Ex 15:26 - Kaqchiquel Bible

²⁶ Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Ex 15:26 ပူးပေါင်းရင်းမြစ်များ

1 Rey 11:33

Y kere' xtuben ri Jehová rik'in ri rey Salomón roma xa xumalij kan y xa xuya' ruq'ij ri dios ixoq Astarté, y chuqa' kiq'ij ri Quemós ri ki-dios ri aj-Moab y ri Milcom ri ki-dios ri aj-Amón. Y xubij chuqa' ri Jehová chi ri Salomón man xutzeqelibej ta ri utzilej bey, ni man xuben ta ri choj chuwech rija', ni man xutaqej ta ri jalajoj ruwech pixa' ri ya'on chire, achi'el xuben ri David ri rutata'.

1 Rey 11:38

Y wi xtanimaj ronojel ri xtubij chawe, y wi xtatzeqelibej ri rubey y utz xtaben chuwech rija', y wi xtataqej ronojel ri rupixa'; wi keri', ri Jehová kan xtik'oje' awik'in y kan xkerujikiba' k'a ri aj pan awachoch chupan ri q'atbel-tzij achi'el xuben chire ri rijatzul ri David, y xtujech k'a ri tinamit Israel pan aq'a'.

2 Rey 2:21

Y xbe k'a rija' chuchi' ri ralaxbel-ya'; y xujopij-qa ri atz'an chupan, y xubij: Kere' rubin ri Jehová: Yin ninwaq'omaj re ralaxbel-ya' re'. Man chik jun xtiken roma re ya' re'; keri' chuqa' ri ulew kan xtiwachin, xcha'.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

2 Rey 22:2

Ri Josías kan xuben k'a ri utz chuwech ri Dios. Kan man xuya' ta k'a kan ri Jehová, achi'el xuben ri rey David.

Wuj Richin ri Achin Job 5:18

Roma rija' nisokon, y nupis chuqa' ri sokotajik; rija' nich'ayon rik'in tijoj-poqonal y nuya' ri raq'omal.

Wuj Richin Bix Chire ri Dios 103:3

Ja rija' ri nikuyun ronojel ri qamak. Ja rija' ri nik'achojirisan ronojel ri qaq'axo'n.

Wuj Richin Bix Chire ri Dios 147:3

Rija' yeraq'omaj ri niq'axon ri kánima, kan nupis k'a ri kisokotajik.

Wuj Richin Bix Chire ri Dios 81:9

Man k'a kek'oje' chi'ikojol rix ch'aqa' chik dios, ni man k'a kixxuke' chikiwech rije'.

Ex 12:29

Y pa nik'aj-aq'a' ri Jehová xerukamisaj k'a konojel ri e nabey taq al alaboni' ri aj-Egipto. Xken k'a ri nabey ruk'ajol ri rey, ri niq'aton-tzij. Chuqa' xeken konojel ri nabey taq al alaboni' kichin konojel y chuqa' kichin ri ek'o pa cárcel y ri nabey taq kal ri kawej.

Ex 19:5

Wakami k'a, wi kan xtinimaj k'a ri nuch'abel y nitaqej ri jikibel-tzij ri nubanon iwik'in, rix kan xkixok k'a jun tinamit ri janila iwejqalen chikiwech ri ch'aqa' chik tinamit. Man rik'in ri' chijun re ruwach'ulew kan wichin yin.

Ex 19:6

Chuqa' kan xkixok jun ajawaren kichin sacerdote richin yinisamajij y rix kan xkixok xaxe wichin yin, xkacha' chike, xcha' ri Jehová chire ri Moisés.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 23:25

Kan ja yin Jehová ri i-Dios ri kinisamajij. Y yin kan xkixinwurtisaj k'a rik'in ri iway y ri iya'. Y chuqa' kan xtinwelesaj k'a ronojel yabilal chi'ikojol rix.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Wuj Richin ri Isaías 57:18

Stape' kan nintz'et yan k'a ri kibanobal, jak'a yin xa xtinch'ajch'ojirisaj, y xkenyuqej chikiq'a', y kan xtinkuquba' kik'u'x ri yebison.

Wuj Richin ri Jeremías 11:7

Roma chupan ri q'ij toq xinben chike ri iwati't-imama' chi xe'el-pe pa ruwach'ulew Egipto, xinbij chi rije' k'o chi nikiben ri nubij ri nuch'abel. Y kan k'a ja na re' ninbij re wakami.

Wuj Richin ri Jeremías 17:24

Chirij ri' ri Jehová xubij: Kan tinimaj k'a nutzij y man k'a tik'uaj ejqa'n chupan ri tinamit chupan ri q'ij richin uxlanenri'il. Kan tiya' k'a nuq'ij y kan man jun k'a isamaj tiben chupan ri q'ij ri'.

Wuj Richin ri Jeremías 30:17

Jak'a yin kan xtinya' chik ri raxnaqil chiwe y xtinwaq'omaj ri isokotajik stape' konojel ri e etzelanel iwichin xtikibij-qa chi rix aj-Sión kan ix malin y kan man jun achike ninatan iwichin. Yin Jehová ri yibin.

Wuj Richin ri Jeremías 33:6

Jak'a yin kan xtinpaba' chik q'anej ri tinamit y xkenwaq'omaj ri winaqi' richin chi rije' xkek'ase' rik'in uxlanibel-k'u'x y qitzijri'il.

Wuj Richin ri Jeremías 7:23

Xaxe xinbij chike chi wi nikak'axaj ri nuch'abel, yin xkinok ki-Dios y rije' xke'ok nutinamit. Chuqa' wi xkebe chupan ri nubey, kan utz k'a xkebe ri'.

Wuj Richin ri Jeremías 8:22

K'ate' ta k'o jun raq'omal richin yek'achoj, achi'el ri k'o chiri' pa ruwach'ulew Galaad. K'ate' ta k'o jun aq'omanel kichin. ¿Achike roma man yek'achoj ta q'anej ri nuwinaq?

Ez 18:5

Rik'in juba' k'o ta jun wineq choj ruk'aslen y kan ronojel pa ruchojmilal ri nuben.

Os 11:3

Man rik'in ri' yin kan xentijoj k'a rije' richin yebiyin chupan ri ruchojmilal. Kan xenyuqej k'a chikiq'a'. Jak'a rije' xa man xkiya' ta rejqalen chi kan ja yin ri in chajiyon kichin.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Wuj Richin ri Chojmirisabelri'il 26:13

Ja yin Jehová ri i-Dios ri xinelesan-pe iwichin pan Egipto richin chi man xixxime' ta chik pa samaj. Xinben chiwe richin xel ri ejqa'n chiwij y xixsolkopitej chuxe' ri ejqa'n ri'.

Wuj Richin ri Chojmirisabelri'il 26:3

Wi rix kan xtitzeqelibej ri pixa' ri nuya'on chiwe, y kan xtiyek pa taq iwánima y xtiben ri nubij,

Wuj Richin ri Q'axanri'il 12:13

Y ri Moisés rik'in ruchuq'a' xch'on-q'anej rik'in ri Jehová y xubij k'a chire: ¡Wajaw yin, tabana' utzil tak'achojirisaj ri wana'!, xcha'.

Deut 12:25

Kan man titej k'a ni man tiqum ri kik'. Wi xtiben ri nubij ri Jehová ri qa-Dios, kan utz k'a xkixbe rix y ri iwijatzul.

Deut 12:28

Kan tiwak'axaj y kan titaqej k'a ronojel ri xinbij chiwe, richin keri' rix y ri iwijatzul kan utz xkixbiyin richin q'asen, roma kan utz y choj ri niben chuwech ri Jehová ri qa-Dios.

Deut 13:18

wi rix kan xtinimaj ri rutzij y kan xtitaqej ri rupixa' richin jantape' ri xinya' chiwe wakami, y wi kan choj xtiben chuwech ri Jehová ri qa-Dios.

Deut 28:27

Ri Jehová xtuben chiwe richin xtitej poqon rik'in yabil achi'el ri awas achi'el xpe chike ri aj-Egipto. Xtipe sipojik chiwij ri kan k'o rujeleb, ch'a'k y sal ri kan janila ruk'aqatil y man jun ri xtik'achoj chik chire ri yabil ri'.

Deut 28:58

Wi rix kan man xtitaqej ta ronojel re ch'abel richin re pixa' re e tz'ibatel kan chupan re jun wuj re', y wi kan man xtixibij ta iwi' chuwech ri nimalej bi'aj, ri kan nuben chiqe chi niqamey ri rubanik, ri kan nak'en rukiy, ri Jehová ri qa-Dios,

Deut 28:60

Rija' xtuya' pan iwi' rix ronojel ruwech yabil, achi'el ri xuya' pa kiwi' ri aj-Egipto ri kan janila xixibij-iwi' chuwech, y ri yabil ri' kan man xkixruya' ta k'a kan.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Deut 7:15

Ri Jehová kan xtrelesaj-el ronojel ruwech yabil y xtrelesaj ri nimalej ruk'ayewal, achi'el ri xuya' pa kiwi' ri aj-Egipto, xa kan xaxe pa kiwi' ri winaqi' ri ye'etzelan iwichin xtuya-wi.