Ex 16:28 - Kaqchiquel Bible

²⁸ Y jari' toq ri Jehová xubij chire ri Moisés: ¿K'a janipe' k'a yixtane' richin man nitaqej ta ri ruchojmilal y ri pixa' ri nuya'on chiwe?

Ex 16:28 ပူးပေါင်းရင်းမြစ်များ

2 Rey 17:14

Jak'a rije' xa man xkinimaj ta tzij, xa xkikowirisaj-ki', achi'el xkikowirisaj-ki' ri kite-kitata', ri man xkikuquba' ta kik'u'x rik'in ri Jehová ri ki-Dios.

2 Rey 17:15

Xa man xkitaqej ta ri pixa', y chuqa' man xkajo' ta xkitzeqelibej ri jikibel-tzij ri rubanon ri Jehová kik'in ri kite-kitata'. Pa ruk'exel ri' xa xekitzeqelibej dios ri xa man jun kejqalen, y xa kiyon rije' xkiben chi maneq kejqalen. Ri Jehová xubij chike chi kan man nikiben ta ri achi'el ri ch'aqa' chik winaqi' aj-Canaán, jak'a rije' xa xekitzeqelibej ri itzel taq banobel.

Wuj Richin Bix Chire ri Dios 106:13

Man rik'in ri', xa kan chi'anin k'a xkimestaj-qa ri nimalej rubanobal ri Jehová. Man xkinimaj ta k'a ri rupixa' rija'.

Wuj Richin Bix Chire ri Dios 78:10

Kan man xkiyek ta k'a pa kánima ri jikibel-tzij ri xuben ri Dios kik'in. Y man xkajo' ta k'a xebiyin achi'el ri nubij ri rupixa'.

Wuj Richin Bix Chire ri Dios 78:22

Kere' k'a xuben ri Dios roma kan man xkinimaj ta, y man xkikuquba' ta k'a kik'u'x rik'in ri rukolotajik.

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

Ex 16:27

Man rik'in ri' k'a ek'o na jujun winaqi' ri richin ri tinamit, ri xebe chumolik kiway chupan ri ruwuq q'ij y kan man jun wi xkil-pe.

Ex 16:29

Toqaqa k'a chi'ik'u'x chi yin Jehová xinya' chiwe ri q'ij richin uxlanen, y roma ri' pa ruwaq q'ij ninya' ri iway richin ka'i' q'ij. Xa roma ri' kan kixk'oje' k'a ri akuchi ixk'o-wi y kan man jun tibe juk'an chik chupan ri ruwuq q'ij, xcha' ri Jehová.

Wuj Richin ri Isaías 7:13

K'ari' ri Isaías xubij: Tiwak'axaj k'a rix ri ix rijatzul kan ri rey David: ¿Kan achi'el niben chike ri winaqi' toq niyek koyowal y kan keri' chuqa' niwajo' niben chire ri qa-Dios?

Wuj Richin ri Isaías 7:9

Roma ri ruk'u'x ri ruwach'ulew Israel ja ri tinamit Samaria; y ri rey richin Samaria xa ja ri ruk'ajol ri Remalías. Wi rix man xtikuquba' ta ik'u'x wik'in, kan qitzij na wi chuqa' rix man xkixk'ase' ta kan, xcha' ri Jehová.

Wuj Richin ri Jeremías 4:14

Winaqi' richin Jerusalem, tich'ajch'ojirisaj k'a ri iwánima richin xkixkolotej. Tiya' kan ri itzel taq ich'obonik,

Wuj Richin ri Jeremías 9:6

Tachajij-awi' roma kan chikikojol atk'o-wi. Y roma ri kiq'oloj, rije' nikibij chi man ketaman ta nuwech. Yin Jehová ri yibin.

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Ez 20:16

Xinben keri' roma xa xkixowaj ri ruchojmilal, man xkinimaj ta ri nupixa' y xkiben chire ri q'ij richin uxlanen chi man jun rejqalen. Xa xbe kánima chirij ri wachibel ri nikiya' kiq'ij.

Ez 5:6

Jak'a ri winaqi' xa xkipaba-ki' y man xkitaqej ta ronojel ruwech pixa' ri nuya'on chike. Rije' kan más k'a itzel xekiben chikiwech ri winaqi' ri ek'o chikinaqaj. Rije' kan xketzelaj ri nubin chike y kan man xkiben ta.

Wuj Richin ri Q'axanri'il 14:11

Ri Jehová xubij chire ri Moisés: ¿K'a jampe' k'a xketane' re winaqi' richin yinketzelaj? ¿K'a jampe' xtapon ri q'ij richin chi rije' nikikuquba' ta kik'u'x wik'in, stape' rije' kan kitz'eton ri meyel taq banobel ri nubanon chikiwech?

Wuj Richin ri Q'axanri'il 20:12

Kan jari' toq ri Jehová xubij chire ri Moisés y chire ri Aarón: Roma rix xa man xikuquba' ta ik'u'x wik'in, y xa maneq nuq'ij xiben chuwe chikiwech ri winaqi', roma ri' xa kan man ja ta k'a rix ri xkixukusan-apo re winaqi' re' chupan ri ruwach'ulew ri kan kichin rije', xcha'.

Marcos 9:19

Ri Jesús xubij chike ri winaqi': Kan man jun chiwe rix ri kuqul ta ruk'u'x rik'in ri Dios. ¿Rix nich'ob chi yin kan jantape' yik'oje' iwik'in? ¿Chi kan jantape' k'o chi yixinkoch'? Tik'ama-pe ri ala', xcha'.