq-pe ri aj-chikajil-wey chiqe, ri ni roj ni ta ri qati't-qamama' man jun bey qatz'eton, richin nuk'ut chiqawech chi man xaxe ta rik'in wey yojk'ase-wi xa kan rik'in chuqa' ri ruch'abel ri Dios.