Ex 15:9 - Kaqchiquel Bible

⁹ Ri e etzelanel qichin, xkich'ob: Qojyakatej-el y kebeqaq'i', xecha'. Xkich'ob chi xtikich'er chikiwech ri xtikimej chiqe; xkich'ob chi nikelesaj koyowal chiqij. Xkich'ob nikelesaj ri ki-espada y yojkik'is.

Ex 15:9 ပူးပေါင်းရင်းမြစ်များ

Wuj Kichin ri To'onela' 5:30

Kan qitzij chi kan k'o chi nikich'er chikiwech ri xkimej-pe. Rik'in juba' chikijujunal nikik'ulumaj jun xten o e ka'i'; ri tzieq ri banon rik'in jalajoj ruwech betz' k'o chi niya'ox na chire ri Sísara, Ri tzieq ri tz'ison kiwech rik'in jalajoj betz'; y e tz'ison chi ka'i' ruwech, k'o chi niya'ox na chire ri ch'akonel, nicha' ri rute' ri Sísara.

Ex 14:5

Y toq xya'ox k'a rutzijol chire ri rey chi ri winaqi' israelita xe'animej-el. Jari' ri rey y ri e aj-raqen xkitzolij-ki' chikij richin xkiya-el q'ij chike richin xe'el-el, y kan xkibij-qa: ¡Achike roma xqaya-el q'ij chike richin xe'el-el, wakami xa xebe ri qasamajela' chiqawech!, xecha-qa.

San Lucas 11:22

Jak'a wi nok'ulun ta chik jun achin ri más ruchuq'a' chuwech rija', nich'akatej, y nelesex chire ronojel ri tobel ri nukusaj ri rukuquban ruk'u'x rik'in, k'ari' ri achin ri más ruchuq'a' nutalula' k'a ronojel ri xrelesaj-el chire ri achin ri xuch'ek.

Wuj Richin ri Isaías 53:12

Roma ri' yin kan xtinnimirisaj ri rubi' chikikojol ri e nima'q taq winaqi', y kan xtinya' ruchuq'a', roma rija' kan xtuya-ri' pa kamik, y kan junan xtikamisex kik'in ri aj-maki'. Kan rija' xtejqan kimak ri janila chi winaqi', y kan ja rija' xtich'on pa kik'exel ri aj-maki', nicha' ri Dios.

Wuj Richin ri Habacuc 3:14

Xe'akamisaj ri e aj-raqen ri' rik'in ri kich'ab rije'; toq ri aj-labal xeyakatej chiqij, toq ri kinimirisan-ki' xeyakatej chikij ri man jun k'o kik'in, stape' rije' xa kewan-ki'.

Wuj Richin ri Rutikeribel 49:27

Ri Benjamín achi'el tipe jun nimalej utiw ri ronojel nuk'uaj-el, nimaq'a' nutej ri ruk'uan-el, tiqaq'ij nutaluj-el ri man nutej ta chik, xcha' ri Jacob.

Wuj Richin ri Isaías 36:20

¿Achike kami chike konojel re dios re' kichin ronojel ri ruwach'ulew ri' ri xtikir xukol kan ri ruwinaq pa ruq'a' rija'? ¿Y nich'ob kami rix chi ri Jehová xtitikir chuqa' xkixrukol kan?, xcha'.

1 Rey 20:10

Y ri Ben-hadad xuteq chik rubixik chire ri rey Acab: Yin xkenk'en k'a pe janila chi achi'a' richin chi nikiwulaj ri atinamit; y kan man jun chik k'a xtik'oje' kan, ni poqolaj richin ta chi nikimoq'ej-el ri achi'a' ri'. Wi yin man xtinben ta keri', ri nu-dios xa kan xtikiya' k'a ruk'ayewal pa nuwi' yin y pa ruwi' ri nutinamit achi'el ri xinwajo' xinben chiwe rix, xcha-el chike.

1 Rey 19:2

Y kan jari' toq ri Jezabel xuteq-el jun uk'uey rutzijol rik'in ri Elías richin nubij chire: Ri dios e wichin yin kan xtikiya' k'a ruk'ayewal pa nuwi' y kan xkinkikamisaj, wi ke taq wa chua'q man at nukamisan ta, achi'el xaben rat chike ri achi'a' ri xesamajin kichin ri Baal, xcha-el.

1 Sam 30:8

K'ari' xuk'ulubej ri Jehová y xubij chire: ¿Utz kami yentzeqelibej re tzobaj eleq'oma' re'? ¿Yitikir kami yenq'i'?, xcha'. Y ri Jehová xubij chire: Ke'atzeqelibej, roma kan ninbij chawe chi xke'aq'i', y xke'akol-pe ri xekik'uaj-el, xcha'.

2 Sam 22:38

Yin kan xentzeqelibej ri e etzelanel wichin y kan xenq'i'. Man xitzolin ta, k'a xenkamisaj na kan konojel.

Wuj Richin Etamabel-Tzij 16:19

Kan más k'a rejqalen chi nuqasaj-ri' ri wineq y junan rubanik kik'in ri man jun k'o kik'in; ke chuwech nril-apo janila chi méro kik'in ri winaqi' ri xa kimajon-pe chuwi-kiq'a' ch'aqa' chik winaqi'.

Wuj Richin ri Jeremías 46:17

K'ari' xesik'in y xkibij: Ri rey richin Egipto, janila k'iy ri xusuj, jak'a man jun xuya'.