Ex 15:27 - Kaqchiquel Bible

²⁷ Y xe'el k'a el ri chiri' y xe'apon akuchi e tikil-wi oxk'al lajuj palma, y roma ri' rubini'an Elim. Y chiri' ek'o chuqa' kablajuj ralaxbel-ya' y chiri' chikinaqaj ri ya' xek'oje-wi-qa.

Ex 15:27 ပူးပေါင်းရင်းမြစ်များ

Apocalipsis 22:2

Pa nik'aj chire ri nima-bey richin ri tinamit, chiri' niq'ax-wi ri raqen-ya'. Y chuchi' k'o-wi ri che' ri niya'on k'aslen. Kablajuj bey nuya' ruwech pa jun juna', roma kan ik'-ik' nuya' ruwech. Y ri ruxaq kan aq'om richin yek'achoj ri winaqi' ri e peteneq pa ronojel ruwach'ulew.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.

Wuj Richin ri Q'axanri'il 33:9

Y toq xe'el-el chiri', xe'apon pa ruwach'ulew Elim, ri akuchi ek'o-wi kablajuj tz'ukubel taq ya' y e tikil oxk'al lajuj palma.

Ez 47:12

Y chi e ka'i' ruchi' ri raqen-ya' ri' xkebek'iy-pe jalajoj kiwech che'. Y ri che' ri' kan xkewachin y e tijel ri ruwech. Ri kixaq man jun bey xketzaq-el y jantape' yewachin. Ik'-ik' yechaq'aj kiwech ri che' ri', roma ri niya'an richin ja ri ya' ri nel-pe pa rachoch ri Dios. Y ri ruwech kan richin yetij y ri kixaq ri che' ri' kan xtik'atzin richin aq'om, xcha' ri achin ri'.

Wuj Richin ri Isaías 12:3

Toq jun wineq chaqi'j ruchi', y nuqum juba' ch'ich' ya', kan janila nikikot. Keri' chuqa' yojkikot roj toq rat Jehová yojakol.

Ex 16:1

Chirij re', konojel ri israelita xe'el-el chiri' pan Elim, y xe'apon pa tz'iran ruwach'ulew Sin ri k'o chukojol ri Elim y ri juyu' Sinaí. Y toq xe'apon chiri' pa Sin, jari' toq xtz'aqet jun ik' rik'in nik'aj chi ke'el-pe pan Egipto.

Wuj Richin Bix Chire ri Dios 23:2

Chiri' akuchi k'o-wi ri rex taq q'os, chiri' yiruya-wi richin yinuxlan. Chunaqaj k'a kokoj raqen taq ya', chiri' yiruyuq'uj-wi.