Ex 16:14 - Kaqchiquel Bible

¹⁴ Y toq xk'is-qa ri raxq'ab ri', jari' toq ri winaqi' xkitz'et chi pa ruwi' ri ulew ri richin ri tz'iran ruwach'ulew, achi'el tew ri k'o y taq k'olok'eq kibanik.

Ex 16:14 ပူးပေါင်းရင်းမြစ်များ

Wuj Richin Bix Chire ri Dios 105:40

Xkik'utuj ti'ij chire ri Jehová y rija' xuben chi xepe saqkorowach richin xekitej. Kan xerutzuq k'a rik'in ri aj-chikajil-wey.

Wuj Richin Bix Chire ri Dios 78:24

Y xuben k'a chi ri aj-chikajil-wey xqaqa-pe pa kiwi' rije' richin xkitej Kan ja ri trigo aj-chikajil ri xuya-pe chike.

Wuj Richin ri Nehemías 9:15

Xe'atzuq k'a rik'in ri wey ri xpe chila' chikaj toq rije' xenum. Xaya' k'a kiya' ri xel-pe chupan ri nimalej abej toq xchaqi'j kichi'. Xabij k'a chike chi nikichinaj ri ruwach'ulew, y rat kan xaya' k'a atzij chi ri ulew kan xok kichin.

Deut 8:3

Stape' xuben chiqe richin xqatej wayjal, k'ari' xuteq-pe ri aj-chikajil-wey chiqe, ri ni roj ni ta ri qati't-qamama' man jun bey qatz'eton, richin nuk'ut chiqawech chi man xaxe ta rik'in wey yojk'ase-wi xa kan rik'in chuqa' ri ruch'abel ri Dios.

Wuj Richin Bix Chire ri Dios 147:16

Nuya' k'a pe k'iy raxq'ab y kan achi'el ri rupimil ri lana nuben chire. Toq nuya-pe ri chuma-tew kan achi'el chaj nuben-pe chire.

Ex 16:31

Y ri winaqi' israelita xkibij k'a maná chire ri aj-chikajil-wey, y re' kan achi'el k'a rubanik ri ruwech culantro taq seq-seq y kan achi'el k'a ruki'il ri taq wotz'otz' ri ya'on kab kichin ri taq chikopi' rik'in.